Boxing day 約左之前一齊淘鞋嘅sis交收,去開又一城順便行下啦.一入萬寧又買嘢, 不過敗得好抵.
Hanskin 嘅 BB Cream, 近日都見有sis share過,本來係聖誕前都有睇過, 不過無入手
估唔到聖誕後仲平左, 之前買開嘅3支試用set裝,要$89.9, 依家$80
5支試用set裝,要$129.9(唔肯定) 依家$96
仲係紫點,買2件有75折~
結果用$132就可以買晒7支(有6支係BB Cream嚟),包括左:
超級完美BB Cream+智能綜合BB Cream+完美遮瑕修護霜.
黃金魚子醬BB Cream+礦物質魔幻BB Cream+絲滑縮孔BB Cream +超級3效控油BB Cream.
可以慢慢試嘍~
今年嘅冬天特別凍,啱啱過左嘅聖誕節仲係27年嚟最寒冷嘅.天氣咁凍,搞到運動欠奉之餘,仲要成個假期唔係BBQ就係打邊邊,咁落去真係唔多掂.
好在,聖誕前嘅大禮唔止一份,剛好就有機會試下官燕棧全新嘅「即食燕窩纖體餐」-「一餐纖燕」,配方選用天然穀物及蔬菜，再添加燕窩精心製成, 一共有蕃茄、南瓜、七穀3款口味,今次就試左其中兩款.
全系列由較低熱量嘅天然穀物、新鮮蔬菜及矜貴燕窩製成, 打開後加熱 OR 加熱後打開就可以即食嘅燕窩纖體餐,極為方便,而且係香港製造,無味精,無防腐劑,無色素,低卡低脂, 健康得嚟又滿足到食慾&飽肚感.
先嚟試下蕃茄四蔬燕窩餐,去一去呢個聖誕食落肚嘅肥牛/燒雞亦嘅脂肪先.
一盒有3包, 每包200G, 但就得74Kcal,比一碗白飯嘅卡路里仲要少,可以當早/午/晚餐,大幅減低每餐熱量.
內付建議餐單
食法 (無須加水)
1. 即開即食 (夏天應該OK,穿冬天都係食D熱嘢比較好)
2. 成包加熱5分鐘: 將整包鋁袋放入熱水入面,浸大約5分鐘
3. 微波爐加熱2分鐘: 剪開鋁箔袋，將材料倒入碗中，用微波爐加熱約2分鐘。(切勿將 鋁箔袋放入微波爐加熱) ；
另外仲可以加添蔬果,EG:蘋果或香蕉等,更好味之餘又可以增加膳食纖維及其他天然營養.
未叮之前, 比較傑身
呢包一餐纖燕相當足料呵
原來有:
蕃茄:含茄紅素，有抗氧化作用
官燕:促進皮膚的新陳代謝，能美肌及增強免疫力。
高梁:含多種營養成份及食物纖維，有助腸道蠕動
燕麥: 能潤腸通便，保護心血管。
糙米: 增加飽足感及有助腸道運化。
紅蘿蔔: 可抗氧化，增強皮膚組織的完整與生長。
西芹:可抗氧化，含膳食纖維，有助消化
洋蔥: 可分解脂肪。
當中嘅矜貴燕窩仲係「頭期官燕」,即係每年第一次採摘嘅燕窩,濃度高。天然燕窩含豐富水溶性蛋白質及大量的表皮生長因子(EGF)，EGF能加速細胞分裂，促進表皮生長，同時活化衰老的皮膚細胞，快速將死皮層移走。
用最方便快捷嘅方法, 叮左2分鐘,食得~
比未叮嗰時稀左dd
食落味道比預期中要清淡得多,因為以前食過類似嘅食品,沖水開之類,,不過全部都偏鹹.而呢個一餐纖燕清清淡淡,啱晒一向食得偏淡嘅我之餘,仲足證係100%無味精
呢個即食燕窩纖體餐有咁多種穀物同埋蔬菜膳食纖維, 可以維持營養均衡及腸胃暢通,幫助排出體內毒素,腸道都健康D
當早餐食,去到lunch前就會有dd肚餓. 返而日頭食得太多,想夜晚食少d,一包啱啱好
依家日日食,有望纖得飽,纖得瘦,等我食多一排,再分享成效同另一口味 - 南瓜五穀燕窩餐啦~
近期電視節目每晚都介紹唔同嘅甜品,真係食指大動.整我就唔太識啦,食就當然無問題啦.仲有幾日就係聖誕節,唔少人都會同朋友家人聚會,甜品多數都唔少得.
眾多甜品入面,CHEESE CAKE更係最愛. 上星期就有機會去了解下點整蛋糕之餘,仲可以加上自已親手裝飾呢.平時同自己化妝已經係平常事,同蛋糕裝飾就真係第一次.
放工後急急嚟到港島太平洋酒店,參加 U Magazine為讀者度身設計嘅「溫馨滿載聖誕夜」蛋糕裝飾班.
可惜嚟到已經開始左(OT真磨人
), miss左低糖香橙乳酪慕絲蛋糕嘅簡單教學,唯有攞左個食譜先啦
咁D蛋糕裝飾又係點整嘅呢? 用嘅就係糖粉,搓成嘅唔同嘅造型/公仔
師傅三兩下手勢就整左個雪人嘅雛型,仲用丁香嘅枝去做眼添
將食用顏色加入糖粉, 就可以做出色彩繽紛嘅裝飾.
黃+橙,扭埋
就係好CUTE嘅STICK呵
之後就到我地去布置蛋糕啦,由於時間嘅關係,酒店大廚師傅一早已經幫我地每人準備好左低糖香橙乳酪慕絲蛋糕
除左糖粉外,仲有一碟生果/朱古力/聖誕公仔糖同丁香嘅枝俾我地去利用配襯.
大家都好俾心機去設計自己嘅蛋糕獨家裝飾
時間過得好快,2個鐘眨下眼就過去,好在係限時內完成到.我嘅作品
同行朋友嘅作品
同場咁啱都有幾位BLOGGER去呵,佢地嘅作品(COCO,SILLYGUY,SKY,ANGEL)
所有人嘅作品..感覺好壯觀呀...好多都整得好靚.
最後由酒店大廚係咁多個入面揀出心水作品, 就會有豐富嘅獎品.
意想不到嘅係..居然揀左我嘅作品呀~
獎品係港島太平洋酒店送出豪華酒店客房住宿乙晚及自助晚餐禮券
呢份聖誕禮物實在太正嘞!
出席完 SK-II聖誕Party Look彩妝教室(回顧),跟老師學左新嘅化妝小技巧後,係時候自己動手喇.先要謝過SK II豐富嘅禮物
除左有新出嘅SK II Color Clear Beauty系列產品外,仲有一枝神仙水,佢有幾好用?!一早用緊,仲回購埋了(按我回顧)
所以主角係佢地
包括左眼影, 胭脂 同 唇膏
全部係4字頭色系
未上彩妝,只打底嘅素樣..無喱精神咁囉..
眼影-41 Mysterious
先搽Creamy Base,打亮眼皮之餘又可以令妝容更持久. 質地好細滑
再跟老師教嘅用深色眼影係眼尾開始塗,向前blend開
最後係上中間嘅淺色眼影
顏色即時soft晒
粉質細緻得嚟無咩飛粉嘅情況
如果用★ 去評分,5 ★ = 滿分,我會俾
亮澤度 : ★★★★
上妝貼服度: ★★★★
滋潤度:★★★
持久度:★★★
胭脂-41 Noble
試上手,好似偏啡左少少
用上面又如何呢? 都係用手塗上Creamy Base先
蘋果位肌膚望落有光澤左
再用掃上光澤彩妝層
顏色比用係用嘅要淡(部相機食左d色 =_=), 比預期要自然好多
個人覺得
亮澤度 : ★★★★
上妝貼服度: ★★★
滋潤度:★★★
持久度:★★
最後係唇膏-422 Confident
大愛嘅nude色..
因為我嘅厚唇..裸色最夾..
係咁乾嘅唇上,唔打底,直接搽上MOISTURE LIPSTICK
唔單止唔覺得乾,仲水潤返晒..正呀~
亮澤度 : ★★★★
上妝貼服度: ★★★★★
滋潤度:★★★★★
持久度:★★★
好快手就完成左個妝
皮膚比之前有光澤左,個人睇落精神左呵..
咁樣就算一日十幾廿個鐘化住妝,都唔怕肌膚會轉差啦,因為全部都有Pitera™成份,化妝從此成為護膚嘅最後一步嘍~
平時注重皮膚保養,都會知道長期化妝會令皮膚變乾/暗啞,所以放假都會想俾皮膚休息下,唔化妝品.但假期又會約朋友去街噃,素臉出街,真係可以咩?! SK II COLOR Clear Beauty系列嘅誕生,就將呢個情況打破,化住妝都可以真正護膚,唔再係空談.
是日嚟到SOGO CLUB 嘅SK II BeautiQue
一出LIFT就見到Image Girl - Angelababy
地方比一般嘅SK II COUNTER大好多,係求上課真係夠晒寛敞(SHOPPING都一樣嘍)
教學開始之前, 準備左精緻嘅甜點
由SK II 嘅PR出場介紹SK II COLOR嘅誕生同彩妝教學嘅流程.
SK-II 2011年新突破: 首創SK-II Color彩妝系列，將Pitera™融入彩妝，提出4C概念,包括晶透色系嘅Color、PiteraTM粉末嘅Care,引用光學原理凸顯輪廓嘅Contour & Clear上妝技巧,輕易塑造簡潔亮麗妝容,配合其他珍貴修護成分,化妝與護膚同步進行,改寫彩妝歷史
有請老師同MODEL嚟教我地化返個聖誕Party Look
老師先幫MODEL化眼妝,眼影當然係第一步啦, 設計係BASE+暖色&冷色嘅組合
呢個唔係一般嘅BASE,而係含有Pitera™嘅Creamy Base,可以減淡細紋同埋修飾暗啞,用手指上
然後由眼尾開始塗上冷色系眼影,慢慢向前向上BLEND開,MODEL就用上藍色
最後係眼窩搽上暖色眼影,令妝容透出光澤
望落唔會好濃妝,都幾自然
日妝會畫上內眼線
搽埋睫毛液,眼妝就完成嘞
接住係上胭脂,獨特嘅2 STEP設計,左面係Pitera™-in護膚底霜,幫助肌膚保持滋潤水嫩,結合瑰紅珍珠嘅紅潤 同 珍貴白金珍珠粒子嘅透明感，締造出白裏泛紅嘅自然妝感
老師建議最好用手上(體溫可以令Creamy Base更貼),同埋如果皮膚乾就用印嘅方式
用掃掃上胭脂後可以再印多次BASE,令面部更有立體感
MODEL左邊面睇落真係SLIM左
搽埋右邊面,粉紅得嚟好自然呀~
最後係唇妝,糖芯設計嘅唇膏,中間係Pitera™,相當滋潤
老師仲教我地點搽先唔會咁易有唇紋,就係打直咁搽嘞.
上埋唇色, 一個簡潔嘅日妝就搞掂.
放左工去街要轉妝? 話都無咁易就可以變身.就係響原本嘅妝容上加上配搭嘅顏色
老師就幫MODEL加上綠色
畫埋下眼線同外眼線, 眼仔即時放大,SHARP好多(左邊為完成效果)
示範完畢,我地仲有得去試妝呵.
係等待嘅時候梗係要試上手,FEEL下啦
唇膏一共有8色,試左其中6色..顯色度好高,而且幾乎無色差
胭脂共有5色,試左其中3色
顏色比單睇要淺D
眼影有6色,
試左其中4色
ALLURE好靚呀~
仲有一色嘅胭脂+眼影, 試左係我身上~
老師技術好好呀
今次全新嘅 SK II Color Clear Beauty系列,當中嘅Liquid Eyeliner, Eyebrown Liner & Lengthening Mascara都同樣含有Pitera™架
用左之後佢地之後,日日夜夜都俾Pitera™滋潤住呀~
學左咁多,就梗要返去實習下啦...
(此乃PART I, 請往PART II, coming soon)
