再戰激光療程

近年激光療程興起,透過唔同嘅激光波長,可以改善唔同嘅皮膚問題,eg:緊緻,收毛孔,嫩膚,美白去斑等等.除左係針對性之外,效果都會比較明顯/持久,所以好多人都會有興趣

上年年尾我都曾經試左人生嘅第一次激光美白療程,唔知係咪因為激光波長唔適合(定我自己忍唔到痛?)嘅關係, 感覺極強烈,唔太接受到.

不過其實深知做激光療程的確比平時嘅日常護理有效得多,所以當the Ztyle推出per FACE激光緊緻及SkinCeuticals潤澤護理療程試用活動,
我都照樣報名, 點知抽中左喎,都決定再試下,死就死啦

之前約好左療程嘅時間係晏晝2點,呢日就嚟到係銅鑼灣嘅per FACE.(OFFICER Cherie仲好好咁朝早打嚟提我時間)

上到去,LIFT口就見到per FACE嘅poster

門面光潔明淨

入去就係接待處

工作人員叫我填一份皮膚狀況嘅問卷

剛係沙發坐低

已經立即奉上花茶,好貼心呵..

填完問卷就先做皮膚分析..用嘅係呢部機..好似攝影機咁影幾張相

皮膚狀況還可以.

跟住先參觀一下per FACE嘅設施

CONSULTANT ROOM

擁有無敵海景嘅SPA FACIAL ROOM

仲有2間專為SkinCeuticals 醫學護膚專區而設嘅FACIAL ROOM

之後就去到我接受療程嘅房間,床上鋪左電熱毯架,冬天都唔怕凍

旁邊嘅櫃放滿左SkinCeuticals同其他醫學品牌嘅產品

美容師先幫我潔面,抹走面上嘅防曬塵埃,皮膚係乾淨左, 不過粗大嘅毛孔,乾紋顯而易見

接 住落嚟就係激光緊緻嘅療程,係未開始之前,美容師講解左呢次嘅嘅療程係先以Laser Facial 活躍皮膚底層,等皮膚處於最活躍、最吸收的狀態,再配合SkinCeuticals產品,令肌膚即時變得滋潤有光澤,細紋明顯減淡,仲可以收細毛孔,均勻 膚色,刺激皮膚底層嘅骨膠原再生.

另外用嘅係1064波長嘅激光,感覺會係溫和嘅,唔會有好強烈嘅感覺,只係輕微"吉吉地"咁,(當時我心諗: 真唔真呀?!)不過就會聞到燒毛髮嘅"火羅"味..而做上唇嘅時候會感覺強烈d,因為我有瘡瘡嘅關係,會將激光嘅強度稍為調低去遷就翻(好細心呀~)

正式開始嘞,由額頭打起,感覺有少少"吉",比上次感覺好好多,無咁痛呢..之後係面頰->鼻->下巴->上唇,做完右邊面,再到左邊面,最後到眼部附近,全程都有風扇吹住,會有少少涼浸浸嘅感覺,唔會覺得好痛

皮膚白左,毛孔無之前咁顯眼,而近眼嘅細紋都淡左

跟住美容師用SkinCeuticals嘅潤膚面霜幫我做按摩(平時可當晚霜用),再搽SkinCeuticals嘅保濕精華,feel到d精華係按摩完後吸引得好快,摸落皮膚好有彈性喔..

最後就係嚟一個倒模嘅面膜..感覺冰涼,好舒服

15分鐘後起模,搽返日常嘅護理就搞掂

皮膚比之前明亮有光澤左,毛孔細左之餘,連痘痘都收歛左呀~

美容師仲提醒防曬一定要做足,同埋做多d補濕

可以去化妝間執一執個樣,即時化妝都得喎

化妝間設備齊全,讚

臨走美容師仲俾左盒藥膏我,如果有敏感情況,eg:紅點 出現,就可以搽

SO FAR又無咩敏感,皮膚狀態比之前更好

多謝per FACE令我對激光療程改觀,揀啱自己嘅療程真係好重要

如果對激光緊緻及SkinCeuticals潤澤護理療程有興趣嘅話,可以去呢度登記READER OFFER:

http://www.perface.com.hk/form/s3.php

以$480(原價$2680)獨家體驗「激光緊緻及SkinCeuticals潤澤護理」一次，完成療程後可全數$480換購SkinCeuticals正價產品

即係免費呵~

Kotex 清爽．舒適．瑜伽體驗活動

細細個開始已經無咩運動細胞,所以平時都唔多願郁,最多都係跑下步,結果練就出一副硬骨頭,柔軟度奇差.

早年瑜伽開始興起,時有收到一d免費嘅試玩推廣電話,都被一一拒絕,就係怕做唔到d動作(又怕俾人狂sell)

多得the Ztyle同Kotex,有機會嘗試左人生第一次嘅瑜伽體驗(又唔會又人sell),仲可以即場體驗Kotex產品帶嚟嘅清爽舒適感覺,玩得好安心

地點係尖沙咀Dickson Yoga,位於2樓,樓下係時裝店,但搶眼嘅招牌一眼就可以望到

係梯間已有是次活動嘅宣傳

2樓嘅接待/休息空間寬敞

場地設有更衣室, 浴室, 並提供毛巾及儲物櫃提供使用,攞左儲物櫃鎖匙就去換衫嘍

儲物櫃旁邊仲有飲水機

攞儲物櫃鎖匙嗰陣工作人員俾左1pad隱形特薄無香護墊,作即場試用

出席嘅blogger都陸續換好衫去到3樓嘅瑜伽場地

未開始之前由KOTEX嘅工作人員簡單介紹活動流程

當然唔少得我地嘅瑜伽導師啦

跟住落嚟就係1小時嘅瑜伽教學活動

其間瑜伽導師教授左一D基本嘅瑜伽動作,好多都做唔到標準姿勢呢...(睇嚟要做到大概要訓練返一年半載).反觀導師就駕輕就熟,柔軟超好呀!!

1小時係不知不覺中慢慢過左,感覺還可以,不過再繼續就未必得喇(太差勁了)

KOTEX嘅工作人員嚟一個活動總結之餘,仲講解返嚟緊可以試用嘅產品類別

經佢提一提,先記得當時用緊隱形特薄無香護墊呵...真係幾舒服透薄...唔太FEEL到佢嘅存在..

真係要試埋另外嘅產品,再嚟分享下~

斑斑狙擊手

呢幾日天氣開始回暖,春裝紛紛出籠(香港嘅春天非常短暫,唔把握機會著,轉個頭夏天就殺到).護膚品都開始計劃轉季嘍~

除左防曬產品嘅度數要調高外,美白都會係春夏季節嘅一大課題.

熱愛水上運動嘅我,最鍾意去海灘同陽光玩遊戲,近來滑水嘅興起,仲多左嘢玩,船河/滑水去唔停,不過玩係要付出代價嘅(錢同時間就唔在講啦),雖然高度數防曬會搽足,但有時掛住玩,真係未必會記得補,結果面上嘅斑斑就越嚟越多.

不斷有試用唔同嘅美白產品,但一般都係皮膚會亮白左,但d斑就未能擊退,唔通真係要做激光先得?

依 家好似有d曙光,嚟自法國嘅Vichy,全新推出Bi-WHITE REVEAL雙重亮白狙擊淡斑精華, 5倍高濃度LHA配方，有效去除角質層，加速細胞再新；加上2倍醫學護膚亮白因子Ceramide White，截擊黑色素訊息，深層亮白細胞，重點狙擊頑固色斑、暗瘡印.而且係低過敏配方呵護敏感肌膚

包裝好簡單,完全無花巧嘢

使用說明就係盒外..只要搽係有斑 或者 係所需位置, 而唔係全面使用

TUBE裝設計

瓶口尖細..咁就可以容易控制擠出嘅分量

雙重亮白狙擊淡斑精華嘅主要成份有 : 2倍Ceramide White + 5倍LHA

Ceramide White 係VICHY研究所的最新美白成分，經多年研究發現構成人體表皮皮脂膜最主要的物質-Ceramide （俗稱分子釘或細胞醯胺），其中的第五型(Ceramide White™)(制黑細胞醯胺)，具有優異的美白效果, 不同於傳統的美白成分（如熊果素、麴酸、鞣花酸等）主要功能在於抑制酪氨酸脢, Ceramide White™制黑細胞醯胺能夠搶先作用在黑色素形成的第一階段，提前攔截黑色素母細胞接受到的黑化訊息，因此能夠在第一時間避免酪胺酸脢被活化，讓後續一 連串的黑色素合成反應沒有機會發生，預防黑斑產生.

LHA是水楊酸的衍生物，是柔膚果酸BHA的一種，較普通水楊酸具有更好的皮膚相容 性, 比起水楊酸耐受性更高，優於果酸三倍的效果，其油溶基的部份可以滲入細胞間脂質，個別去除老舊角質，加速皮膚細胞的新陳代謝，成分極為溫和，精準剝除角質 卻不刺激，適合各類型甚至是敏感性皮膚長期使用，能有效達到溫和溶解角質卻不會產生副作用

為左加速促進(Ceramide White™)的吸收,另外加入5倍專利成分LHA, 同Ceramide White™結合---LHA 超強的角質溶解功能，除左可以有效清除肌膚表面的老廢角質與暗沉、老化細胞，提升肌膚光澤，更能深入角質細胞間的縫隙，淨空美白路徑； 再利用LHA獨特的親水親油雙端結構，將(Ceramide White™) 緊緊抓住，向下深入直達肌膚底層，使其能夠完全作用於位在基底層的黑色素母細胞，徹底發揮美白效果

質地係乳液狀

薄身易搽

面上嘅斑..(雖然未算好深色..但要將佢地消滅一d都唔易)

只搽係有斑嘅位置

皮膚感覺輕微潤左少少, 之後再搽返日常用開嘅面霜/防曬

好努力地(早晚都搽)用左差不多1星期,無敏感情況, 亦唔會令到皮膚變乾, 所搽嘅顴骨位望落亮白左..

至於淡斑效果..請以雪亮嘅眼睛自行判斷吧....

美白淡斑係長期嘅作戰,要努力加油!!

L’Oreal Paris Curl Impact Collagene Bloggers’ Party

繼情人節前夕出席 完me! club x L’Oreal Paris 情人節 Total Look 先修班後,對Loreal有更多嘅認識, 佢嘅口號係Because you are worth it, 上星期再有機會去L’Oreal Paris Curl Impact Collagene Bloggers’ Party, 真係好開心

活動係16/2號晚於銅鑼灣嘅SHELTER度舉行,而且活動仲有DRESS CODE架, 就係跟返Curl Impact Collagene Mascara嘅黑&金色

場外有一袋袋準備好嘅禮物包

全場分左5枱, 枱上面都放晒滿左新出嘅LOREAL化妝品,有粉底,睫毛液同眼影

活動尚未開始, 工作人員就叫我地可以試下枱上面嘅RevitalLift Instant Anti-Ageing Duo Powder Foundation SPF30 PA+++ 緊緻精華無瑕兩用粉餅, 揀1款啱自己膚色嘅, 就會有一盒呵..

一共有4色選擇, 我就揀左最淺嘅100色

跟住就可以好casual咁飲下嘢, 食下小食(不過好遲先出去, 無咩選擇嘍~)

時間差不多,活動正式開始嘞,先有LOREAL嘅MC介紹今日嘅活動同有份幫手嘅其他工作人員

先嚟講下LOREAL嘅背景同歷史

仲有其下嘅產品代言人

LOREAL一向係睫毛液嘅先驅同專家,發明左溫水可卸嘅睫毛液之餘,仲有唔同款式/功能嘅睫毛液可以選擇

今晚PARTY嘅主角當然係Curl Impact Collagene 震撼捲曲豐盈睫毛液啦

幾個代言人利用Curl Impact Collagene 震撼捲曲豐盈睫毛液加上眼影嘅妝容,立即明艷照人

之後就由化妝師同LOREAL嘅素顏寶寶MODEL示範利用LOREAL嘅化妝品去變身

先用Open Eyes PRO四色閃炫立體眼影依次序塗抹, 可以係由深至淺又或者調轉都可以

另外又可以用深灰/黑色眼影作眼線,特別係轉妝,更加方法省時

之後係搽 Curl Impact Collagene 震撼捲曲豐盈睫毛液

先簡單介紹一下:

全 新定形捲曲Curl Fixing Complex 配方，使每根睫毛都能瞬間向上翹起; 加入Amplifying-Collagene骨膠原精華，塑造出8倍豐盈濃密的效果，並能保護每根睫毛；獨有螺旋捲曲刷頭Spiral Curler Brush，專為亞洲女性之眼部輪廓而設，2邊刷頭形狀不同(掃頭的確同一向嘅雙頭睫毛液好唔同)

STEP 1
使用較扁平的一方以zig-zag向上拉的方向，從睫毛根部平均地塗上睫毛液，以塑造豐盈濃密的效果。
STEP 2
轉向刷頭較窄的一方，將睫毛向上拉，塑造及維持理想的弧度，使其持久定形。
STEP 3
以細尖的刷頭，在眼尾位置之睫毛輕力向上塗上，使其更顯上翹迷人。

化妝師都先為MODEL夾曲睫毛再塗搽,效果會更好

然後上粉底,就係頭先我地可以試色嘅RevitalLift Instant Anti-Ageing Duo Powder Foundation SPF30 PA+++ 緊緻精華無瑕兩用粉餅

化妝師教路:上粉底嘅步驟係眼妝之後, 就可以避免化眼妝時會整花個底妝

最後係搽Color Riche Nutri Shine 柔潤盈彩唇膏.一共有13色架

MODEL嘅半臉完妝照

之後仲有小遊戲, 就係裝飾一個放有Curl Impact Collagene 震撼捲曲豐盈睫毛液嘅禮盒,再送俾自己嘅朋友

最後有呢d禮物喔...多謝LOREAL嘅安排,仲識左新嘅blogger朋友呵~

第2日用左四色閃炫立體眼影-啡金 + Curl Impact Collagene 震撼捲曲豐盈睫毛液

我無夾到睫毛, 只係就咁搽睫毛液(一層咋~),已經好翹, 連base都慳返

不過眼影無預期咁顯色, 但無搽eye shadow base都keep到4-5個鐘,而且無飛粉,還可以啦(價位合理嘛~)