是月敗得特別多 - 鞋

每個月都總有D嘢會買完又買,今個月就係...鞋.

一共買左6對

呢3對係尖沙咀重慶大廈嘅商場度買嘅. 每對都有膠袋裝住 

款式唔錯, 巧斯文..




魷魚鞋.巧思服



呢3對係旺角買嘅.有2對已經著緊..呵..


軟皮款



著ing

著ing


價錢..比淘寶平好多..嘿..

Nature's Way to Beautyful - Extra Virgin Minerals

之前出席完Extra Virgin Minerals發佈會後(按:Extra Virgin Minerals發佈會現場直擊(美人現身) ),見到靚女劉心悠同楊崢個妝真係化得完美無瑕,即刻要試下The Body Shop最新嘅純橄欖礦物粉底系列先(礦物粉近年大受追捧,全因成分天然,相對傳統粉底含滑石粉這化學成分,較少機會造成敏感,即使敏感肌膚都啱用)

試用包入面除左2款底妝產品外,仲有一支BODY LOTION, 係發佈會Dress code嘅小禮物嚟

當然佢地先係主角啦

先試Extra Virgin Minerals Liquid Foundation SPF 30純橄欖礦物粉底液SPF 30

質感輕盈,由超微細粒子礦物粉末+公平社群貿易嘅純正有機橄欖油&漆樹果仁油嘅獨特配方精製而成,輕薄舒適嘅質感為肌膚帶來全日補濕滋潤

BA幫我揀左最淺嘅米白自然色系102色

撕走封條,打開外蓋就見到係泵裝嘅設計嚟,方便衛生

"吱"左一泵係手嚟試下,聞到好濃郁嘅橄欖氣味(未必個個會鍾意)

質地水潤得嚟好薄身

推開好快就吸收左,感覺有D似搽LOTION

搽上面呢..可以跟個人喜好用手指/粉樸/粉底掃去上

感覺貼面易推,我係用粉樸嘅.

搽左之後毛孔明顯被隱沒,仲帶出光澤.遮瑕度雖然唔算高,不過就啱晒近年大行其道嘅裸妝潮流,而且好似搽乳液咁,保濕滋潤

再試Extra Virgin Minerals Cream Compact Foundation SPF 15純橄欖礦物乳霜粉餅 SPF 15

100%超微細粒子嘅礦物粉末,配合意大利公平社群貿易嘅純正有機橄欖油,只要輕輕一掃,即成輕盈啞緻嘅無瑕妝容

當然都係102色啦

搣開封條

打開見到配有小鏡

雪糕一樣嘅乳霜粉餅下

仲附有粉掃,出街用一流

利用粉掃沾上適量乳霜粉底

掃上手,比係發佈會試嗰陣薄喎(當時係用粉樸嘅)

上面都一樣啦,感覺依然係好薄,仲好滑

但遮瑕效果明確比粉底液稍高,但一D都唔厚妝

不過用掃上似乎相對難D塗勻.(明顯係技術差..唔好賴)

最重要嘅係,咁貼薄,遮瑕度都夠,D紅印遮左90%.而且滋潤保濕度良好

仲有半個月就八月十五,即係秋天嘅腳步已經行得好近啦,想秋冬妝容KEEP住保濕滋潤又無負擔,The Body Shop純橄欖礦物粉底系列真係唔錯嘅選擇(淨係佢嘅品牌理念已經贏左,再加優質產品,無得彈~)

Extra Virgin Minerals發佈會現場直擊(美人現身)

細個已經開始認識The Body Shop呢個英國品牌,身體護理系列相信一直都係唔少人送禮自用嘅首選.

非常欣賞佢嘅品牌理念,除左產品堅持用優質嘅天然成份,全部產品不使用動物測試,並透過公平貿易購買天然材原料,令各農民、供應商及其社群在生活上都得到明顯的改善.而且大力推動環保,致力保護地球&倚靠大自然生活嘅社群.

上星期,即將發售嘅全新Extra Virgin Minerals純橄欖礦物粉底系列就係香港藝術中心6樓Assaggio舉行左一個底妝聚會+發佈會,有幸出席,唔單止率先試下新產品,仲見到靚女嘉賓添

一出lift就係報到嘅counter

背後另有乾坤,就係放滿左純橄欖礦物粉底系列嘅產品,俾到場嘅sis試用/試色

嘩,人頭湧湧呀.大部分出席者都著上大會指定Dress Code：黑色衣服.同產品嘅設計非常襯

等我都去試用下,搵下啱自己膚色嘅粉底先

靚仔BA幫忙試色

極貼薄嘅純橄欖礦物粉底液SPF30

似有還無,好似搽膚品咁

比粉底液厚身少少嘅純橄欖礦物乳霜粉餅SPF15

有返D存在感

試完色再行入D,係發佈會嘅SETTING喎..

另一邊有小食招待..最愛甜品(美味~)

發佈會開始喇..有請MC-楊崢

原來楊崢一直都係The Body Shop嘅FANS,仲分享左對底妝嘅重要性同心得

之後有請著名化妝師Annie G. Chan同劉心悠出場,同大家分享化妝嘅方法同教路應該點樣化個靚妝.

劉心悠真人真係好靚女

其間唔小得Q&A環節,Annie G. Chan仲好用心咁解答.

跟住由楊叮叮做MODEL,為我地示範使用純橄欖礦物粉底系列產品

先係純橄欖礦物粉底液SPF30,Annie G. Chan用粉底掃上

然後劉心悠仲出手示範用純橄欖礦物碎粉SPF25

仲有就係補妝恩物-純橄欖礦物乳霜粉餅SPF15

除左可以用乳霜粉餅內附嘅扁身粉底掃外,都可以用圓碌碌嘅礦物粉底掃去上

完成~4位嚟返張合照先

最後當然唔少得大合照啦,一共有成五,六十位BLOGGER出席架

攞埋揀完色後BA幫我地準備嘅合適產品返去,可以試真D嘞

攞試用+敗家 @ O'SLEE

抽中O'SLEE成為最新一期嘅試用兵團,咁啱有時間,去攞產品啦,點知又變左敗家.(去有RETAIL嘅品牌攞產品,真係好易出事)

又買左4盒MASK($55/盒, 買一送一)..其他都係送嘅(試用品已離開現場)

本身係 O'SLEE嘅會員,之前收到SMS, 購物滿$100就可以當$20用, 或者當20分去換禮品.

最後揀左換禮品, 抵好多. 換左CLEANING OIL 同 淡斑遮瑕兩用筆

購物仲送左一塊MASK同防曬SAMPLE

咁多嘢都只係用左$110, 抵都爛