關於我自己

我的相片
Contact: summerpigpigworld@gmail.com 鍾意試新嘢,仲意sharing, sharing is beautiful~ 講下生活嘢,扮靚嘢,睇下戲,食食食,買買買~

2010年12月30日 星期四

12月收穫

12月, 既係生日月, 又係聖誕月, 所以收穫不俗呵..

先嚟大合照, 呢d都係中獎/換返嚟嘅

1.V-Magazine舉辨的Crabtree & Evelyn贊助精美聖誕禮物活動

攞到嘅係ORANGE嘅bath gel + body lotion, 仲連埋托盤架..好靚

2.「解讀AQUALABEL」活動抽中嘅導入式護膚套裝

估唔到係貨size嚟

3.「Qpretty換季保濕大行動」抽獎活動嘅獎品 -「la glace透明質酸深層納米組合」

包括左la glace透明質酸納米深層保濕修護面膜兩片及胎盤活性淨白美肌精華 (5ml).
已經出左試用文

4.Maybelline New York 眼線問卷調查 – 禮品

Studio兩用閃亮眼影眼線筆一支及Lip Smooth全天然麗澤潤唇膏

5.桂格健康禮品包乙套

有1包即食燕麥片, 1包燕麥飯, 1包大燕麥 , 外加食譜

6.ME! <4周年送大禮>

Apivita Men’s Care EDT

7.Bio-essence Sample Set

每年生日都會有Sample寄嚟, 好sweet~

8.BIODERMA 潔膚水

係生日月嘅GIFT嚟..買嘢仲有7折..不過上個月已經買左2SET,所以無再買

9.CUPAL Beauty 膠原蛋白美肌精華7天試用裝

本來應該係上個月會收到嘅, 但因為郵寄失誤收唔到, CUPAL BEAUTY 好耐心咁幫手follow up, 仲重新再寄過俾我

10.LA ROCHE-POSAY SET

收到郵寄嘅單張去換嘅

11. 賽馬會寄嚟嘅禮品包

收到覺得都幾驚訝, 因為無諗過..有1個國泰航空賽事嘅紙巾套, 多功能card reader, 同埋抽獎券

不過收到嗰時, 已經係個活動完嘅後幾日

另外係聖誕禮物:

Crabtree & Evelyn HAND CREAM SET FROM公司PARTY, 朱古力FROM SUPPLIER

最後係生日禮物

1.同事送嘅

2.朋友送嘅

2010年12月29日 星期三

往面上貼金,仲要係鉑金-面膜篇

除左前一篇嘅幾款日常護膚用品外,仲有唔少得嘅就係成日都會敷嘅paper mask-納米鉑金緊緻頸面膜


官方資料:本產品專為修護細胞而設計的2合1頸面膜;含高效的鉑金和植物性膠質成份,有效改善肌膚細胞水份、細胞膜柔軟度、滋潤度和修補明顯受損的皮膚組織。
激活天然骨膠原再生,改善皺紋、表情紋、缺乏彈性之肌膚問題,高效緊緻,發揮鉑金級高效科技,令老化或脆弱肌膚生機重現。

平時唔知大家有無忽略到頸部嘅護理呢?! 頸部係一個好容易暴露年齡秘密嘅位置嚟, 所以要好好保養.

最特別嘅係佢連埋頸膜架.真係第一次敷呢.

打開包裝

再攞出嚟, 係分開面膜同頸膜 2 塊嘅,精華唔算好多,適中啦

先將面膜敷上面..size都幾大喎...好在cuting都fit到我塊面(大面人)..係鼻位差少少,唔夠貼.

連眼位都有埋...仲好長... 包埋下巴位..

之後再加埋頸膜..size對我嚟講偏大左d

真係全天候照顧周到..


敷完20分鐘, 皮膚好似飲飽水咁,有返光澤,毛孔都細緻左少少呢..

成套產品都散發住淡淡嘅花香味..整體效果不錯..mask將會係最大機會入手嘅..

2010年12月28日 星期二

往面上貼金,仲要係鉑金-日常護膚篇

近年嘅護膚品唔單透過唔同嘅高科技去研發&生產,往往加入名貴嘅成份, eg:碧壐,珍珠,黃金等等.而比黃金更矜貴嘅鉑金都應用到護膚品中

鉑金本身是不會氧化的貴金屬物質,能有效減少皮膚細胞氧化,達致抗衰老的功效

多得雅施, 今次有機會體驗下日本白碧納米鉑金緊緻系列套裝嘅鉑金威力有幾勁~

全系列除左有鉑金成份外,仲加入保濕力強嘅膠質,再利用納米技術,將有效成份大大提昇之餘,仲可以滲透至皮膚細胞表皮底層,改善膚質

產品係由專人送上嘅, 有泡泡紙包好, 非常安全

一早起身, 塊面有d油,仲有d乾紋

先用納米鉑金緊緻潔面乳

官方資料:  性質溫和,可同時清除毛孔污垢及卸妝,高效保濕、淨白肌膚、促進肌膚細胞增強彈性、柔軟膚質,提升細胞排毒之自愈能力和抗氧化功效,
潔面後肌膚感覺柔軟及明顯緊緻,回復水嫩狀態,製造幼滑軟雪糕的膚質。

有錫紙封口嘅

就咁"吱"係手, 質地偏傑身..

但塗上面呢..又好易推開喎..好滑喎..


之後過水, 面上油脂污垢無晒, 感覺乾淨清爽, 完全無任何黏膩感, 好似用潔面泡泡洗面咁, 最重要嘅係 - 完全唔覺得乾, 無"掹"緊嘅感覺

然後拍返納米鉑金緊緻柔膚露(爽膚水)

官方資料: 配合天然植物萃取精華,感覺清柔體貼,促進細胞更生、肌膚緊緻、水嫩柔軟和增強彈性。令肌膚回復晶瑩,重現剔透亮澤。

設計係揭蓋式嘅, 可以比較容易控制倒出嘅份量

透明無色嘅

倒落化妝棉再拍上面.皮膚感覺保濕,比之前柔軟

再搽返納米鉑金緊緻精華乳液

官方資料: 高滋潤鉑金、角鯊稀、透明質酸和小麥胚芽油等成份,終極級數的抗氧化能力,能瞬間改善肌膚呆滯,色澤無光及乾燥現象,激活天然骨膠原再生,
持續使用能減少頑固皺紋及脆弱現象,回復緊緻的青春狀態。

雖然只有 5ml , 但佢都係泵裝設計,用幾多"吱"幾多, 唔怕污染

質地比一般乳液稀身, 呈奶白色

好易推開,都好快吸收.

搽上面感覺水潤,而且唔"立"

最後就梗係要搽埋好重要嘅防曬啦 - 納米鉑金緊緻面霜SPF15

官方資料:含SPF15防晒度的高效滋潤性緊緻面霜,不論日夜均可使用,能滋潤肌膚長達24小時、促進新陳代謝、改善血液循環、活躍細胞再生、減淺皺紋、軟化和滋潤粗糙皮膚組織。用後肌膚感覺嫩滑,對抗歲月痕跡及煥發青春光彩,集徹底防禦及完美呵護功效於一身之面霜。

扭開外蓋,裡面仲有一層黐得好實嘅密封cover..

花左d時間先打得開..真係夠晒保護..

面霜質地比乳液傑身少少,所以都幾好推

不過可能因為係霜狀. 要花d時間先吸收晒..

用係手背,潤得嚟有好輕微"立"嘅感覺

搽上面呢...

開始都會有少少"立",應該係因為比較潤嘅關係啦..不過完全吸引晒再過一陣就無嘞..

呢排濕度咁低,淨補水未必夠(去到晏晝就知道), 所以輕微嘅油潤係有需要嘅..

雖然佢話可以夜晚都用得, 不過因為有SPF, 所以我都只會日間用.

2010年12月27日 星期一

《非誠勿擾II》

多得WTC MORE,有機會率先係琴日去到會展演講廳睇《非誠勿擾II》嘅電影優先場.

時間係晏晝嘅5點, 因為不設劃位嘅關係,所以大約4點半就去到喇.

估唔到嘅係,演講廳外面佈置得好靚,貼滿唔同嘅劇中場景海報之餘,有色彩繽紛嘅氣球,

仲有2 PAIR人著住婚紗係度影相喎..

原來琴晚同時亦係《非誠勿擾II》嘅首影禮呢..

時間係晚上嘅10點多..大會還安排5對新人,穿上婚紗禮服與舒淇及葛優一同宣讀愛的宣言

我之前無睇過非誠勿擾,於是係優先場前1日就睇返先.故事都OK.

而《非誠勿擾II》嘅官方劇情簡介

**************************************************************************
承接上集內容,笑笑(舒淇 飾)和秦奮(葛優 飾)從北海道歸來,雖然笑笑對舊情人已經心死,
但仍未能在秦奮身上找到愛情的感覺,兩人於是決定試婚。
但一次醉酒吐真言,笑笑坦承自己對他的感覺還不是愛情。
秦奮聽後深感失望,兩人亦日漸疏遠…
秦奮回到北京後,輾轉當上了電視主持。
這時,他的好友兼節目制作人李香山患了癌症。
在李的人生告別會上,笑笑亦有出席。闊別多時,兩人再次相遇;前所未有的感覺,引領他們慢慢地『真正』走在一起…
**************************************************************************

實際故事係點,先賣個關子,不過個人覺得比第一集好睇,有更多嘅笑料,感動位都比上集多,故事都幾寫實,睇完好有共鳴呢.讚~

不過唔睇慣國內嘅製作,可能覺得唔慣,特別係當中加入左北京嘅用語,就好似港產片加入"HEA"呢D字咁.

上影日期:2011年1月13日