Shu Uemura植村秀一向深信完美妝容,始於完美肌膚,所以,研制出一系列結合植物精華及突破性科技嘅護膚產品,當中最多人喜愛同熟悉嘅就係潔顏油. 同時亦致力創造薈萃豐富色彩嘅彩妝品,底妝更係當中嘅皇牌.
上個月就係人氣熱點ifc mall開設旗艦店,特設全港首個半私人服務專區及沙發區,可以無拘無束咁享受植村秀專業嘅服務同試用全線產品,仲特別推出全城獨有的 Recharge-up 速效活膚面膜及眼膜護理服務呢~
早前有幸出席「專業底妝‧簡易化」美妍聚,勁興奮呀,了解多d之餘,仲有機會體驗呵
店入面當然有齊唔同嘅護膚同彩妝產品,可以隨便試用哦~
仲準備左食物同飲品俾我地呀
今次活動由本身係BLOGGER+MODEL嘅HEIDI做MC
先介紹旗艦店內嘅特別設計
之後MODEL出嚟示範卸妝
用嘅係人氣強勁嘅綠茶抗氧化潔顏油,乾手乾面咁塗勻面部.眼睫毛位由根部輕按至尾端.
之後加少量水份乳化
化妝師亦將潔顏油加入水杯中,可以更清楚睇到乳化情況
最後用清水洗乾淨
MODEL面上嘅彩妝卸走晒
佢仲分享返感受,乾淨得嚟唔會乾呵
跟住有請羽翹介紹佢體驗過嘅獨家護理服務 - 30分鐘recharge-up速效活膚面/眼膜護理
本身佢拍戲/唱歌/主持/出SHOW/寫BLOG,好忙碌,要花1-2個鐘去做一個FACIAL,真係未必有時間,返而呢個極速叉電facial嘅只需要30分鐘就可以令肌膚即時叉電,好啱D又忙又唔想花太多時間去做facial嘅女仔,之後仲可以化番個靚妝出街.
咁呢個咁正嘅recharge-up護理又有D咩呢? 化妝師同MODEL就即場示範左其中一部分
MODEL頭先已經卸乾淨面上嘅化妝,抺過化妝水後就可以敷上紅萃能量活肌彈性面膜
再用紅萃能量活肌亮眼筆,以金屬滾輪按摩球輕輕喺眼部四周打圈,可以促進血液循環兼且提提神
做好護膚部份,就到化個靚妝
1.全面塗上多效BB泡沫底霜SPF30 PA+++
2.搽上全新絲滑貼膚粉底液 SPF 18 PA++
3.用全新專業遮瑕筆令瑕疵自然「消失」
4.以粉卜輕印上碎粉
5.掃上胭脂
6.最後係添上唇色
完成,妝容亮麗自然
羽翹又再出嚟同我地分享佢對植村秀化妝品嘅喜愛,特別係新出嘅絲滑貼膚粉底液 SPF 18 PA++,覺得非常貼面同滑之外,只需要用少少就可以有足夠嘅遮瑕效果喔
開心時間過得特別快,大會向羽翹送上感謝之花,聚會就結束lu
最後仲有產品返去體驗,稍後再分享嘍
髮型對一個人嘅儀容影響非常之大, 所以唔少人都會耐唔耐轉下髮型,增加新鮮感,不外乎都係剪短留長,電曲拉直,又或者係染色. 不過電髮染髮對髮絲傷害非常大, 唔單止搞到頭髮開叉、折斷、乾旱, 而且原本嘅髮色仲會因此而褪色.
本身就係其中一個受害者,由細到大都無染過髮,只係幾年前開始電髮,點知髮尾嘅顏色就慢慢變成啡色.就算停一後時間令頭髮變返直,顏色始終返唔到轉頭,多年前好似瀑布咁烏黑柔順嘅頭髮一去不返.(嗚..
)
除左努力d去做修護,原來揀啱洗護產品,就可能有得救. 嚟自美國嘅經典護髮品牌Mane‘n Tail, 由本身係練馬師嘅Roger Dunavant所創辦,已經有30多年歷史,深受荷里活明星喜愛.
當中嘅草本精華洗護系列含突破性天然草本精華及水解蛋白配方等天然護髮元素, 集中修復受損髮絲嘅鱗狀表層, 有效鎖色鎖水. 獨家研發嘅10 倍微細分子蛋白質,仲可以有效促進頭髮生長,使秀髮較正常速度生長快.
一收到已經聞到好甜嘅香味, 個人覺得呢種香氣好似細個讀書嗰陣用嘅擦膠嘅香味, D童年回憶返晒嚟.
設計簡潔, 按下CAP位就OK
草本精華洗髮露 Herbal Gro Shampoo
蘊含能深入滋潤角質層嘅水解蛋白,加入維他命原B5及維他命E等多種精華元素,為髮絲深層保濕兼補充養分,有助減少掉髮. 另外含天然草本精華,其補濕成分可以係髮絲表面形成鎖色鎖水保護膜, 預防乾旱開叉及折斷.
特別適合因電染而受損嘅頭髮,令髮絲回復健康亮澤
顏色係...藍色嘅?! 第一次見(以前有見過綠色)
質地偏稀
起出嘅泡泡唔算多
不過潔力唔錯喎, 用一次, 頭皮部份已經洗得乾淨 (某D洗頭水需要洗兩次先得)
草本精華護髮露 Herbal Gro Conditioner
針對修護受損秀髮,含豐富蛋白精華及強韌髮絲元素,將水分鎖緊於角質層,修復受損鱗
狀表層,預防秀髮開叉折斷,令秀髮強韌健康,柔順易梳
同洗髮露一樣嘅藍調
質地係乳液,唔算傑身
用完,頭髮觸感比之前順滑,仲香噴噴呵..香氣keep到成日架~
用左大約2星期,髮色無咁暗啞,希望keep住用,烏黑秀髮會返嚟啦.
依家係屈記,萬0,卓記,千色,sogo,wing on, colourmix都可以買到架..
仲有其他系列,有興趣可以去官網睇睇: https://www.manentail.hk/
今個月,美國大熱嘅bareMinerals終於再次正式登錄香港啦,早前出席完 TRY.BELIEVE.LOVE. ® Workshop(回顧), 相繼分享過Prime Time Foundation Primer粧前底霜 (詳文)同 皇牌產品SPF15純礦物粉底 (詳文),佢嘅好物又點止兩樣咁少呢.
一般常用嘅遮瑕產品,不外乎係液體,霜狀或者膏狀,粉狀嘅真係未試過.bareMinerals就帶嚟新體驗,第一次用粉狀嘅遮瑕品 -無瑕透潤純礦物遮瑕粉SPF20
一共有3個色系供選擇:
BISQUE淺色→ 淺色肌膚，偏粉紅膚色
SUMMER BISQUE象牙色→ 象牙色肌膚
HONEY BISQUE深色→ 深色肌膚，偏黃膚色
可以遮蓋黑眼圈,瑕疵,發紅同其他肌膚問題,打造完美無瑕粧容
有SPF20防曬,任何季節都啱用. 最重要不含防腐劑或者其他化學成份,唔會對肌膚造成任何負擔.
要遮臉上嘅痘印,BA就幫我揀左SUMMER BISQUE象牙色
同樣附有說明書
設計同SPF15純礦物粉底一樣
不過小孔改為3個
今次我就用自家嘅細號化粧掃去上
倒少量無瑕透潤純礦物遮瑕粉SPF20係盒蓋
再以化粧掃係盒蓋打圈,等掃毛沾上遮瑕粉
之後將化粧掃係蓋上輕敲
敲走掃多餘嘅遮瑕粉
一早已經上好底妝,雖然有部份嘅瑕疵已經修飾左,但鼻上嘅痘印都仲頗明顯
用點印嘅方法塗抹遮瑕粉,唔好用拖拉形式,以免造成唔均勻或過厚嘅情況
痘印遮好嘍
隔離粒癦都可以遮到呢..淡晒..
依家bareMinerals係Facese 同金鐘太古廣場Harvey Nichols可以買得到啦~
讀書嘅時候,溫書,睇電視,上網,聽電台,可以夜一夜都唔瞓,第二朝都照樣起到身返學(最多係上堂時偷偷補眠
),不過人越大,反而越體會到睡眠嘅重要性.試過有一段時間追看深宵電視劇,嗰排唔單止返工無精神,連皮膚都差都不得了,暗啞之餘毛孔又大.
Neutrogena近日就研發左利用睡眠去美容嘅武器-SLEEPING MASK,日前仲舉行左美容覺「武器」研發實驗室活動,等大家對如何利用呢段SLEEPING BEAUTY黃金時間有更多嘅認知.
主辦單位仲準備左好多小食,當中如:奇異果,提子,乳酪,牛奶等等食左會瞓得更香.
枱上放有Neutrogena Hydro Boost系列同 Johnson's強生嘅Extra Care深層滋養系列產品(佢地嚟自同一家族架)
活動開始喇, Neutrogena嘅PR 阿BELL先同我地大SHOW佢嘅"癡線"相,其實係做緊睡眠測試,貼左好多量度腦電波嘅線就真
之後就同我地講解係晚間嘅11點到5點呢段時間皮膚細胞開始自我復修功能,產生褪黑激素,如果把握時間去護理皮膚,可以話係事半功倍.
但係亦發現呢段時間皮膚嘅水份嘅流失率比日間多25%,所以要做好睡眠保濕嘅功夫.
而Neutrogena Hydro Boost Night Concentrate Sleeping Mask水活保濕晚間凝膜同坊間嘅 Sleeping Mask嘅不同之處,就在於佢嘅Dual-size透明質酸保濕分子(HA精華),大份子嘅HA精華係角質層進行銷水,減低水份流失;小份子嘅HA精華就滲入底層,配合獨有專利[12小時漸進保濕
系統],注入相等於10塊面膜嘅保濕精華,提供大量水份,每次用2.5克已經等於敷左10塊Neutrogena Hydro Boost™ Mask嘅HA精華上面
有請嘉賓註冊多導睡眠圖技師Jennifer同其中一位出席嘅SIS 冰兒即場示範睡眠測試
Jennifer仲同我地分享點先叫優質睡眠
好似佢自己本人, 瞓4個已經夠晒,瞓多左反而會頭痛
想有覺好瞓? 咁就要知道Dos
同埋Don'ts
係睡眠測試做緊"癡線" (貼量度腦電波線)嘅時間,我地都即場試下先D產品先
Hydro Boost Night Concentrate Sleeping Mask水活保濕晚間凝膜
之前已經體驗過佢嘅威力,依家差不多晚晚都敷, 詳文 : 按此回顧
阿BELL仲用過呢款MASK係退熱貼做左個實驗, 放左一晚之後
搽左MASK嘅,只係兩邊乾掉. 無搽嘅乾到捲埋左..
Hydro Boost Clear Lotion 水活保濕液
加入高濃度純HA精華嘅爽膚水,突破一般鎖水技術,可以係肌膚底層形成活水庫,主動感應水份流失,為乾燥細胞不斷釋放水份,提昇肌膚吸收下一階段保濕護膚程序嘅效果.
Hydro Boost Essence 水活保濕精華
引入面膜級保濕技術,精華由皇牌Hydro-boost面膜精華逐滴濃縮而成,只要一滴濃縮精華就足以啟動12小時漸進保濕系統,迅速注滿肌膚底層,形成活水庫,為每個細胞不停注水
終於貼好D線嘞, 可以睇到唔同狀態下,只要有細微嘅動作(如眼球轉動),圖表都會有好大變化. 由此可以監測睡眠質素同狀況
對睡眠嘅習慣/情況有左更多嘅了解,咁瞓覺發夢又代表d咩呢? 有時成晚發夢,對睡眠質素都有一定嘅影響.
Neutrogena專誠請左解夢師去幫我地解開心中疑惑.
大家都好踴躍發問&留心去聽
如果想瞓得好d,可以用一d有舒服/天然香味嘅產品
Johnson's強生嘅Extra Care深層滋養系列都係一個好好嘅選擇,滋潤得嚟,香味更係我嘅大愛
,舊年已經用緊(按 詳文),正點呵!!
最後仲有豐富嘅禮品返去俾我地用,實行靚住瞓, 瞓住靚~
仲有退熱貼一包俾我地做試驗呢
