面面都要食瓜菜呀~

過左中秋,天氣唔再好似炎夏嘅濕濕立立,漸漸變得乾燥,就算唔係成日身處係冷氣地方,去到晏晝都會發覺皮膚開始有d乾, 睇嚟係時候要同護膚品轉季啦~
秋冬天嘅護膚之道,首要嘅當然係著重保水啦,瓜菜一向都係天然嘅護膚品,細細個就知道青瓜可以要嚟敷眼,各種蔬果搗爛敷面都有唔同嘅功效.
相信好多人對雪完美呢個品牌都唔會陌生,因為佢嘅去痘系列係好多人嘅恩物,我自己未用過,反而用緊佢嘅纖面QQ系列
最近佢就推出左全新嘅PXE瓜菜水多維補水系列,係針對年輕肌膚而研製嘅~
成份加入左小黃瓜 - 注水, 胡蘿蔔 - 鎖水, 紅葡萄 - 令肌膚水份活躍, 形成左補水->鎖水->活水嘅3D補水系統, 等肌膚長期KEEP住水嫩清新.
多謝Beauty life 俾機會去試用呢個雪完美PXE瓜菜水多維補水系列, 嚟緊嘅冬天就可以遠離乾燥肌喇~~~

當中包括左:
瓜菜水多維補水潔面乳
瓜菜水多維補水精華乳液
瓜菜水多維補水精華面膜
瓜菜水多維營養補水噴霧

另外係市面仲可以買到瓜菜水多維補水面霜呵..

即管睇下瓜菜有幾厲害先..

先嚟補水潔面乳

可以去除多餘嘅油脂, 污垢以及化妝品殘留

質地比較似洗面膏,但稀少少,之後加水起泡

d泡好豐富呵..比起平時用開嘅纖面QQ潔面乳所起嘅泡泡無咁堅實,soft d

洗完之後過水,油脂無晒, 但又真係唔乾噃,印乾d水摸下,滑喎~ 比起QQ系真係補水好多

之後搽返補水精華乳液

未開封前有鋁紙封口

係好水水FEEL嘅乳液嚟喎..

搽係手, 好快吸收哂

至於用係面呢, 就先倒係掌心, 再由臉部乾燥嘅地方開始搽起, 連眼睛四周都可以搽呢,按摩到吸收就ok

覺得皮膚好似飲左水咁,又唔油唔"立",T字位因為飲飽水,出油都無平時咁嚴重,唔錯呵..

另外就係補水噴霧


相信好多人都有用開,特別係係OFFICE工作嘅女仔,因為冷氣會抽乾皮膚水份,去到晏晝 3,4,5點, 塊面唔多唔少都會開始覺得有D乾,補濕噴霧可以話係最方便嘅急救聖品..

噴一噴營養補水噴霧...佢話唔需要輕拍, 但因為習慣左,照拍

水珠唔算得上好幼細,不過都好快吸收,又真係OK潤喎,感覺同膚質似拍左爽膚水咁. REFELSH左~

因為乾燥而有少少泛紅嘅情況都改善左.

之後上/補粉都可以更加貼呢

除左日常嘅肌膚護理之後, 當然都要作定時嘅保養 - 敷面膜啦

以前都有用過雪完美嘅MASK,效果都不俗架..

而呢款瓜菜水多維補水精華面膜


採用左創新纖微孔彈力面膜布,係模擬毛孔嘅設計,超細嘅纖維孔幫助將更多精華導入皮膚,密集補水

打開包裝攞塊MASK出嚟...望落好似魚鱗咁喎..

心諗:唔通咁嘅設計CUTTING會貼面D?

攤開成塊嚟睇,都幾大塊喎...會唔會唔貼架?!

不過佢嘅掛耳式拉提設計,敷左上面又OK貼喎.


唔單止臉部邊緣同下巴位唔會漏,原來連眼位都照顧到

成份除左小黃瓜 及 胡蘿蔔外,仲加入左西瓜萃取精華,帶動肌膚水份循環

原本乾乾地嘅面面...

15分鐘後...水噹噹同光澤返晒嚟喇~

全個系列都透住淡淡嘅蔬果味, 少少似青瓜, 感覺清,幾好聞呵~

如此素質嘅產品,價位相宜, 個人嚟講回購率相當高呢 !!

Pizza 巨無霸-Paisano's

上個月尾去完船河,就同幾個friend係西貢搵嘢食...

之前已經有係open rice八過呢間食pizza嘅Paisano's,賣點係全香港淨係得佢有嘅24" pizza
去到睇左manaul,唔貴噃, 6款配料嘅24吋pizza都係$260..分量足夠8個男人食飽飽.(有8件)

我地得4女1男. 為左試24"嘅pizza(嚟到無理由唔食架..出面食唔到架嘛), 就無叫set or 其他嘢食,只係叫左個招牌pizza


佢係即叫即整嘅. 等左約半個鐘.,終於嚟到喇...真係超大..


半徑有一截手臂咁長呢

佢個外買盒大到呢...仲有專門VAN仔送呢款24" PIZZA架..

最後幾經辛苦,我地都係食唔晒,有1件要打包...

味道方面,都幾正宗,夠濃味之餘又足料,好過嗰D連鎖式嘅PIZZA店..

當然除左KING SIZE 24吋之外, 都有其他SIZE可供選擇, 有12", 14", 16"..

我地因為坐係門口嘅關係,D人行過都會望下呢..

秋冬好幫手, 肌膚無有怕

時近中秋,方發覺秋天已經靜悄悄來臨..除左出街要帶多件衫,身體肌膚嘅護膚品都要換季呢...

對好多人嚟講, Johnson's強生絕對係家喻戶曉嘅牌子,因為細細個就已經開始用佢嘅嬰兒產品,種類可以話係多不勝數,梗有一款合用
以前讀書嗰陣都有用開佢嘅潤膚露, 不過年紀漸長,似乎滋潤度唔夠lu..(唔再係BB肌喇嘛 ),最後要轉用其他.

BB油係夠潤,不過始終唔太喜歡嗰種"油"嘅感覺...

直到舊年,Johnson's強生終於推出專為亞洲女性而設嘅強生美肌系列, 成年嘅女性又多左個價廉物美,質素有保證嘅身體嘅護膚品去選擇

今年Johnson's強生再下一城, 推出Extra Care深層滋養系列,全系列含嬰兒潤膚油及天然油脂, 為身體肌膚提供24小時深層滋養

先要謝過HKCOSME, 俾我有機會率先試用呢set深層滋養系列~

產品包括左:

深層滋養沐浴露
24小時深層滋養潤膚露
24小時深層滋養護手霜

到底加入左嬰兒潤膚油嘅深層滋養系列,同一般嘅BB油有咩唔同呢?會唔會"油淋淋"呢?答案係...睇落去就知嘞~

深層滋養沐浴露

含1/3潤膚露及嬰兒潤膚油,幫助鎖緊水份,達致長效補濕

質地比一般沐浴露傑d, 但比想像中稀, 因為同類嘅乳霜沐浴露都比較傑,仲難推開,呢款啱啱好

而且仲好香添呀~ 雖然唔係BB味, 但淡淡嘅香味有D似牛奶味,聞落好RELAX~ 反而有D乳霜沐浴露陣味超濃..怕怕..

搓出嚟嘅泡泡份量啱啱好,過完水擦乾身,都仲感覺到皮膚好水潤,未有"掹掹緊"嘅情況出現..

而對於我呢D身體係中乾性皮膚嘅人嚟講,平時(特別係冬天)沖完涼一定要即刻搽潤膚露, 如果唔係就會覺得好乾..依家有救喇..又唔使聞嗰D濃烈嘅"花香味"~

24小時深層滋養潤膚露

含嬰兒潤膚油及天然油脂,緩解乾燥甚至龜裂皮膚,eg:手肘位都好啱用

本來諗住咁潤,會頗傑身啦,點知質地都係比想像中稀喎,似乳液多d

香味同沐浴露一樣, 好好聞呀~~~~(大愛~)

初初搽上身度,唔知係咪因為含有兒潤膚油嘅關係,覺得有少少"立",但吸引得好快, 之後就淨係feel到 -----滑!!

真係正呀...夏天都啱用呢..簡直係長開冷氣乾肌者必備品...

24小時深層滋養護手霜


雙手最容易暴露年齡, 一定要好好愛護..同樣含嬰兒潤膚油及天然油脂,但質地比潤膚露傑好多~ 有C牌hand cream feel呀..

搽完之後好似有一層滋潤膜包住雙手咁,d紋睇落都淡左

size細細支,方便帶出街,啱哂~

睇嚟今個秋冬有佢地幫手,肌膚無有怕喇...唔知嚟緊Johnson's仲會有d咩為女性而設新產品推出市場呢?期待呵....

敏感部位有異味 ?! NO WAY !!

現代女性除左注重外表, 都注重衛生&健康. 而針對女性敏感部位嘅產品亦開始普及, 不過市面上的選擇唔算多,相信Lactacyd係比較廣為人所熟悉嘅品牌,
而且提供的選擇種類都比較多,今次試用嘅包括左:

Lactacyd「日常配方」女性衛生潔膚液250ml
Lactacyd「日常配方」全效滋潤女性衛生潔膚液 250ml
Lactacyd「倍護配方」女性衛生潔膚液250ml
Lactacyd女性衛生濕紙巾 6 packs

由於女性的敏感部位嘅PH(酸鹼)值係3.8-4.2,市面上一般的沐浴露並不適合,女性衛生潔膚液就係專為敏感部位而設,PH(酸鹼)值與敏感部位相近
除左可以徹底清潔之餘,加上含有天然嘅LACTIC ADIC同牛奶提煉成份,提供保護作用,令全日都感覺潔淨,清爽. 引起痕癢異味的細菌就無得再作怪,唔使再擔心會有異味而尷尬.

自己一向都有用女性衛生潔膚液,不過就通常係生理期前後嘅日子先用,依家有機會比我用晒咁多配方,日後選購目標就更加明確嘞

1.Lactacyd「日常配方」女性衛生潔膚液


質地水狀,好稀下,呈奶白色,有淡淡嘅香味

代替沐浴露, 直接塗抹係敏感部位再過水清洗, 所以唔會有相呵…

用完嘅感覺真係幾乾淨,不過就有少少”立”嘅感覺,好似某d洗面膏洗完而嘅感覺一樣


2.Lactacyd「日常配方」全效滋潤女性衛生潔膚液


配方無變,但就增加左10%嘅牛奶提煉&滋潤成份,清潔以外仲可以滋潤肌膚

質地似沐浴露, 傑身d,都係奶白色配淡淡嘅香味


用完乾淨得嚟,feel到皮膚滑左又滋潤d喎...讚呀..


3.Lactacyd「倍護配方」女性衛生潔膚液

因為女性自身嘅天然酸性保護膜會係月經 或 懷孕 期間因為荷爾蒙嘅轉變,令到抵抗力降低,更加容易引起不雅氣味,痕養及發炎,所以更要加倍呵護照顧.
呢款潔膚液就專為女性的特別時期而設嘅,成份當中加入LACTOSERUM成份,幫助加強抵抗力,提供額外保護,預防感染, 舒緩感染症狀.

仲有香港衛生署嘅註冊編號

質地係好稀嘅水狀,同Lactacyd「日常配方」女性衛生潔膚液相似, 一樣係奶白色,不過氣味方面非常濃烈,絕對唔好聞..

咁啱遇上生理期,用左之後乾淨之餘,不雅氣味真係比以前減少左,外部嘅不適情況亦都有改善,真係有料到喎..不過d味就確實係難頂左d..

3款產品都同樣係泡沫豐富,用完都好乾淨,不過個人覺得Lactacyd「日常配方」全效滋潤女性衛生潔膚液 比較討好呵..

4.Lactacyd女性衛生濕紙巾

係10片x6 packs嘅再封口裝嚟

同一般嘅濕紙巾包裝相約,當中同樣加入左LACTIC ADIC,適合係特別日子帶出街用,啱晒~

觸感相當柔軟,size 有差不多半張A4咁大

係萬0仲見到有獨立包裝嘅呵...

SlimSQ2 倍效纖草本輕瘦5天試用大行動

減肥keep fit係每個貪靚同注重身體健康嘅女仔(依家甚至係男仔)無時無刻都係度討論嘅話題, 做運動當然會係首選啦, 節食都可行, 不過對為食一族嚟講就會好痛苦
食西藥嘛..又會擔心唔知會唔會有副作用, 所以有d人用揀睇中醫, 飲中藥去減.依家又有新選擇喇, 就係天然草本纖維萃取物嘅產品-SlimSQ2 倍效纖.


今次試用嘅係早飲晚纖5日體驗裝, 包括左
E-Slim Drink 輕瘦飲5包
E-Slim Herbs 輕瘦草本10粒


先簡單介紹下佢地

E-Slim Drink 輕瘦飲

成份: 芒果薑萃取物, 藤黃果萃取物, 消化酶, 益生菌, 甲殼素

佢係天然瘦身沖劑飲品. 當中嘅藤黃果,含有大量HCA，此成份能抑制脂肪的合成，阻礙葡萄糖在體內合成脂肪,促進體內脂肪燃燒, 調節人體內脂肪代謝,減少脂肪積聚
而益生菌可以增加腸道蠕動,幫助排走廢物,去水消腫.


E-Slim Herbs 輕瘦草本

成份:杞子纖維萃取物, 乾薑纖維萃取物, 大黃纖維萃取物

全天然草本纖維素, 幫助腸道蠕動, 排走體內積存嘅廢物同毒素.


除左成份天然外, 佢仲通過左幾項測試 - 有毒元素.重金屬. 微生物, 農藥殘留, 全部合格


試用指示
頭兩日份量減半,等身體適應產品
份量為:
食完早餐後,用半包輕瘦飲黎沖水,飲完輕瘦飲後,要即時飲1-3杯水，效果更為理想。
係日間時,要盡量飲多d水!
夜晚食完晚飯後1至2小時內,食一粒(正常份量為2粒)輕瘦草本。
每一天起床後,空肚磅一磅重。
第三日至五日，可以食番建議既正常份量。

先嚟睇下係咩樣先...

E-Slim Drink 輕瘦飲係粉狀嚟嘅, 聞落有芒果嘅味道


先用溫水將佢攪成糊狀.再加入冷水or溫水飲.

第一次沖, 可能太心急, 無認真攪勻, 結果d纖維萃取物清楚可見, 綠色一絲絲咁..


第二次再沖就慢慢攪勻哂先飲...唔再見到d纖維萃取物喇..


飲落有淡淡嘅芒果味, 同埋有少少傑傑地, 滑滑地嘅感覺,有dd似啫喱水(當然唔係搽上頭嗰d啦), 入口都還可以..

而E-Slim Herbs 輕瘦草本就係膠囊藥丸嚟..服用就方便快捷啦

SO FAR 食左5日, 頭2日無咩特別, 只係個肚有時會"咕咕"聲, 應該係d益生菌做嘢喇...腸道蠕動就會有聲..去便便嘅量多左dd
點知去到第3日...去便便嘅次數增加左,去到夜晚仲攪住肚嘅去左幾次..
好在之後都無咩事喇..便便次數正常返...亦都無再攪肚..
唔知係咪因為快將生理期嘅關係, 體重無點下降. 不過就覺得水腫情況無以往咁嚴重, 小腹亦唔會谷住谷住咁..