Sleep Butter, Sleep Better @ Kiehl's奶油修護晚安唇膜

一年365日, 手袋/包包必備嘅除左紙巾同HAND CREAM, 對唔少女性嚟講唔少得嘅一定係唇膏,因為輕輕兩抺就可以帶出好氣息.但係每日塗唇膏,拉扯/抿嘴所帶來損害都唔可以忽視,加上環境(一乾就舔唇)/天氣嘅侵害(討厭嘅紫外線啊),雙唇好易就會出現乾燥,唇紋就會跟隨其後,嚴重時甚至會流血. 日常定時搽潤唇膏當然係需要嘅,但實際上雙唇同皮膚一樣,更需要定期嘅深層修護.

擁有豐富製藥心得及超過160年醫學經驗嘅Kiehl's秉承不斷創新嘅宗旨,深明女士對雙唇嘅呵護係何等重要,所以旗下嘅護唇產品一向深受愛戴.今年更推出新成員奶油修護晚安唇膜 (Buttermask for Lips)，把握晚間睡眠嘅黃金時間，深層修護唇部，改善乾燥脫皮狀況， 一覺瞓醒就可以擁有柔嫩雙唇.

玻璃瓶包裝,有8G嘅分量.

擰開外蓋,仲有厚厚嘅錫紙密封.

再撕開錫紙,就係淡黃色嘅奶油修護晚安唇膜.

散發淡淡嘅椰子香氣,原來成份加入左 :

●公平貿易椰子油 - 萃取自椰子核嘅椰子油, 為灰白色的半固體高飽和脂肪，保濕唇部肌膚,更柔軟及濕潤.

●野生芒果油 - 含豐富營養成分，修復乾裂脫皮嘴唇，帶嚟柔嫩水潤效果.

臨瞓前,雙唇都會特別乾,好似酸梅乾咁...

唇紋仲好明顯.

於雙唇塗上厚厚一層奶油修護晚安唇膜.

感覺潤滑但唔黏膩.

絕無"漿"住個嘴嘅感覺.

瞓醒將唇膜抺去, 好似做左SPA咁, 無死皮, 柔嫩軟滑.

唇紋淡左好多,唇色仲鮮明左.

奶油修護晚安唇膜除左夜晚用,日間有需要時(或妝前)都可以使用, 真係24小時都將唇部照顧周到.

想知多D ?! 可以去：

Website: http://www.kiehls.com.hk

Facebook: http://www.facebook.com/kiehlshongkong

Instagram: http://www.instagram.com/KiehlsHK

Weibo: http://www.weibo.com/KiehlsHK

##以上純屬個人意見&分享。產品及資料由品牌提供

雙C亮肌暖暖地

好多人都知道維他命C對身體健康起左重要作用,預防感冒 抵抗細菌和病毒、增強免疫力等等都廣為人知,係護膚方面,最多人知嘅功效非美白莫屬.除左美白之外,實際上維他命C亦係強力抗氧化劑,可以延緩肌膚老化,有助於膠原蛋白的形成，讓皮膚緊實有彈性、並促進傷口的癒合。 擁有豐富製藥心得及超過160年醫學經驗嘅Kiehl's秉承不斷創新嘅宗旨,係2005年就推出左醫學強效維他命C抗衰老精華,為世界各地愛美嘅人士提供左有效嘅家用抗氧化產品.

但係Kiehl's時刻警覺, 科研腳步一直前進,，務必要為顧客研發更高效嘅產品,推出革新配方.經過超過10個月同接近成百次嘅配方測試,全新升級版醫學雙維他命C抗氧亮活精華(Powerful-Strength Line-Reducing Concentrate)終於面世.

升級版仍然沿用啡色嘅瓶子，可以減低陽光及外來光線影響到維他命C，避免氧化.

輕盈嘅乳液質地,散發淡淡嘅柑橘味,清新怡人.

好滑易推開之餘, 仲感覺到微暖,代表肌膚正係度吸收滿滿營養.

抺幾下就吸收左,皮膚感覺細緻而絲滑,絕無任何油膩感.

升級版醫學雙維他命C抗氧亮活精華利用豐富嘅維他命C,將濃度提高到12.5%,當中可以分為:

●10.5% 純正維他命C (L-抗壞血酸L-Ascorbic Acid) - 可幫助減退細紋及皺紋，顯著改善肌膚亮澤度及質感。

●2% 維他命Cg (抗壞血酸葡萄糖苷Ascorbyl Glucoside) - 被肌膚表面最上層吸收時，會被激活。可針對性擊退皺紋，長時間使用更能明顯減少臉部皺紋。

同時增添具保濕功效嘅微細透明質酸(Fragmented Hyaluronic Acid),深層保濕, 即時填補細紋，提升肌膚鎖水力.

每天早晚取兩至三泵份量於手心勻開，點於面頰、前額及下巴的位置。

由內至外打圈按摩至完全吸收,可再取適量精華於重點位置重覆按摩，增強產品效果。

皮膚即時明亮左D,重點係鼻翼旁邊粗大嘅毛孔都細緻左,肌膚質感平滑左.

臨床測試結果仲證實長期使用更可撫平深刻皺紋,絕對係抗老化嘅佳音.

想知多D ?! 可以去：

Website: http://www.kiehls.com.hk

Facebook: http://www.facebook.com/kiehlshongkong

Instagram: http://www.instagram.com/KiehlsHK

Weibo: http://www.weibo.com/KiehlsHK

##以上純屬個人意見&分享。產品及資料由品牌提供

夏天零瑕妝容之秘密

香港嘅夏天熱就唔在講,最慘嘅仲要係濕度非常高,郁兩下就好易出哂汗,令人覺得皮膚黏黏笠笠,(長髮)女生就特別慘,除左要熱住出哂汗咁吹乾頭髮,好多時朝早化完個裝,出門去到巴士站/港鐵站,平日最愛嘅透薄妝容就開始溶化,唔想係炎炎夏日咁易溶妝,唔通就要化上厚妝?! NO WAY ! 想化出透薄輕盈又持久嘅底妝,係時候換上更專業嘅底妝產品. 



一向為女性打造完美肌膚同妝效傾盡心力嘅法國專業品牌LANCÔME,深明亞洲女性係夏天面對溶妝嘅苦惱,今年推出專為亞洲女性而設嘅全新配方 - Teint Idole Ultra Wear Liquid Foundation 極致無瑕持妝粉底液SPF38/PA+++ 登場. 配合埋La Base Pro 妝前柔滑隔離霜, 今個夏天就可以輕易塑造空氣感零瑕妝容！最近就投入左佢地嘅懷抱.



到手嘅除左La Base Pro 妝前柔滑隔離霜, 仲有12款色調嘅Teint Idole Ultra Wear Liquid Foundation 極致無瑕持妝粉底液SPF38/PA+++ 當中嘅 2 款色調 (B-01 & BO-04).



上粉底之前,優質嘅妝前底霜起著舉足輕重嘅作用.La Base Pro 妝前柔滑隔離霜睇落係透明嘅.



質地比市面上多數嘅隔離霜稍微稀身DD.特有嘅3D原光科技, 可以折射光線，有效地修飾幼紋、毛孔及瑕疵，營造出完美幼滑之肌膚。 



感覺好輕盈, 而且不含油份, 皮膚用後幼滑左,之後再搽粉底液肯定會好貼.



搽上面一樣柔滑好推.


Teint Idole Ultra Wear Liquid Foundation極致無瑕持妝粉底液SPF38/PA+++  當中嘅 B-01 & BO-04 色調,應該係普遍香港女性合用嘅色調.



B-01適用於偏白膚色,BO-04適用於自然膚色.



質地好輕身,似稍為傑身嘅精華液.



用手推開就得,好似搽護膚品一樣.



唔需要用任何化妝工具,全面點開,再用手直接塗抹，由面部中央向外塗開就得,要瑕疵嘅位置用多多D分量去修飾,方便快捷到極.



配方按亞洲肌膚重新研製, 加入揮發性粒子,令粉底更清爽, 但又可以保持潤澤,搽嘅過程完全無卡粉.



另外仲有吸油成份幫助吸收油脂, 擊退油光, 妝感透薄水潤,細緻滑溜,完全唔會侷促厚重,而遮瑕度高,毛孔同痘印都遮得好好.



仲有防曬指數SPF38PA+++，防禦紫外線，保護肌膚免受紫外線侵害.



唔想厚妝又唔想溶妝, 快D去LANCÔME專櫃同專門店親身感受下再入手啦.

##以上純屬個人意見&分享。產品及資料由品牌提供

天然高質親民價-AGE INTENSE TREATMENT FACIAL MASK

夏天嘅陽光絕對唔講得笑,就算出門前搽足防曬都好,最多都係防止曬傷,實際上都有機會曬黑架.特別係熱愛水上活動嘅我,出得海多,被猛烈嘅紫外線"照亮"左成日之後,皮膚水份都抽乾左.加上平日又夜瞓,皮膚本來就已經暗啞,再曬完抽乾水份,超擔心會出現乾紋,因為好易會變成皺紋架! 呢種情況絕對絕對唔容許發生,呢個時候最快捷便利嘅就係敷上保濕美白抗皺面膜,為皮膚進行急救. (溫馨提示: 如有曬傷者,未必合適)

韓國女生皮膚多數白皙,等我都敷下嚟自韓國嘅FROM NATURE出品嘅AGE INTENSE TREATMENT  FACIAL MASK 美白抗皺面膜,FROM NATURE秉承 【價格合理】、【高質】、【天然】呢3大原則,為大眾帶嚟優質而價格親民嘅產品, 效果仲好有驚喜.



以10片為單位去銷售,價格都唔到HKD100呢.



包裝上雖然係寫韓文,但看圖識用,無難度.

先洗面/爽膚,完成基本護膚步驟.



皮膚睇落唔差?!



假象嚟啊(淚..),笑一下嘅動作即時將乾紋出賣.



撕開包裝,取出面膜.



感覺好輕好薄,原來唔係一般嘅質料,而係用左可以緊貼皮膚嘅銅氨纖維,可以大大提升肌膚吸收精華嘅效果.



根據面形將面膜敷上,透薄而貼面, CUTTING唔錯.



到底呢款AGE INTENSE TREATMENT FACIAL MASK 美白抗皺面膜含有咩成份? 原來係近年來韓國大推嘅酵母菌發酵物,含量達70%之高,滿滿嘅維他命,礦物質同氨基酸為皮膚提供大量水份同營養, 令肌膚變得嫩滑水潤.

15-20分鐘之後除去面膜, 再將面上滿滿嘅精華按摩吸收.



皮膚即時變得水嫩光澤,暗啞唔見哂,亮白之餘,肌膚好似飲飽水彈性感返哂嚟, 讚呀!



今個8月,只要入手JESSICA雜誌,仲可以得到5片AGE INTENSE TREATMENT FACIAL MASK 美白抗皺面膜,快D去買啦.

想大手買入, 就唔好錯過FROM NATURE嘅SUMMER SALE喇~

GO GO GO: http://www.efromnature.com.hk/

##以上純屬個人意見&分享。產品及資料由品牌提供

捍衛眼周年輕三角

一個人係咪年輕,心態當然係好重要,不過要守住年齡嘅秘密, 雙眼就可以稱得上係第一道防線,因為眼周肌膚係身體皮膚最脆弱嘅地方之一, 雙眼由瞓醒一刻開始,由早到晚無停過,加上挨下夜,.唔止係黑眼圈, 眼角會漸漸出現細紋, 慢慢就會變成皺紋、魚尾紋, 一望就睇到,要點先可以KEEP全雙眼嘅電力呢?!

首先係唔可以偷懶,一定要早晚使用眼部護理產品,而有效嘅眼霜就擔當重要嘅角色.最近就試左一個本地薑品牌-Infinity當中嘅魚子逆齡時間緊緻眼霜, 撃退各種眼周問題. 



簡約嘅包裝.



每支嘅分量係15ml.



取黃豆大小份量試下先.



質感柔潤唔黏膩.



皮膚變得滋潤滑溜.

眼霜含有魚子精華, 可以撃退黑眼圈、減淡皺紋及提拉眼周肌膚，修復眼部歲月問題，喚醒年輕明眸。



雙眼睇落無咩問題?!



實際上眼紋出哂嚟.



在早晚潔膚後，用無名指取綠豆大小嘅眼霜.



以無名指指腹相互揉搓，將眼霜加溫，更容易被肌膚吸收.



用左一段時間,眼紋淡左DD.



眼下嘅浮腫都有改善呢.

想入貨就要去香港獨家分銷商 我的公主美妝店 My Princess.

購買點 :https://www.myprincessyoyo.com/product-4141.html

@@ 產品  Infinity 魚子逆齡時間緊緻眼霜 15ml 由官方提供

##以上純屬個人意見&分享。