乾燥缺水NO MORE @ Dr. Oracle Dermasys Hyaluronic Aqua Mask

一眾愛美人士, 除左日常護膚程序用到嘅產品外, 面膜係另一不可缺少嘅產品, 個人嚟講,  屯積嘅面膜數量比任何一款產品都要多. 唔同功效嘅面膜形態都唔一樣, 不過片裝面膜最方便易用,相信最多人揀. 想令護膚品功效發揮得好,同油光/幼紋/皺紋講再見,保濕/補水絕對係一年四季護膚嘅重中之重, 除左日常護理外,勤敷補濕面膜係拍定動作.



韓國女士皮膚咁好,聽到嘅秘訣都一定有保濕/補水呢一環, 嚟自韓國嘅 Dr. Oracle Dermasys最近就登陸香港, 帶嚟幾款結合皮膚學同科研成效嘅面膜,近日就試左其中嘅Hyaluronic Aqua Mask玻尿酸保濕面膜.



一盒5片,每片都有35克精華.



撕開係軟棉棉嘅面膜,由三層超細纖維材質(人造絲+紙漿+聚合物)組成,盛載滿滿精華.


全因為當中特別加入具高滲透性嘅骨膠原美容液，滋潤同時鎖水，令肌膚回復彈性水潤:

蘊含特別適合乾燥缺水肌膚使用嘅保濕成份,包括:
-玻尿酸: 天然保濕因子,可以滲入肌膚角質低層，改善皮膚缺水狀況。
-蘆薈: 補充水份、舒緩同時修護肌膚,起保濕鎮靜作用。
-銀耳萃取: 持久保濕

洗面後,疲累嘅皮膚既乾燥又暗啞,毛孔粗大.



皮膚測試機結果..無言....



敷上Dr. Oracle Dermasys Hyaluronic Aqua Mask 玻尿酸保濕面膜.



面膜剪裁設計不錯,尚算貼面,不易精華滴流.

敷10-20分鐘.掀起面膜,仲有好多美容液呀.

之後按摩按摩, 得美容液吸收, 皮膚變得水亮透白, 飲飽水真係唔同D.

 

 水潤度大大提升呀.



面膜性質溫和，通過皮膚低敏感度測試, 用得安心.

@@莎莎SASA獨賣.

##以上純屬個人意見&分享。產品及產品說明由品牌提供.

頭皮要呼吸,無矽唔黏笠 @ Rêveur Scalp Care

香港嘅春夏季, 溫暖而潮濕,對怕乾嘅皮膚嚟講係一大佳音,不過頭皮亦係皮膚嘅一部份,面對呢種天氣就絕對唔好受,夜晚洗完頭,第二朝起身頭髮已經變得黏笠扁榻,如果使用嘅洗護產品加入左矽令髮絲更順滑嘅話,情況就會更嚴重,所以識得揀無矽洗髮產品,再加定期幫頭皮髮絲進行深層清潔非常重要,頭皮先可以好好呼吸啊~
由護膚概念而誕生嘅超人氣日本洗護品牌-Rêveur,就主張【素髮】,所有嘅洗髮露均為「無矽」，洗髮過程無矽阻隔，污垢、油脂得以徹底被清除，令頭髮更能吸收護髮膜帶嚟嘅深層滋潤.最近就有機會用到Scalp Care頭皮護理系列.

可愛夢幻嘅粉紅色系, 包括左頭皮護理無矽洗髮露 及 護髮膜,係專為修護頭皮,滋養健康秀髮而設.



配方含有3大天然植物修護成份 - 水解大豆蛋白, 梅子萃取, 姜根萃取 + 12種天然植物補濕成份,可以修護受損角質層, 淨化滋養頭皮,令頭髮更健康.



擠出透明無色素添加嘅無矽洗髮露.



加水輕搓就起到豐富嘅泡沫, 帶住淡淡嘅柑橘香氣.



洗完頭過水, 感覺頭皮清爽乾淨之餘,仲好似輕身左咁.



之後用埋專為頭皮護理而設嘅護髮膜.



白色LIGHT CREAM狀, 無平時一般嘅髮膜咁傑身.



更易塗抹,髮絲吸收都好似快D咁, 過水後順滑非常.



平時如果隔日先洗頭, 頭髮黏笠都唔見得人.



用左Rêveur Scalp Care頭皮護理系列之後,情況大大改善.



髮絲都變得光澤順滑, 以後頭髮遇上春夏季都無有怕啦~
 




@@萬寧獨賣

##以上純屬個人意見&分享。產品及資料由品牌提供

素肌原美光彩の傳奇綻放

眨下眼今年已經過左四份之一, 嚟到咋暖還寒嘅春夏交替季節,天氣忽冷忽熱,時乾時濕,除左護膚品要轉,冬天用嘅底妝產品都唔太合用, 係時候換季啦. 近年妝容嘅趨勢都由貼薄嘅底妝做主導,先有BB & CC類產品嘅推出. 不過一般BB & CC類產品都會偏乾一點,夠透薄嘅遮瑕力就會遜色,遮瑕力夠就偏厚身D, 加上粉底產品亦推陳出新,江湖地位屹立不倒.
專注於發掘美麗，分享美麗嘅日本殿堂級護膚美妝品牌SHISEIDO就深明一眾女士對剔透貼薄,水潤亮澤妝容嘅追求,為Synchro Skin智能感應粉底系列添加新成員，推出左全新智能感應潤澤粉底 Synchro Skin Glow Luminizing Fluid Foundation.

貫徹系列嘅紅色+玻璃瓶包裝,大方體面.


泵裝設計, 易用方便.

全10色, 滿足唔同膚色需求,我就用最大路嘅 N2色. 輕按就可以泵出足夠份量.

質地好輕身,似稍為傑身嘅精華液.

用手推開,好似搽護膚品一樣.

推開後變得好薄身, 見到有D閃閃地咁,原來係特別加入嘅專利光感調節粉末及亮肌粉末.

完成護膚程序嘅素肌, 膚色不勻 + 毛孔粗大之餘, 鼻位泛紅有印,額頭少少偏乾.


唔需要用任何化妝工具,全面點開, 再用手直接塗抹，由面部中央向外塗開就得,要瑕疵嘅位置用多多D分量去修飾,方便快捷到極.



過程完全無卡粉,同搽護膚品無異,感覺好保濕.



妝感透薄到好似原本嘅皮膚一樣, 而且帶有自然嘅光澤,毛孔同印都修飾左,變得水潤粉嫩, 水光感十足.



有防曬指數SPF20PA++，防禦紫外線，好啱日常妝容.

智能感應潤澤粉底 Synchro Skin Glow Luminizing Fluid Foundation應用左生物補濕網絡技術,成份加入左摩洛哥堅果油及柚籽精華,高效保濕,就算放工返到屋企,塊面都唔覺得乾,亦無點脫妝(比著以前個妝起碼甩左一半),感覺仲好水潤帶光澤,真係好驚喜~

化妝都變到好似護膚咁,以後唔使再帶"面具"出街啦！

@@Synchro Skin 系列  於香港及澳門全線SHISEIDO 有售

##以上純屬個人意見&分享。產品及資料由品牌提供