好開心抽中Beautylife 嘅Glacéau vitamin water試飲活動, 首先謝過Beautylife~
幾經辛苦先搵到佢地嘅office, 估唔到嘅係..原來一共有6支咁多~好在Beautylife早有準備,已經將佢地放好左係環保袋度,方便我地攞走,如果唔係, 都幾"哩 hea"..
嚟張大合照先
再逐款睇下
ENERY(tropical citrus-b+guarana)
RESTORE(fruit punch-b+electrolytes)
RES-Q(green tea-c+green tea extract)
POWER- C(dragonfruit-c+b's)
ESSENTIAL(orange-orange+calcium)
XXX(acai-blueberry-pomegranate-triple antioxidants)
平時嘅我都係飲清水多, 比較少係出面買有味道嘅飲品,例如:果汁, 茶等等, 對維他命水非常陌生,真係大鄉里..
都係因為試飲活動,先有機會認識到維他命水..不過上星期行街,見到有人手執ENERY噃~明顯維他命水已經開始為人所認識..
試飲過之後,覺得佢絕對係喜歡有味飲品人士嘅上佳選擇!!因為佢
-低卡路里
-無人造色素
-無人造香料
味道清清地,有少少果味,但又唔會好似飲清水咁寡,而且對身體有唔同嘅益處(香港暫時有售上面6款),不錯呢..
個人喜歡ENERY,係橙味,幾好飲~
不過佢嘅質感其實係比水"傑"少少,有少少似啫喱水開稀左咁....
如果可以做到同水完全一樣, 會更好喔~
繼抽中BEAUTY EXCHANGE美髮產品試用之後, 再嚟嘅係美容產品 - The Body Shop 全新Nutriganics天然有機系列率先試用
The Body Shop 的產品一向為人所熟悉,價錢大眾化之餘,品質有保證, 本身都有用過佢唔同嘅產品,頗欣賞其經營方式及社群貿易計劃,推動公平貿易.近年來有機護膚品開始逐漸興起流行,The Body Shop都研製自家的有機系列
The Body Shop 全新Nutriganics天然有機系列, 產品共有7款(資料來自The Body Shop 美國官方網站), 今次試用的係基本護膚用品, 包括:
Foaming Facial Wash 有機營膚潔面泡沫
Refreshing Toner 有機營膚清新爽膚水
Smoothing Day Cream 有機營膚幼滑日霜
Smoothing Night Cream 有機營膚幼滑晚霜
仲好貼心咁付上一張印有中文用法嘅說明俾我地,因為包裝上全都係英文或其他語文喔
以下逐一介紹:
Foaming Facial Wash 有機營膚潔面泡沫
顧名思義, 係泡沫狀, 泵裝 設計, 只要輕輕按下, 泵出嘅已經係潔面泡沫, 完全唔需求自己加水起泡,好方便,係非常適合懶人使用(如 我)...
泡沫相當幼滑及豐厚, 所用約 2 泵嘅份量,已經夠全面用
啱啱瞓醒嘅皮膚狀態 - 本身係混合性偏乾,T字位油, 因為冬天關係,只有少量油份
搽上面再用指尖輕柔向外打圈
過完水之後, 肌膚即刻乾淨哂, 仲即時覺得滑左,皮膚摸落去好似剝殼咁滑~
而且就算呢排天氣咁凍咁乾燥,洗完面唔即時用爽膚水同面霜, 都唔覺得乾喎
另外產品指引提到,呢款有機營膚潔面泡沫有效去除化妝品殘跡,不如測試下佢嘅卸妝能力啦, 挑戰嘅分別有 Maybelline The Magnum Volum Express 防水睫毛液 及 Giffarine眼線筆
用嘅份量都係大約2 泵
輕搓約 30秒
再過水
明顯地大部份嘅Giffarine眼線已經洗淨,只有少少印
而 Maybelline The Magnum Volum Express 防水睫毛液, 可能因為防水關係, 卸得唔算好乾淨,大約洗左 60%-70%左右
如果係淡妝, 用呢款有機營膚潔面泡沫基本上都可以達到到卸妝效果,當然,最好都係用返卸妝專用嘅產品比較安心
氣味方面, 佢係淡淡嘅草味,聞落都幾清新
Refreshing Toner 有機營膚清新爽膚水
佢嘅用法係倒係化妝棉上,再向外向上抺, 可以清爽同時滋潤肌膚.
顏色應該係透明, 即係無色~
抺上面嘅時候感覺清爽,但唔知點解會有細小嘅泡泡出現喎?!
搽爽膚水後嘅皮膚狀態,感覺滋潤有水份
氣味方面, 係比較強烈嘅草味,有d草腥味咁, 唔太好聞,不過尚可接受
Smoothing Day Cream 有機營膚幼滑日霜
日霜含有機成份, 有助改善面部幼紋, 可以長效補濕,回復肌膚光澤彈性.
質地係cream狀,唔係好厚嗰種,好易推開,吸收都算快,感覺滋潤, 之後再搽防晒就啱啱好, 非常適合依家嘅天氣
推開係咁嘅
搽日霜後嘅皮膚狀態
氣味方面, 同潔面泡沫差不多,同樣係淡淡嘅草味
Smoothing Night Cream 有機營膚幼滑晚霜
晚霜同樣有助改善面部幼紋, 回復肌膚光澤彈性, 豐富的有機成份更能持續整晚為肌膚補濕
質地都係cream狀, 不過比日霜豐潤得多,"杰"啲, 但都ok好推, 唔係"笠"嗰種,吸收速度一般,(唔通我角質層厚?!)..搽完覺得好滋潤~
氣味方面同日霜一樣, 個人覺得幾好喔~
特別一提嘅係,日霜同晚霜同樣都係泵裝設計, 用機多泵幾多,樽入面嘅面霜就唔會受到污染啦~
整體嚟講, 用左兩個幾星期,感覺肌膚真係細緻左少少, 同埋係依排天氣咁凍咁乾燥情況下,肌膚狀態依然良好夠滋潤, Nutriganics天然有機系列應記一功~
不過...夏天咪未必啱用?! 會唔會太潤呢...
不過點都好, 好多謝BEAUTY EXCHANGE同The Body Shop 俾機會試用呢系列嘅新產品~
番外篇:
原來The Body Shop 全新Nutriganics天然有機系列今日(1月20日)係香港公開發售啦~~
試用完基本嘅 4款覺得唔錯,一早已經想試同系列嘅面膜,加上Smoothing Eye Cream 有機營膚幼滑眼霜優惠價只要$165,買2件Nutriganics天然有機系列,又有85折,結果失守喇...買左Smoothing Mask
有機營膚幼滑面膜 +Smoothing Eye Cream 有機營膚幼滑眼霜~
試用文後補嘍~
