聖誕好戲量 - 《失戀單位》

剛過去嘅聖誕節, 係末日之後嘅第一個聖誕節.  硬係會有人揀呢D大時大節分手,變成單身嘅朋友, 又可能係PARTY度撈到筍盤.唔理點都好,單身又好,拍拖又好, 都要開開心心. 去睇下戀搞關係喜劇就最啱.

3 年前嘅平安夜, 喜劇教父詹瑞文創作左《潮性辦公室》, 公演至今超過200場, 成為話題,今年詹SIR又有新搞作,推出另一個全新作品, 傷心喜劇-《失戀單位》, 除左有詹SIR兩位徒弟泰臣(翟凱泰)同蝦頭(楊詩敏)之外,仲有2位新星-藍真珍&梁浩邦.

聖誕節晚就約埋好友s去到灣仔演藝學院睇詹SIR嘅新作

當眼嘅宣傳poster

成條柱都係,咁啱可以同另外3位朋友一齊睇

我地個位仲係正中間嚟呵~

《失戀單位》中嘅故事大家都會經歷過 - 失戀, 無論係撇人, 被拋棄, 相方有共識分開, 點都會心痛。而《失戀單位》就用左一種荒謬極端嘅關係、處境去講出愛情嘅「真」, 用最好玩最好笑嘅方式令人覺得就算是悲傷結局, 都可以喊住笑。

以搵筍盤作為骨幹, 故事以唔同嘅"單位"穿插, 單戀, 癡戀, 相戀, 寫實至極, 反映出香港男女嘅愛情生活態度, 帶俾觀眾幸福快樂嘅生活力量

泰臣 同 蝦頭 嘅戲量, 已經唔使多講, 盡得詹SIR真傳. 驚喜嘅係 藍真珍 同 梁浩邦 嘅演出一樣出色, 真係拍爛手掌.

2個鐘眨下眼就過左, 之後仲安排左4位演員幫大家簽名同合照

very nice

《失戀單位》淨返今明2場咋, 要睇就快d去撲飛啦. http://www.hkticketing.com/event/nswcms_event.asp?id=6158

爆笑抵死片段率先睇 : http://www.youtube.com/playlist?list=PLMSJ1cVJ4dJOcYMcPtCISy9n8zWuM3073

心慈自然美 - 金酵素聖誕慈善晚宴

剛剛過 去嘅聖誕節,天氣好鬼死凍. 平安夜仲係13年嚟最凍嘅添, 搞到出街都著到好臃腫. 不過如果有一顆善心,就可以為人帶嚟溫暖. 早前就有幸出席左由3週刊 X LISA FAMILY X 金酵素 所舉辦嘅 創意美食同慶聖誕慈善晚宴2012, 過左一個非常開心又有意義嘅晚上

是夜去到尖沙咀皇家太平洋酒店

出席者眾, 氣氛好熱鬧

前台有吉祥物公仔娛賓, 小朋友都爭住同佢地影相

枱上放滿左MARK左NUMBER嘅禮品

晚宴由一班小朋友嘅勁歌熱舞揭開序幕

先有MC 李麗蕊小姐出場

再有南華傳媒嘅負責人上台致詞

唔少得嘅係是次慈善晚宴冠名讚助嘅金酵素, 行健堂保健集團有限公司創辦人Amy Chiu趙繼純小姐上台

趙繼純小姐至力研發健康食品, 為善最樂, 全力支持今次嘅慈善晚宴, 真係明艷照人

所以南華傳媒特意送上感謝狀俾趙小姐

仲有一眾名人到台前合照

皇家太平洋酒店嘅大廚仲以金酵素去炮製佳餚, 趙小姐就送上特別版金酵素

金酵素代言人阿KAY謝安琪小姐上台分享飲用嘅感受, 趙小姐送上聖誕禮物俾阿KAY

跟住仲有遊戲玩

之後我地就食住美味嘅星級金酵素宴

好味又健康呀~

一邊睇表演, 其間仲有唔同嘅抽獎環節

第一位表演嘉賓係羅力威

第二位係許鋌鏗

表演過後, 仲頒發左12月上旬以金酵素為主題嘅 創意美食挑戰賽 嘅各大獎項

最後仲帶坎豐富嘅禮品包, 好大份嘅聖誕禮物呀~

絕色櫻唇♥水感滋潤

女生要望落有好氣色, 係咪一定要FULL MAKE UP? 未必, 唇紅齒白都可以令人睇落精神D, 亮麗唇色就成為一眾女士所追求嘅美麗法寶.唇膏嘅出現已經為女性添上嫵媚, 之後唇彩嘅誕生, 更將少女嘅心俘虜, 令櫻唇更3D, 更自然. 早年嘅唇彩一般都比較厚身, 黏立, 搽左之後好似"漿住"個咀咁, 亦唔一定夠滋潤, 特別係多閃粉嘅, 搽左都會偏乾D.

呢個傳統將會由L'Oréal Paris打破, 12月推出全新SHINE CARESSE 水漾絕色唇彩, 為唇妝帶嚟新體驗之餘, 仲可以令聖誕妝容更SHARP~

一共有8色, 有幸用到其中三色, 打造唔同妝感

高貴嘅金色包裝, 外班絕對比得上專櫃品牌

唇掃係專利羽毛狀空心設計, 可以準確沾取適當份量，能避免過多, 觸感相當柔軟

顯色度相當高

持久度係意想不到咁好, 手上嘅試色, 用紙巾抺完之後,仲有約30%嘅色留係手度, 就算用水沖過輕擦都無咩點甩到

SHINE CARESSE水漾絕色唇彩以嶄新水感配方研製, 擦上咀有涼涼地嘅清新舒適感覺

鮮粉紅系嘅603色, 感覺好自然, 日妝最啱

大熱嘅粉紅604色,顏色亮麗, 個人睇落好精神, 返工見客之選

橙紅系嘅804色, 色調比預期中稍紅, 夜晚去街去PARTY用就更見突出

全部搽嘅時候都無用潤唇膏打底, 但真係好潤, 唇紋即時淡左, 滋潤感KEEP到幾個鐘, 飲水都唔會係杯邊留痕, 最重要係唔點黏立, 而且好簿, 就好似將"有色嘅水"搽上咀咁,就已經擁有光澤水潤櫻唇.

價值仲超值到不得了, HK$99/ 6ml.

2012年12月1 日有得賣啦~

卸妝無難度,5秒已做到

好多人都會認為要皮膚好, 用上貴價嘅護膚品就一定得. 實際上清潔皮膚先係護膚嘅首要工作,皮膚唔夠清潔,就阻礙護膚品吸收. 日常有化妝習慣,卸妝更要徹底,以免彩妝堵塞毛孔,否則痘痘暗粒就會跟住嚟. 有人會選用潔膚水, 有人會揀卸妝油,一次過全面落妝, 但對於防水嘅眼妝/唇妝, 有時要卸多一,兩次先掂,應該先行用眼唇卸妝產品將佢地K.O.

擁有過百年歷史嘅POND'S,讀書時代已經開始用佢嘅產品.最近又有新品登場,一出就成為左韓國人氣產品-深層潔淨眼唇卸妝液. 早前就有幸出席左體驗分享會, 發拙又一好物.

場地方有唔同嘅POND'S卸妝產品

每張枱上都有主角 - 深層潔淨眼唇卸妝液

大會仲安排左好味嘅TEA

有請MC 同 化妝師出場, 同我地分享卸妝嘅重要性

再請出MODEL

化妝師幫佢即場化妝, 再示範落妝

預先上左底妝,仔細咁化上有層次嘅眼妝, 胭脂同唇妝, 仲教左我地唔少秋冬妝TIPS

完成

之後即場用深層潔淨眼唇卸妝液去落妝 , 落一邊面睇下分別

深層潔淨眼唇卸妝液使用BIO SPA COMPLEX特殊配方,添加含礦物質成分溫泉水,清爽唔油膩之餘,仲蘊含天然葡萄籽、山茶葉精華, 歐洲赤松葉精華,唔會刺激皮膚,仲有修護功效

使用前先上下搖勻卸妝液,以適當份量沾濕化妝棉, 再敷係眼蓋/唇上5秒, 大部份眼/唇妝已經抺走

眼線可以用棉花棒沾上卸妝液仔細擦掉, 亦可拭去面上彩妝

真係好乾淨喎

落埋另外一邊

彩妝一點不留,乾淨晒

跟住仲玩左個BLIND GAME, 先幫相片化妝

再用3個唔同牌子嘅卸妝品去落妝

比較下清潔度, 清爽度, 都係POND'S深層潔淨眼唇卸妝液最出色

到我地都動手去試下

一將POND'S深層潔淨眼唇卸妝液吱到相片上, 彩妝即時已經化開

落得好乾淨又唔黏立

防水唇妝都一樣輕易搞掂

最後仲有禮物呵~

更多分享在後頭...TO BE CONTINUE...