關於我自己

我的相片
Contact: summerpigpigworld@gmail.com 鍾意試新嘢,仲意sharing, sharing is beautiful~ 講下生活嘢,扮靚嘢,睇下戲,食食食,買買買~

2011年6月30日 星期四

6月面膜月

自從卓悅super day買左5盒MASK後 (按:  卓悅SUPER DAY MASK 入手), 今個月又繼續買買買,又多6盒入手..唔知會幾時先用得哂..

買一送一嘅藍色SEXY LOOK MASK $78

森田白金美白MASK $29

MASKHOUSE $99/3盒

每款一盒, 其中韓蔘仲係升級版

要勤力D用左佢地先得

2011年6月29日 星期三

油臉最佳保養對策

夏天除左要對抗紫外線嘅侵襲之外,仲有就係油光滿面嘅煩惱.一般人會以為要清除面上面多餘嘅油份,就要經常洗面,同吸走油份(早幾年面油紙可以話係潮流嘅 一部分). 實際上咁樣係治標唔治本,可能仲會破壞左肌膚天然嘅保護層,加速水份流失.肌膚受刺激(乾燥)後自然分泌油脂保護肌膚,面泛油光情況結果變本加厲.所以近 年開始各大品牌都提倡水油平衡,先係油臉嘅最佳保養對策.

有過百年歷史嘅Kiehl's,全球粉絲無數,首支面霜特效保濕乳液一直大受歡迎,係呢個基礎上,今年更推出特效清爽保濕系列,利用突破性科技,將保濕成份同天然糖份融合,為肌膚注入及鎖緊水份,水油平衡,油光不再容易達成.


全新「特效清爽保濕系列」一共有三款產品,包括:特效清爽保濕潔面啫喱, 特效清爽保濕爽膚水, 特效清爽保濕啫喱乳霜,配方不含油份、Paraben 防腐劑、矽氧烷、色素及香料, 特別適合中性至油性、不受暗瘡及毛孔粗大困擾的肌膚使用

透過下列三種獨特保養機制,令肌膚重新恢復油水平衡,全日水嫩不泛油光

清爽調理 ─清爽調理各種膚質,修護肌膚天然皮脂膜,24小時控油保濕
溫和有效 ─不刺激肌膚,更避免肌膚因外界刺激而過度出油,敏感肌亦啱用
恢復平衡 ─保濕不黏膩嘅高效成分,為肌膚重建鎖水防禦層
冰河醣蛋白、白茅根萃取與甘油:深入肌底,給予肌膚純淨保濕滋養分子
多醣水載體:有效鎖水並強化肌膚保護層,避免水分流失
皮脂平衡科技:作用肌膚表層,幫助維持天然皮脂膜水油平衡,減少油光達到清爽水潤

逐款睇下先:

先用 Ultra Facial Oil Free Cleanser特效清爽保濕潔面啫喱 洗面

配方特點:
不含油份,不含硫酸鹽,唔會傷害肌膚天然保護屏障,用後唔會感到繃緊
蘊含白茅及檸檬精華,令肌膚水嫩亮白
不含過敏源、矽氧烷、色素及香料,性質溫和, 適合中性至油性及敏感肌膚早晚使用

質地係偏傑身嘅膏狀

起泡容易,都幾豐盈呵, 不過稍嫌唔夠滑

原本嘅油光滿面

洗完乾淨晒,而且唔會乾

之後梗係要拍返 Ultra Facial Oil Free Toner特效清爽保濕爽膚水

瓶口頗細

配方特點:
不含油份&不含酒精成份,能減少肌膚表面多餘油脂外,溫和地帶走面部殘餘污垢及雜質
以白茅及葡萄醣蛋白配方,紓緩肌膚及補充水份
平衡肌膚酸鹼度,保持狀況穩定
不含過敏源、矽氧烷及香料,性質溫和安全,適合中性至油性及敏感肌膚早晚使用

無色無味

用完毛孔輕微收歛

最後搽返 Ultra Facial Oil-Free Gel Cream 特效清爽保濕啫喱乳霜

配方特點:
不含油份,可以深層保濕及修護
含白茅、葡萄醣蛋白及青瓜精華,保護肌膚+鎖緊水份嘅同時,減少面部油份,令肌膚回復平衡
不含過敏源、矽氧烷及香料,性質溫和,不會引起粉刺,適合中性至油性及敏感肌膚早晚使用


啫喱乳霜狀,推兩下就吸收晒

質感清爽

搽完皮膚啞緻左

要keep住皮膚水油平衡,就要識得揀合適的護理產品嘍, Kiehl's絕對會係信心之選

2011年6月28日 星期二

環保由護膚做起

近幾年嘅地球氣侯出現前所未見嘅變化,十年一遇嘅風災/水災/旱災不尋常地出現,冬天變得越嚟越凍,時間亦長左,夏天一樣變得越嚟越熱,一年四季似乎越嚟 越唔明顯,春秋兩季一眨眼就唔見左.到底人類嘅生存環境會變成點? 你會為地球出一分力嗎? 做法多不勝數,紙張/金屬/塑膠循環再用已經成為生活習慣,電器唔用就要完全熄左佢,唔好停留係待機狀態.日常生活當中一D微不足道嘅細節,都可能成為拯 救地球嘅關鍵.

依家連護膚都可以為環保出一分力.Origins自2009年開始推行環保計劃,將護膚品嘅塑膠容器回收,進行能源復原或 循環再用.每年推出綠色月,推動計劃發展.今年更推出以環保包裝嘅皇牌產品 A Perfect World Deep Cleanser白茶深層潔面乳,宣揚循環再造&減少浪費嘅精神.

潔面乳包裝上有30%嘅軟管包裝原料係以回收塑膠製成,樽蓋係100%可循環再造物料嚟,環保理念明顯不過

當中嘅主要成分係:

銀針白毫茶 - 有強效抗氧嘅多酚,壓制游離子

椰子+棕櫚 -溫和潔淨,帶走多餘油脂及污垢

燕麥 - 有氨基酸,軟化滋潤肌膚

而且100%天然有機(Origins官網資料)

打開已經聞到好香嘅果味

質地稀身左少少

但泡沫都好豐富喎

一早起身,又油又黃嘅皮膚

洗完之後,再淨得嚟完全唔覺乾,黃氣盡去


為左地球仲會有將來,一於由護膚做起,繼續支持Origins~

2011年6月26日 星期日

大挑戰,2分鐘要搞掂

最近同SOFINA相當有緣,之前出席過護膚產品嘅工作坊,依家仲有機會率先試用嚟緊7月份先開始發售嘅AUBE Couture彩妝新品.

最特別嘅係..為SOFINA獻出左第一次...妝容短片嘅拍攝

所用嘅產品係呢3款: Designing Impression Eyes(7月開賣),Designing Puffy Cheek,Designing Premium Rouge


先嚟逐款睇下

1.Designing Impression Eyes

係現有Designing Eyes嘅進化版

外面有好清楚嘅步驟

估唔到打開裡都有喎

加入左上下眼線,一盒就可以完成全個眼妝

用嘅係553色系

以為係好紫嘅顏色,又唔完全係喎,係紫+啡色,更百搭同易襯

顏色都幾顯色喎

2.Designing Puffy Cheek

內內外外都有清晰嘅使用指示




跟住步驟裝胭脂導向環拉出

再按下,輕鬆拍幾下,海棉粉卜已經充分沾滿胭脂粉末,用得啦~

呢個係411粉紅色,顏色好自然

搽嘅時候可以利用胭脂導向環,簡易確認塗抹嘅位置

3.Designing Premium Rouge

配合「專利3D立體唇掃」,設計係針對東方人嘴唇貼服嘅角度同形狀,塑造均勻的塗膜

加入了大量精華液成分嘅柔軟唇膏,就算係唇紋明顯或容易粗糙嘅嘴唇,也可以變得柔軟而光滑(之前都有用過,真係好正: 連潤唇膏都唔使搽lu~ )

今次用嘅係限定色PK195

係粉紅色系,含亮片


萬事俱備嘞

NG左無數次,先搞好, 拍攝得2分鐘嘅時間,要控制得好真係幾有難度..獻醜啦...請多多包涵同支持 , 按: 2mins make up

完妝照:

多謝收睇

夏日肌膚要完美,點先可以呢? - 應用篇

上回出席完SOFINA完美夏日護理工作坊(夏日肌膚要完美,點先可以呢? - 護膚篇),對夏天應該點樣護理皮膚後,就攞左新品+夏天適用嘅產品返去試用

夏日肌膚要完美,就靠佢地啦


1.JENNE LOTION I - FRESH 水凝活膚露

加入吸油粉末,另含保水成份,抑制乾燥,不含油分同酒精

用之前要先搖動一下

因為吸油粉末,水凝活膚露呈乳白色,有淡淡嘅香味



以手心包裹嘅塗抹方法塗抹

皮膚即時變得柔潤,擴張嘅毛孔都收歛左,水潤得嚟好清爽

個人評分:(★★★★★為滿分)
保濕度:★★★★
滲透度:★★★★
清爽度:★★★★
上妝貼服度:★★★★


2.JENNE DAY PROTECTOR SPF24 PA+++ I(水凝防曬乳液 清爽型)

擁有UV防禦技術[ADVAN],有效阻隔UVA1. 含[ROSEMARY耐氧化劑],有效消除促使肌膚老化嘅多種毒素.加上有細胞間脂質,提供保濕元素

唔需要額外用其他保濕霜,一支已經能夠令肌膚持久保濕,仲可以做埋化妝底霜,方便快捷

先搽係手FEEL下質感,少少傑嘅乳液嚟, 容易推開,吸收快

之後再搽上面,標準使用量約直徑1.5cm, 感覺清爽得嚟保濕,而且唔黏立.有修飾皮膚作用,又唔會泛白.

個人評分:(★★★★★為滿分)
保濕度:★★★★
滲透度:★★★★
清爽度:★★★★
上妝貼服度:★★★★

3.JENNE OIL CONTROL MOUSSE T-ZONE零毛孔控油慕絲

配合雙重SUPER皮脂吸收粉體,有效抑制由過剩皮脂引起嘅油光同黏膩, 加上隱形毛孔粉體, T字位可以KEEP住啞致清爽.仲有美白成分,淡化毛孔內嘅黑色素

跟住指示打開

用嘅分量大約係1粒米嘅上下

如果用係T字位,大概用到40次,如果淨係用係鼻位,可以用上80次

TUBE裝嘅設計,瓶口偏大

吱喎時要小心D

只搽鼻位

即時啞致左,毛孔望落細左,平滑左

佢話可以KEEP到6個鐘咁耐,真唔真先?

事實係6個鐘後都會出左D油,不過真係比平時少好多.如果無用零毛孔控油慕絲,同一個出油狀態會係洗完面後嘅2個鐘內出現

比較圖

控油力暫時係我用過嘅控油產品中最持久嘅,化妝貼D之餘仲KEEP得耐D

個人評分:(★★★★★為滿分)
控油度:★★★★★
持久度:★★★★★
清爽度:★★★★★
上妝貼服度:★★★★

4.JENNE JELLY MOISTURIZER水凝啫喱乳液

含高效嘅活性細胞間脂質,同尤加利精華,用於晚間修護補水,夏天開冷氣嘅日子啱晒

清爽嘅啫喱狀乳液,感覺都係似搽傑身少少嘅啫喱,推開後又好似感覺變左乳液喎

只需黃豆大分量,已經可以搽勻全面,用後感覺極保水,滋潤得嚟唔油膩,摸落仲滑左,皮膚有光澤左

個人評分:(★★★★★為滿分)
保濕度:★★★★
滲透度:★★★★
清爽度:★★★
上妝貼服度:★★★★

做到水油平衡,夏天再熱,肌膚都無有怕,塊面唔再反晒光喇