面上最脆弱嘅肌膚, 一定非眼部莫屬, 事關眼周皮膚特別纖薄. 汗腺皮脂腺分佈較少,容易乾燥缺水, 一定要加倍呵護. 唔想眼周紋理提早出現, 保濕功夫就要做足120分, 足夠水份KEEP住皮膚飽滿同彈性, 魚尾紋都無咁易埋身. (男人有魚尾紋可能代表魅力, 女人有魚尾紋只會代表蒼老).
嚟自法國嘅葡萄成份專家CAUDALÍE, 推出全新Vinosource保濕系列, 同時具備深層保濕及表皮保濕功效，有效預防及解決肌膚衰老問題使肌膚飽滿有光澤, 保持年輕活力, 當中嘅Vinosource S.O.S Morning Eye Rescue葡萄籽急救保濕眼霜, 唔單止保濕力強, 仲可以作眼妝打底之用.
簡潔嘅TUBE裝, 有15ML ( 個人比較偏愛TUBE裝OR泵裝嘅設計, 總覺得比較衛生)
92%天然配方，不含油份
有D似Sorbet嘅LIGHT CREAM質地
一推開就覺得水潤非常, 吸收後清爽唔黏笠.
吸收後可見皮膚帶有光澤感
葡萄籽急救保濕眼霜結合Caudalie3個獨家成份：
1. 有機葡萄籽水® : 經臨床測試，證實可即時紓緩及深層保濕，+127% 即時水份提升, -61% 減少皮膚敏感.
2.葡萄籽多酚: 抗氧化能力比維生素C、E更高, 可延緩衰老，增強人體免疫力使皮膚潔白、細膩、富彈性.
3. 紅酒酵母®: 萃取自釀葡萄酒時嘅酵母，鎖住水份，讓肌膚持久保濕嘅同時,強化肌膚免疫系統(藍罕氏細胞)。
另外仲有:
-玻尿酸及水份調解複合物: 為脆弱肌膚鎖水
-白茶, 葡聚糖硫酸酯, 紅葡萄藤: 擊退黑眼圈, 抗炎, 促進血液循環
基礎護理後, 眼下細紋盡現
先取適量葡萄籽急救保濕眼霜, 將佢點於眼下
之後再印開
最後再打圈按摩, 推勻吸收
用左2個幾星期, 真係唔同左呀. 朝早洗完面咩都未搽, 眼下皮膚無之前咁乾, 紋理都無咁深呢~
將佢放係雪櫃, 用時冰涼醒神又可消腫. 而且搽完佢唔會有"擦膠碎"出現, 可以作眼妝打底用.
**莎莎獨賣喲
混合性肌
嘅我, T字位好易出油, 即使係出門前化好晒妝, 幾個鐘後都會出油(幾耐就視乎用邊款粉底啦), 所以包包入面一定有粉盒,
可以隨時補補妝.乾濕粉兩用粉餅就最方便易用, 而且選擇又多, 開架專櫃任揀.
擁有「年輕、流行、個性」鮮明形象嘅開架品牌Za，不斷開發護膚、彩粧產品，幾個簡單步驟就令女性輕易提升獨特美，散發獨一無二自信魅力.
嚟到今年已經誕生15週年啦~
一向係ZA乾濕粉兩用粉餅忠粉嘅我, 每年都必定入手佢嘅限量版粉盒SET, 作為日用+收藏. (之前有介紹過當中3款, 詳文). 為慶祝Za誕生15週年，全新「15週年限定粉盒」登場
Za仲特別邀請左活躍國際嘅知名插畫家小川奈穗（Naho Ogawa）合作，設計出呢款"GALS 舉杯慶祝"粉盒
「15週年限定粉盒」配兩款星級兩用粉餅 一齊限定發售，購買指定True White Plus真晳美白護膚乾濕粉或Perfect Fit輕透無瑕兩用粉餅，便可即時擁有
別注版粉盒上層係白色, 下層就係透明
謝過公關姐姐送上嘅Perfect Fit輕透無瑕限定粉盒套裝, 動手組裝一下就用得
超微柔蜜粉, 粉質細緻柔滑
用附設嘅粉卜沾取適量嘅粉底
塗上毛孔粗大,T位開始出油嘅面上
先搽左邊面, 不均及暗啞膚色即時修飾左, 毛孔瑕疵遮蓋哂, 完全唔會乾, 輕透無重
因為蘊含補濕鎖水膠原及高效透明質酸複合物，令妝容水潤貼服, 而光感護色膜及控油粉末，吸走過盛油脂, 避免出現晦黃暗沉
再搽埋右邊面, 唔厚粉, 貼薄又夠遮瑕度, 無重妝感現身!
指定屈臣氏、莎莎就可以買到啦~
一年四季
嘅護膚重點, 除左防曬/保濕外, 相信由16-80歲嘅女性都會同時想美白. 除左中國人嘅"一白遮三醜"嘅觀念外,
只因色斑/痘印/紅黑印都會令人睇落衰老/疲累/無精神, 擁有通透亮白肌, 俾人感覺都FRESH D.
一貫以改善皮膚健康，提供以科學為據嘅優質產品為宗旨嘅醫學品牌權威SkinCeuticals, 起始於醫學研究先驅Dr. Sheldon
Pinnell嘅革命性研究, 其後不斷尋求突破, 推出多款獲得皮膚科醫生、整形外科醫生、指定藥房、醫學美容及美容中心所採用及推薦嘅產品.
(早年好友已大推其防曬~)
多得香港美容專欄作家 Yoko Tsang嘅活動, 是日有機會去到TST iSquare 嘅
SkinCeuticals Advanced Medical Spa by perFACE, 出席 Yoko Tsang x
SkinCeuticals 「撃退色素」分享會, 見證新科研產品嘅厲害之處.
大會準備左飲品同精緻嘅蛋糕
分
享會開始啦, 有請Yoko出埸, 先同我地分享下點解佢需要撃退色素 (佢幾白架噃~),
原來係因為佢之前做天灸burn左背部皮膚,表皮復完後留有色素印痕,所以佢就用左SkinCeuticals全新推出既ADVANCED
PIGMENT CORRECTOR高效多重淨白抗斑精華嚟去印淡斑.
跟住由SkinCeuticals顧問同我地介紹ADVANCED PIGMENT CORRECTOR高效多重淨白抗斑精華嘅來頭.
可以媲美醫學去斑, 全因以多層分段方法, 改善及預防色素出現
唔少得嘅當然係有效嘅成份, 由真皮層開始提升抗斑能力，擊退頑固色斑、對抗新色斑形成及提升肌膚亮度
糅
合兩種淨白抗斑成分：1% 多元亮白複合物(HYDROXYPHENOXY PROPIONIC ACID)＋0.5% 鞣花酸 (ELLAGIC
ACID), 帶嚟媲美頂級醫學改善色素及袪斑嘅效果; 混合水楊酸 (SALICYLIC ACID) 溫和促進角質分解更新，去除角質層色素;
加入5%酵母萃取物 (YEAST EXTRACT)，能滲透至真皮層強化纖維母細胞, 加強抗色素沉著能力
臨床測試證實可以明確改善色素沉著
使用ADVANCED PIGMENT CORRECTOR高效多重淨白抗斑精華效果同使用醫學袪斑成份嘅一樣
配合相關嘅防禦 + 保護產品, 效果自然相得益彰
Yoko 又再分享產品使用步驟, 原來產品嘅分子大細會直接影響吸收同功效呢 (真係唔講唔知)
仲可以試下ADVANCED PIGMENT CORRECTOR高效多重淨白抗斑精華嘅質地, 幾保濕喎~
另外有 SkinCeuticals 嘅另一顧問同Yoko一齊解答大家對產品OR去斑/色素嘅疑問. 亦有有獎問答題.
一到夏天就水上活動不停嘅我, 面上嘅斑都唔少, 咁次得到呢支強勁嘅ADVANCED PIGMENT CORRECTOR高效多重淨白抗斑精華, 真係要睇下佢有幾厲害!
用後再嚟分享嘍~
近年裸
妝嘅熱潮, 造就左BB/CC 嘅火熱 , 作為底妝嘅中流底柱-粉底,當然亦要有所突破,唔可以再原地踏步, 仍然化住厚重妝容. 擁有過百年歷史
嘅L'Oréal Paris, 無論係護膚、化妝、美髮產品上, 都積極推陳出新, 提供大眾化又高科技嘅美容產品, 可以令人由頭靚到落脚.
旗下嘅True Match 肌膚完配系列 ── Le Teint肌膚保濕粉底液, 就帶嘅好似第二層皮膚一樣咁輕盈貼薄嘅妝容, 創造出細緻無瑕透亮底妝, 即使係盛夏都唔會令皮膚負擔加重(THANKS FOR L'OREAL PARIS.得到機會試試)
一共有5個色調, 皮膚偏白嘅我就用上R1 ROSE IVORY
頗為水水嘅質地, 感覺保濕, 順滑易推又輕身
Le Teint肌膚保濕粉底液蘊含獨創嘅「水吻光微粒粉體」，結合「高濃度玻尿酸」係細緻粉體中，肌膚補水，保濕親膚
近日慘不忍睹嘅皮膚, 明顯地毛孔粗大, 仲有痘出沒, 發紅
先塗半邊面~
泛紅肌膚即時得到修飾, 膚色均勻之餘, 毛孔都細晒, 妝感自然輕透, 貼薄非常
原來Le Teint肌膚保濕粉底液採用獨創雙層「柔焦光學粉末」，藉由粉末粒子嘅光影折射原理, 令光線自然反射係肌膚上, 好似打左燈咁,令面上瑕疵消失，展現透亮柔焦肌
上埋另外一邊面
妝感勻亮服貼, 透亮無瑕, 皮膚感覺保濕, 明顯變得柔滑細緻, 仿似天生就咁好.
有圖有真相, 一對比就高下立見啦
美中不足係遮瑕度因透薄效果而稍遜, 但唔影響其表現, 係裸妝嘅世代, 粉嫩感先係王道~
