療程度身造,Be Youth做得到

愛美一族係屋企多數都會勤力護膚,定時去美容院做下FACIAL已經唔係咩新鮮事.不過係生活忙碌壓力又大嘅香港,皮膚狀態有時真係唔易一直KEEP住係良好情況,想又快又見效嘅美容療程,醫學美容TREATMENT絕對係不二之選.不過市面上嘅選擇總會有良莠不齊嘅情況,揀嘅時候當然要小心.多數人都唔鍾意被sell,又有幾多間醫學美容中心可以做得到之餘,仲
真心俾到良好又切合需要兼有效嘅療程?! 近日就相遇上喇~



地處交通方便嘅旺角,Be Youth 醫學美容就提供左度身訂造嘅健康醫療美容療程,成個treatment嘅過程專業又愉快. 店內陳設時尚整潔又有風格，節日氣氛滿滿.



Be Youth嘅皮膚分析專員先以問卷型式了解我最想改善的皮膚問題，再透過數碼皮膚分析儀器進行仔細分析,提供更切合需要及最有效嘅治療方案。



呢部數碼皮膚分析儀器簡直就係照妖鏡, 多角度拍攝, 皮膚嘅問題睇穿晒.



根據分析,會用【Golden Laser Facial 去紅淡印激光 + Spectra XT Laser 去斑美白激光】療程去改善我嘅肌膚問題.



治療師先幫我洗面落妝.



皮膚狀態用肉眼睇就明顯見到暗啞同毛孔粗大,實際上鼻位因係痘痘襲擊重災區而泛紅嚴重.


係療程開始前.當然要先戴上保護眼睛嘅眼罩.

首先進行嘅係Golden Laser Facial 去紅淡印激光療程.


採用595nm波長激光，以減輕因粉刺後出現嘅發紅反應，有助降低血管於炎性痤瘡時出現嘅異常狀態,治療師一邊做一邊細心講解.

治療後皮膚可能會出現微紅，一般數小時後便會回復正常。

之後再進行Spectra XT Laser 去斑美白激光療程.



以均勻及溫和的Q1064納米激光於瞬間打散深層色素，令整體膚色更白更均勻.



再配以Q660納米激光去除表層色斑,過程唔會有好大嘅感覺,只係有D"吉吉"地, 同聞到毛髮燒焦嘅氣味,唔會有任何傷口. 治療師一直都KEEP住問我嘅感覺,如果有唔舒服會即刻停.



最後係精華導入嘅保濕嫩膚療程，立即補水,令皮膚水份返哂嚟.



打完即時見到肌膚整體亮白左,粗大嘅毛孔乾淨收歛左,色素 & 膚色不勻都有明顯改善, 面部亦無泛紅.



治療師仲再三提醒一定要密密補濕,防曬亦要做足,第二日又再跟進情況,非常貼心.

想按自己個別狀況，查詢詳情，立即聯絡 Be Youth 醫學美容，可以透過：http://bit.ly/BeYouthWhatsapp

##以上純屬個人意見&分享。產品及資料由品牌提供

**Welcome to contact : summerpigpigworld@gmail.com

個人專屬。美唇限定

12月除左會做下今年嘅年終總結之餘,趁住各大商店品牌都推出大大優惠或者限量版產品嘅時候,買入禮物送俾自己/情人/家人/朋友作為全年嘅獎勵真係無可厚非,開開心心歡渡佳節,迎接新一年.近年來個人化嘅商品/服務越來越受歡迎,因為人人都希望與眾不同,獨特過人.
一向為女性打造完美肌膚同妝效傾盡心力嘅法國專業品牌LANCÔME,當然深明愛美人士對個人化嘅追求,今年就係12月3-30日期間於指定分店將會舉辦「瑰麗唇膏個人化」巡迴活動,推出節日唇膏製作活動,自己隨心挑選喜愛色調，再由專人為唇膏披上節日圖案並綴上名字！


呢個咁靚嘅"波波"就係閃爍璀璨聖誕裝飾球.


前後嘅圖案都唔同架.

裡面放左用燙金技術印上節日限定彩色圖案嘅L'Absolu Rouge瑰麗豐盈唇膏.


呢款圖案係聖誕彩球,當然亦印有我個名啦~


另外仲有3款圖案可以選擇.


呢支L'Absolu Rouge瑰麗豐盈唇膏除左印左節日限定彩色圖案,連個蓋都特別靚,係突出嚟嘅玫瑰花LOGO.

一共36種性感色調, #160就係大熱唇色. 搽嘅時候好順滑易塗.


High Fidelity色素帶嚟深度濃烈色彩, 色澤純淨, 令色彩係唇上同所揀嘅原色一致.



依家選購正價彩妝產品滿HK$500，更可獲節日限定閃爍璀璨彩妝套裝一套！


##以上純屬個人意見&分享。產品及資料由品牌提供

**Welcome to contact : summerpigpigworld@gmail.com

Spread The JOY, Give The Joy @ Kiehl's

眨眼間就嚟到12月,除左係我嘅生日月,好值得慶祝,當然唔少得嘅就係普天同慶嘅聖誕節同新年.家人朋友都會相聚下,送下禮物,過一個歡樂又愛意滿滿嘅節日.唔少品牌都會推出聖誕限量版嘅產品,一聽到就知道唔可以錯過,Limited Edition絕對係一個魔法,唔理男或女都好易被吸引而帶佢返屋企,因為買一件就少一件,收藏價值唔可以睇少.
 

嚟自美國嘅百年護膚品牌 Kiehl's今年就聯同人氣插畫家Andrew Bannecker合作推出咗好多款節日限量版嘅產品，獨特嘅設計配搭繽紛可愛嘅圖案，到手嘅有幾大皇牌產品.

金盞花植物精華爽膚水, 包裝畫上可愛嘅植物公仔- 敏感肌膚最愛,因為不含酒精成份、具收斂效果,成份完全萃取自金盞花卉及其他天然植物精華，入面嘅金盞花花瓣全人手採摘，可清潔、均衡、活化、調理肌膚，有助於暗瘡疤痕癒合，改善輕微肌膚敏感現象，男性刮鬍後都啱用.


特效保濕乳霜, 畫左搶眼嘅彩色星星 - 有助減少水分流失，同時從空氣中吸取水分,令肌膚更顯柔軟幼滑，展現健康光澤,質感輕盈水潤,冬天易乾燥甩皮就最合用.


經典潤膚乳,都係有顆大星星 - Kiehl's產品中最滋潤嘅身體潤膚乳,特別適合極乾性肌膚使用，用後令肌膚幼嫩柔滑，充滿水份, 乾燥秋冬嘅身體皮膚可以放心交俾佢.


依家買滿HKD1200,就可以得到呢個咁COLOURFUL同EYE CATCH嘅限量版星星化妝袋,當然仲有其他優惠同SET裝啦.


想知多D, 可以去 https://www.kiehls.com.hk/zh_HK/whats_news_oct_2018.html
睇下. 或者去Kiehl's嘅分店入手, 咁得意嘅節日限量包裝賣晒就無㗎啦，用嚟交換禮物送俾friend完全唔失禮呀~

##以上純屬個人意見&分享。產品及資料由品牌提供

美目神器

日常生活同別人接觸係無可避免嘅,相信大部份人都會首先望對方雙眼,眼晴/眼神幾乎就係自身嘅代表,通常眼大又有神都會令人深刻D,不過年齡嘅增長,再加上雙眼日日睇電話/電腦,再精靈嘅眼睛都會變得疲累,眼瞼下垂. 加上挨夜/通頂,眼袋就越嚟越大,結果雙眼就會變得越嚟越細,越嚟越無神.要擊退疲倦眼,按摩絕對係有效嘅,係使用眼部保養品時可以同時令雙眼輪廓提升,絕對可以稱為美目神器.

國際領導化妝護膚品牌LANCÔME,多年嚟致力提升女性美麗容貌同女人味氣質, 將尖端科學技術與美容護膚巧妙結合一齊,深明女士被眼周肌膚問題所困擾,早係2012 年就已經推出左Génifique Yeux Light-Pearl™冰鑽亮眼肌底液,6年後就帶嚟Advanced Génifique Yeux Light-Pearl™升級版冰鑽亮眼肌底液,以嶄新配方及完美冰鑽按摩棒,打造與別不同嘅升級版功效.

依然係高貴嘅黑(外盒)銀(瓶身)色配搭.

擰開就係專利嘅冰鑽按摩棒.

升級為全新設計嘅冰鑽環迴按摩棒，棒頭更符合人體工學設計，以彈性粒子連接棒尖嘅冰鑽珍珠，由鑽石粉末拋光醫療級物料製成，全面防菌；彈性粒子接口好似柔軟嘅咕臣，可以穩定咁使出恰當嘅力度,將冰鑽棒頭緊貼眼周肌膚，輕柔咁推開精華。靈活設計令旋轉角度增加到80 度，按摩到大部分以前難以觸及嘅位置。冰鑽珍珠直徑比指尖仲要幼細3 倍，更能滿足所有眼型,再微細位置都搽得到。

係匆忙嘅早上，用冰鑽環迴按摩棒在眼睛上方及下方輕力向左右來回滑動就OK.晚間保養就不妨用多少少時間,幾個簡單步驟讓眼睛重新注入活力，減淡眼袋，預防皺紋及細紋，還可以令眼睛變得更大：

1， 以按摩棒在眼睛下方快速打圈，由內眼角畫向外眼角，撫平黑眼圈和眼袋。
2， 將冰鑽棒頭按在皺紋一端，沿皺紋來回滑動，減淡細紋及疲勞跡象。

3， 將按摩棒按在穴位上，棒頭與肌膚成直角，以棒頭輕按眼周各個穴位。

Advanced Génifique Yeux Light-Pearl™升級版冰鑽亮眼肌底液嘅升級亮眼配方仲特別加入左維他命CG同酵母萃取，幫助加強活化細胞, 起到緊緻飽滿,抗氧化,去黑眼圈嘅功效。

肌底液係水凝啫喱配方,質地輕薄,搽完好快就吸收左,眼部肌膚變得水潤緊緻,之後再用埋Advanced Génifique全新嫩肌活膚眼霜,簡直係完美嘅組合.


##以上純屬個人意見&分享。產品及資料由品牌提供

**Welcome to contact : summerpigpigworld@gmail.com

修護緊緻小顏立現 @ LANCÔME Rénergie Multi-Cica

隨住年齡嘅增長,就算一早開始用防皺護膚品, 可以成功減慢皺紋嘅出現,但不一定可以抵抗到地心吸力,無紋但皮膚鬆弛輪廓變得模糊,睇落去一樣蒼老. 雖然時下微整形已經唔係D咩大事,但又有幾多人真係敢試?聽聞係不歸路一條. 自問就未有呢個膽量, 不過如果護膚品都可以做到真正改善肌膚鬆弛嘅效果, 絕對係一大喜訊.

秉持著對優質嘅堅持、對肌膚保養嘅瞭解，嚟自法國嘅國際專業化妝護膚品牌LANCÔME,早係25年前已經推出抗皺緊膚嘅立體塑顏緊緻 (Rénergie)系列,成為抗衰老市場領導品牌之一.今年更進一步，推出三款針對性護膚品，包括舒緩和強化脆弱肌膚嘅鎮靜啫喱、獨有抗皺緊緻功效嘅修護面霜，以及重塑面部輪廓嘅緊膚面膜，修復肌膚屏障，對抗衰老痕跡。



Lancôme最新研創嘅Rénergie Multi-Cica系列，以突破性[UP-COHESION] TM科技,加上特別採用無香料配方，專為喚醒和舒緩脆弱及泛紅肌膚而設，敏感肌膚都用到,年輕膚質垂手可得.最近就用左呢3款產品, 分別係 : Rénergie Multi-Cica Gel Apaisant立體塑顏緊緻修護啫喱,Rénergie Multi-Cica Anti-aging Repair Crème立體塑顏緊緻修護乳霜,Rénergie Multi-Lift Masque 立體塑顏緊緻面膜.



首先用上Rénergie Multi-Cica Gel Apaisant立體塑顏緊緻修護啫喱.



一盒7支,獨立包裝.



每支分量係3ML.可以連續7天使用或作週期性護理用.



啫喱質地夠輕爽.



推開就FEEL到有D涼涼地咁,原來可以降低肌膚溫度2.8°C.

因為蘊含12%保濕及鎮靜活性成分,包括甘油及維他命原B5，即時令肌膚重拾舒適感覺，改善繃緊泛紅。隔左陣仲有皮膚拉緊嘅感覺.



未用Rénergie Multi-Cica Gel Apaisant立體塑顏緊緻修護啫喱前, 皮膚明顯乾燥暗啞.



使用方法都幾特別, 潔面後全面敷上，靜待10分鐘後再沖洗.



皮膚變得明亮,感覺柔潤,虎紋都淺左DD.

之後搽上Rénergie Multi-Cica Anti-aging Repair Crème立體塑顏緊緻修護乳霜.



好鍾意嗰朵花,好精緻.



專為修復肌膚屏障功能而研製，同時結合立體塑顏緊緻系列的抗皺緊緻功效，配方採用[Up-Cohésion]TM 科技，糅合啟發自太空生物科技的活性成分 - 鳥苷, 幫助提升皮膚基礎支撐纖維結構. 另外配合蕨葉精華 (髓桫欏)，具幫助強化纖維組織母細胞骨架,加上積雪草萃取物及維他命原B5，有效舒緩及修復肌膚,減淡皺紋，提升緊緻度，令輪廓更突出。



傑身嘅乳霜質地, 質感柔滑易推,按摩幾下就吸收左.



早晚洗面後搽係面部同頸部.



皮膚光澤感進一步提昇.

最後就用同面霜相輔相成嘅Rénergie Multi-Lift Masque立體塑顏緊緻面膜，締造出更緊緻肌膚,提升五官及輪廓立體感。



質地好傑身,要慢慢推開.



蘊含唔少於17%的蜂蠟及棕櫚蠟，配方係睡眠期間滋潤肌膚，有助改善肌膚彈性，強效緊膚,重塑輪廓。



每晚瞓覺前係面上塗抹一層立體塑顏緊緻面膜.



神奇嘅係皮膚即時變得啞緻左, 有收緊嘅feel.



到第二朝起身,皮膚唔止firm左,連油光都出少左.



有左Lancôme立體塑顏緊緻 (Rénergie)系列, 要輪廓線條清晰,五官分明立體小顏嘅出現,真係指日可待.
##以上純屬個人意見&分享。產品及資料由品牌提供

**Welcome to contact : summerpigpigworld@gmail.com