敏感眼睛新選擇

首先好多謝HKCOSME, 送左呢份博士倫 Renu Sensitive 禮物返去試用.

份禮物包得好靚呵 , 而且好豐富(攞之前完全無諗過)

入面有D咩呢? 分別係...

Renu Sensitive 多功能隱形眼鏡藥水(貨SIZE)

Renu Sensitive 多功能隱形眼鏡藥水( start kit with case)

MOUSE PAD

敏感GUIDE BOOK

冰涼眼膜

話明係Renu Sensitive 禮物, 主角當然係Renu Sensitive 多功能隱形眼鏡藥水啦, 呢款隱形眼鏡藥水係新推出嘅, 特別適合有敏感眼睛人士使用.

產品特點:

性質溫和, 配方含較少化學成分，與市場上同樣型產品相比，消毒化學成分含量較低，可減低對敏感眼睛的刺激；

配方內有保濕分子Poloxamine，能夠將淚水引到隱形眼鏡四周，在鏡片和眼睛之間形成保水層，維持鏡片濕潤度，讓配戴者全日保持舒適水潤。

有卓越的殺菌效能，於美國食品及藥物管理局(FDA)測試中表現卓越, 對大部份眼睛的病原體(細菌及真菌)均能通過殺菌測試要求

透過禮物包入面嘅敏感GUIDE BOOK做一個小測試, 就可以知道有無眼睛敏感嘞 (除此之外,仲有好多唔同敏感嘅小tips呢...好有用)

其實如果眼睛容易出現以下嘅情況.可能已經係有眼睛敏感

1.眼乾

2.紅筋

3.痕癢

不幸地我都係其中一個...

之前有朋友話用雙氧清潔系列去清潔隱形眼鏡, 會比較乾淨衛生, 而且唔使捽, 非常方便,聽佢地講, 我就轉用左

但用左1支左右, 又唔覺得佢特別好喎..唔知係咪因為無捽鏡的關係, 對con帶多幾日有時就會覺得有DD濛, 好似唔夠乾淨咁..

都有打算用晒手頭上嘅雙氧清潔系列存貨就會轉返用多功能隱形眼鏡藥水, 依家撞啱可以試新嘢..簡直係時間啱啱好..

使用手冊入面有教到如何清潔隱形眼鏡, 都係一貫嘅程序 - 捽 + 沖洗

用左Renu Sensitive 多功能隱形眼鏡藥水幾日, 覺得唔錯噃..
唔會有唔乾淨而濛濛地嘅情況.

而且感覺係比之前保濕d. 因為平時帶隱形眼鏡約6個鐘左右,就會開始覺得乾同唔舒服, 依家就可以last到8個鐘左右..(其間無滴過人工淚水/眼藥水嘅)..

對眼仲無咁容易攰..

價位都係比一般嘅多功能隱形眼鏡藥水貴少少, 如果有眼睛敏感嘅話..俾多少少都可以接受嘅...不過就唔可以偷懶, 一定要依足程序去清洗隱形眼鏡嘍

骨膠原敷上面?! O喎~

上個星期返屋企開信箱, 見到有封信係Watson's 寄嚟喎


原來係之前係 face book 參加產品試用活動嘅換領信嚟..

今次抽中試用嘅係Watsons 天然骨膠原保濕滋養睡眠面膜


以前骨膠原通常係食用為主去發揮其功效, 不過近年已經開始加入護膚品/化妝品度, 實行外敷內服, 就可以更加靚嘞

呢款MASK除左含以深海魚為原料嘅骨膠原營養成分外, 仲有獨特的WSK植物類透明質酸，蘊含大量保濕因子，可以深入肌膚，調節肌膚水分。

其實我都係第一次用有骨膠原嘅產品...而sleeping mask 就有用過, 咁究竟呢個組合會係點呢?!

產品包裝平實, 唔花巧 (包裝靚都會影響價錢, 平實有平實嘅好)


打開之後可以見到仲有一塊膠片蓋住.. 夠晒保護


先試下係手, 睇下有咩感覺先


好易推開...感覺係gel cream 狀..


大約10分鐘之後已經吸收左80%, 不錯呵


之後當然要敷住嚟瞓返個好覺啦

mask 有淡淡嘅香味, 有助relax同入睡 (試過有d sleeping mask 氣味非常強烈...都唔知點瞓...)

臨瞓啱啱洗完面嘅皮膚, 有dd乾呢..


搽左mask 就去瞓嘞, 不過佢唔係一搽即時完全吸收哂, 所以都會有少少"立", 要就住瞓

到第2朝瞓醒, 皮膚唔覺得乾喎, 只要用清水洗就ok嘞..

皮膚感覺水潤得嚟, 摸落仲有彈性左喎...


以佢嘅價位(現特價中 $69.9@), 效果都不俗呵,買嚟"粗"用都唔錯

有興趣 or 用開sleeping mask 嘅都可以試下

完全估你唔到嘅獎品....(苦力大附出)

上星期收到 U Magazine 239期 Gift for U「維他奶 70 周年送大禮」領獎通知書

係第 227-238期 < Gift for U > 季度抽獎，被抽中為得獎者，獲得「限量版「個個祝」維他奶」96包 。

禮品詳情包括：

250ml 維他奶 x 24包

375ml 維他奶 x 24包

250ml麥精維他奶 x 24包

375ml麥精維他奶 x 24包

我見到個e-mail 之後呆左呆...唔係嘛...96包咁多...咪好重?! 都唔知應唔應該開心...

好喇...抽時間拖埋喼去攞啦...點知個喼都只可以放得落 3 pack, 另外1pack 375ml x 24要用埋背囊嚟揹先搞得掂..

點知...重到癲呀...淨係嗰1pack 375ml x 24都揹到我挺唔直條腰咁滯..

另外係喼入面嗰 3 大 pack, 就重到好似死屍咁 =_= . 好似拖屍咁拖佢行...

返到屋企個人散晒咁滯..之後計下...嗰96包一共有30L咁重架...

< >中嘅獎

好耐無中過喇...不過今次嘅獎品麻麻咋..

Schwarzkopf Professional護髮及造型系列

分別係 pre shampoo peeling 同 shine powder

仲有之前參加左she.com 「Miss Photogenic評論特別獎」

抽中Dove洗髮及護髮產品套裝(價值HK$67.8), 包括Shampoo 同 Conditioner, 乾旱髮質適用

另外係LUX嘅 hair mask, 都係she嘅

下期F&B送DELYLE格紋珠鏈小袋

下星期(8月23日)嘅FASHION & BEAUTY會送DELYLE格紋珠鏈小袋. 有興趣嘅可以到時買嘍~

想KEEP FIT又唔想寡而無味?!

10個女仔有9個都唔滿意自己嘅身形嘅(就算其他人認為無問題都好啦…)對於為食嘅人嚟講 . 單靠運動係唔夠嘅...食嘢都要節制下..
今次試食嘅係<<女人我最大>>同< >都大推嘅KG CHECK 高纖飽足美窈餐/飲, 為食得嚟又想瘦身的人有福喇..
是日去到銅鑼灣嘅ENID台灣美妝專門店度攞產品,好貼心咁一早已經用環保袋裝好俾我地容易擰走,謝謝呵...

一共有10款唔同嘅產品, 包括左
6款高纖飽足美窈餐
3款高纖低/無糖美窈飲
1款低糖蔓越莓餅

先講高纖飽足美窈餐

其實係湯嚟嘅, 當中成份有菊苣纖維,含有豐富嘅膳食纖維, 可以增加飽肚感之餘,可以促進腸道蠕動,便便都去得好D
專利成份超級藤黃果,含有大量HCA，此成份能抑制脂肪的合成，阻礙葡萄糖在體內合成脂肪,促進體內脂肪燃燒, 調節人體內脂肪代謝
另外有多種維他命B, 有助加速身陳代謝, 而且含大豆蛋白同礦物質, 仲無添加人工香料

味道分別有:
海鮮巧達濃湯, 蘑菇濃湯, 玉米濃湯, 蕃茄羅宋湯, 馬鈴薯蔬菜湯., 南瓜蔬菜湯
食法好簡單, 只要加入250ml熱水, 攪勻後一分鐘就食得嘍
湯嘅顏色豐富, 賣相除左係配合返該款口味外,味道都好接近真材實料煲出嚟嘅湯..(eg:海鮮湯有蟹柳粒架)


味道濃郁..啱哂喜歡/食慣濃味嘅人...
但作為代餐,真係唔錯,每份嘅卡路里少於91,又唔會寡而無味,咁樣KEEP FIT, 心情都好D..
可惜對於我嚟講, 口味太重喇...因為食嘢比較清淡..
再睇返營養標籤, 鈉(即係鹽啦)嘅含量頗高, 每包約500-700幾毫克不等(視乎口味而定)...

如果鈉嘅含量可以少返d, 相信味道都唔會差太遠, 仲會更健康呢...
再到高纖低/無糖美窈飲

分別係無糖嘅麥香豆奶 &綠茶飲, 低糖嘅杏仁飲
主要係以綜合穀粉及豆奶,加入菊苣纖維&大豆萃取物,高纖得嚟仲養顏美容呢..
而且無添加人工香料同砂糖,低卡路理(<64卡),要嚟做下午茶,真係FIT哂
同高纖飽足美窈餐一樣, 都係加入250ml熱水, 攪勻後一分鐘就可以飲用

飲落FEEL到有少少沈澱物,好似好X克咁.當然香好多啦..
味道方面,綠茶飲當然係綠茶味啦,杏仁飲就似杏仁茶,麥香豆奶就似麥精咁,相對都比較清淡, 個人非常喜歡呵~
仲有就係低糖蔓越莓餅

除左一樣有菊苣纖維之外,仲添加左膠原蛋白呢(雙眼發光中)

同樣係無添加人工香料同砂糖, 而且每塊餅乾只有10卡路里咋!

食落似曲奇餅,但唔會好甜,而且仲有蔓越莓(即係小紅莓)果肉呢.唔錯哦~

試勻晒咁多款之後,最鍾意都係無糖嘅麥香豆奶 &綠茶飲同埋蔓越莓餅..之後都應該會入番d貨嚟當零食..
其實初初試都係覺得ok好飲,但都係湯咋嘛,唔知係咪真係work...點知飲左2-3次之後,豐富嘅膳食纖維開始做嘢喇..有時個肚會"咕咕"聲呵..
除左有產品試,當日仲可以即場成為ENID台灣美妝專門店嘅VIP, 買嘢可以有9折呢~

高纖輕盈 - 番外篇FUN享有盈大集會」

自從之前出席完「美達施天然纖維素」14天「高纖有盈」試飲活動, 攞左產品返去試用左2星期後,效果明顯 去到第三個星期嘞, 再次出席分享會..
今次的活動內容主要有3部分
 1. 營養師再次為我地做做體重評估, 睇下身體狀況有咩改變
2. 分享返試用美達施天然纖維素嘅感受, 睇法等等
3.營養師繼續教用美達施天然纖維素去整嘢食
活動未正式開始之前, 同上次一樣, 都要先填返份問卷,講返對產品的用後感

 第1 part 的情況:

 而我自己做完體重評估之後, 開心嘅係脂肪比例下降左2%呀…不過體重就升左around 1kg
營養師話可能係水份嚟..不過都好, 要減重唔難, 減脂肪先難嘛…
 之後個人試用感受同整嘢食嘅環節係同步進行嘅, 因為我地分開左2組..我屬於A組, 就先分享..
 分享完後就同B組調轉, 又去學整嘢食嘍
 今次學整嘅分別係
 1.綠抹紅豆奶
做法好簡單, 只要將以下材料攪勻即成
低脂乳酪  80克 (口味隨意)

綠茶粉 5克
水 150ml
美達施天然纖維素(原味) 1茶匙
煮熟紅豆 1湯匙 (可用罐頭, 不過糖份會較高; 如果自己煮,唔可以煮得太爛)
營養師第一次係用攪拌機將材料打勻嘅…用嘅係芒果味乳酪

飲落好香綠茶紅豆香味,又唔會有渣(已經打到爛哂嘛)

之後佢就再教我地一個更簡單的方法, 就係skip左紅豆同綠茶粉, 就咁 水+低脂乳酪+美達施天然纖維素 攪勻即掂..

今次用嘅係士多啤梨味乳酪…味道清清地, 個人比較鍾意綠茶紅豆

2.果醬班戟

班戟皮點整我唔詳細講lu, 因為材料一早已經準備好, 係用麥粉嘅

而有豐富下廚經驗嘅2位blogger就負責示範煎班戟

食譜上面寫係用菠蘿去整果醬,但其實可以係其他生果都可以嘅. 今次我地就整左芒果同木瓜

只要將果肉+美達施天然纖維素+水 用攪拌機攪勻就ok嘞
 成品

 再淋落班戟度當搽果醬咁食

 味道新鮮得嚟又唔會太甜, 芒果係最好味嘅, 木瓜同之前嗰組整嘅菠蘿相對就比較淡少少..
 但因為加左美達施天然纖維素嘅關係, 呢d果醬唔可以放得耐, 要盡快食, 如果唔係就會慢慢變傑哂..
 除左有得學整嘢食, 有得食之外, 仲有禮品架…(真係又食又擰呢~)
 就係$200嘅 現金券(以頒獎嘅形式俾我地架..好搞鬼)

 仲有幾包旅行裝橙味美達施天然纖維素同一塊鏡作為紀念品…
 是次嘅試用活動就完全結束嘍...,如果第時有機會再參加d咁互動, 咁好玩嘅活動就好嘞
 附上食譜,有興趣可以照住整哦~