Nov下半月收穫+敗家

嚟到十一月嘅最後一日, 嚟個下半月小結算.收穫都not bad


Beauty Exchange 十月份第三個星期「BE月月賞」


TSUBAKI HEAD SPA頭皮護理系列一份

其實佢係屬於10嘅, 不過一直都無收到e-mail, 要去問先補返比我

屈臣氏「人氣美容博客」活動獎品

Sukin Rose Hip Oil

Bonjour Cosmetics 「Forget-me-not 速效保濕面膜」迎新活動

Forget-me-not 速效保濕面膜


另加小敗@萬寧

日燒止每日防曬礦物蜜粉SPF50, 有15g, 都係$39.9咋...忍唔住買左

BB滑咀+甜蜜雙手孖寶

出席完Ettusais x Beauty Blogger美肌教室活動之後, 我地每人都得到今年全新首次推出嘅甜蜜蜜滋潤手霜 同 極潤版唇部修護精華返去慢慢試用



係活動中已經試過甜到漏嘅提子味同清新嘅洋梨味手霜,依家就可以試埋清甜嘅士多啤梨味.

成份加入左透明質酸,夏威夷果油,精煉蜜糖同甘油.夠晒滋潤

靚靚嘅粉紅色蛋糕外形

打開之後原來仲有一片保護膜呵..

個人嚟講唔太喜歡一般嘅士多啤梨味產品,好怕佢"懶"係sweet嘅香甜味道,所以係活動入面都無試到士多啤梨味手霜.

但聞下,佢唔係出面嗰種好俗嘅士多啤梨味,係比較清甜嘅,幾好喎.

添加珍珠粒子,可以均勻手部膚色

感覺好滑,好快吸收晒

即時滋潤返雙手,又唔會"立", 仲香噴噴添..

不過滋潤感維持得唔算好耐, 大約半個鐘後就完全變得清爽



至於唇部修護精華呢,自一推出已經覺得好吸引,當然cute爆BB嘅廣告居功不少啦.

今年仲推出極潤版,除左有高效保濕嘅透明質酸,蜜糖同甘油,仲有橘皮醣,有助促進血液循環,令咀唇keep住粉紅幼嫩.

而且加入大量嘅hyper gloss oil,加強豐厚滋潤質感,無論係極乾定極嚴寒嘅地方都可能keep住保濕

仲有SPF18 PA++,抵抗紫外線嘅侵害.

不含香料,成份天然,大大減低敏感機會

"吱"出嚟見到係淺粉紅色嘅,質地好似幾傑身

原本乾爆嘅咀


搽完又唔會好黏喎,即刻潤返晒,仲好似搽左LIP GLOSS咁bling bling閃亮~


佢仲可以厚敷做唇膜呢..

簡直係送禮自用佳品..今個聖誕唔使左諗右諗嘍~

Ettusais x Beauty Blogger美肌教室活動

上星期六嚟到銅鑼灣嘅hit the Road cafe,為嘅就係出席Ettusais x Beauty Blogger美肌教室活動呵.

因為地點比較難搵,係HKCOSME嘅工作人員協助下都要花左少少時間先搵到.上到去已經有唔少BLOGGER到左,了解緊產品

可愛嘅BB, 鴨仔, 咀咀都變成吸引嘅裝飾

今日嘅主角係甜蜜蜜滋潤手霜&唇部修護精華,之前我都係用緊Ettusais嘅底妝產品,但對唇部修護精華相當感興趣,今次完全可以滿足晒我

唇部修護精華一共有3款


分別係唇部修護精華,水潤修護唇膏同今年推出嘅極潤版唇部修護精華


佢地嘅質地都唔同,極潤版唇部修護精華係最傑身嘅, 而水潤修護唇膏就比較薄身

現場有以寒天加入lip essence製成嘅咀咀,有搽lip essence同無搽分別真係好大喎

BA仲好nice咁即場幫我厚搽極潤版唇部修護精華做lip mask呢..

另外仲有就係今年全新首次推出色彩繽紛,靚靚嘅甜蜜蜜滋潤手霜

同樣有3款

包括夢幻甜美嘅士多啤梨

濃郁芳醇嘅提子

清新嘅洋梨


我就揀左洋梨去試搽, 氣味好清新呵..大愛...

BA又幫我地用甜蜜蜜滋潤手霜去做手部按摩,今次就用左提子,好甜美嘅香味..

其間仲有美味嘅蛋糕呢..

係了解&試用過潤手霜同唇部修護精華之後,仲玩埋"你知道嗎?"有獎遊戲

係箱度抽出問題,再係BOARD度揀返相應嘅答案就OK

獎品係Ettusais嘅folder

俾blogger嘅禮物一早準備好晒,每人都會攞到唔同味嘅潤手霜同極潤版唇部修護精華返去呵.


一個愉快嘅美研聚會就結束嘍

愛地球多D, 對自己好D

發達國家/社會發展得越快,各種嘅污染都越來越嚴重,為左令身體更健康, 好多人都會開始食有機食物

漸漸市面上除左出現左有機食物外,仲有有機嘅內衣,有機嘅嘅牛仔褲,有機嘅寢室用品,估唔到連女性用品都可以係有機嘅.

就係嚟自意大利嘅ORGANYC. 先要謝過HK COSME,有機會試用.包括左:

   1. Organyc 敏感部位清潔液（Natural Intimate Wash）
   2. Organyc 有機衛生棉條

有靚靚嘅環保袋俾我地裝走呢..

一般有機嘅產品,都係原材料係有機作物,以比較環保嘅方式去生產,如:唔用農藥去耕種,減低對環境嘅破壞.

出產嘅農產品就相對健康D,人類用左/食左都會比較健康

而ORGANYC嘅女性用品唔係一般嘅有機產品,而係得到ICEA (The Ethical and Environmental Certification Institute)認證嘅有機產品.

產品同包裝100%可以俾微生物分解,非常環保, 而且完全無經過漂染, 唔會引起敏感

Organyc 敏感部位清潔液（Natural Intimate Wash）

女性敏感部位清潔液之前都用過幾個唔同牌子,雖然有D係適合敏感肌膚使用,但總會有化學物.

而Organyc 敏感部位清潔液,不含任何化學物質,加入有機棉花籽油,金盞花精華(柔滑),藍莓精華(清新),酸鹼值接近敏感部位嘅ph值, 大大減低引起皮膚敏感嘅機會

非常安全嘅封條設計

係透明無色嘅,聞落係草本味嚟.(似某牌子嘅爽膚水,有d人會覺得清新,有d則相反)

加小小水已經可以起到幾多泡..

用完感覺清新舒爽, 好乾淨, 令我驚喜嘅係...無諗過咁滑喎..應該係植物精華嘅威力呵..


Organyc 有機衛生棉條


以前無諗過會用棉條,因為想像得到唔會舒服..但呢幾年愛上滑水,生理期都會照落水,衛生棉條就成為左救星

有朋友亦分享,生理期瞓覺會棉條,會漏嘅情況會少d,所以我都會係瞓覺用, 又ok喎(當然如果流量超澎湃未必適合)

呢款係 super plus, 即係適合流量較多時候用

外盒有文字解釋使用方法, 當然另外附有說明書

一盒有14pcs

呢款嘅設計會比較易用. size比我平時用開嘅大少少.

但反而比平時舒服, 棉嘅質地比平時用開嘅soft...感覺非常好喎..(平時用嘅應該係加入左其他吸濕物料,唔係100%棉)

為環保出一分力, 係時候轉用Organyc嘍~

除左有機衛生棉條, Organyc仲有純棉有機護墊(衛生巾)可以選購.(始終唔係個個都用得慣棉條嘛)