Summer’s Eve 爽美意女性衛生清潔液

好開心有機會試用Summer’s Eve 爽美意女性衛生清潔液, 先要多謝蘋果的化妝箱+ HKCOSME.
Summer’s Eve係好多年前應該係香港出現過嘅, 唔記得當時有無出衛生清潔液, 但就記得有女性衛生濕紙巾.
其實自己一向都有用開女性衛生清潔液, 不過就唔係用Summer’s Eve. , 市面上可以選擇嘅牌子唔算多,用開的就係某一經常賣廣告嘅牌子
今次試用等我可以比較下, 睇下之後買咩牌子嚟用.
本來試用嘅應該係1支女性衛生清潔液 + 1盒女性衛生濕紙巾. 點知去到攞產品嗰陣, 一共有2支女性衛生清潔液(敏感肌膚&普通肌膚適用之分) + 1盒女性衛生濕紙巾哦~

逐一睇下佢地個樣先
普通肌膚適用嘅女性衛生清潔液




敏感肌膚適用嘅女性衛生清潔液




女性衛生濕紙巾


女性衛生清潔液,顧名思義就係用係女性的敏感部位啦,佢同沐浴露嘅不同之處, 係除左可以徹底清潔之餘,用完有清爽的感覺;  能夠針對引起痕癢異味的細菌, 全面保護敏感部位肌膚;  而且性質天然溫和,微酸性配方,平衡敏感部位嘅酸鹼值, 唔會引起刺激, 令敏感部位乾涸不適
敏感肌膚專用的衛生清潔液, 除左有以上功效外,仲加入左滋潤配方,而且係無色嘅,大大降低敏感刺激的機會
女性衛生濕紙巾呢, 不含酒精, 當中滲上獨特清潔配方,去除敏感部位嘅分泌, 另外添加蘆薈同維他命E,呵護之餘又唔會引起刺激, 加上獨立包裝, 方便帶出街, 咁哂唔方便嗰幾日出街用
再嚟下到底用落係點
普通肌膚適用嘅女性衛生清潔液

係淺藍色嘅, 有淡淡的海洋味
之後直接塗抹係敏感部位再過水, 所以唔會有相呵…
感覺係…真係幾乾淨,但又感覺到滑左喎....
敏感肌膚適用嘅女性衛生清潔液

透明無色嘅, 同普通肌膚清潔液比較, 氣味淡好多,唔可以話佢無味, 不過唔知用咩詞去形容
感覺係…乾淨乾淨得嚟真係潤d
普通肌膚 VS 敏感肌膚清潔液, 分別就好似用洗面啫哩同洗面奶咁, 大家都做到清潔嘅效果, 又唔會乾, 一款就清爽d, 一款就滋潤d, 真係唔錯,個人比較喜歡敏感肌膚清潔液,無乜味,又溫和d~
反而自己用開嘅女性衛生清潔液…用完係乾淨, 不過就有d”立”嘅感覺,好似某d洗面膏咁.
睇嚟,下次再買女性衛生清潔液,會有更好嘅選擇呢~
而女性衛生濕紙巾方面呢

觸感相當柔軟,係普通肌膚適用嘅

size 有差不多半張A4咁大,絕對夠用
同場加影:
除左女性衛生清潔液 + 女性衛生濕紙巾, 仲有額外的試用品呢~

緊緻の肌膠原蛋白- Advanced Rejuvenating Skin Collagen Supplement

呵...到左我呢個年紀,都係時候要補充下d骨膠原~
Rosken - Dry Skin Cream

呢個牌子嘅cream之前都有用過,唔錯架...

Canmake 又出新嘢喇

啱啱收到mail
今次幾吸引下

礦物質泉水都有分高密度??又真係喎..

好多謝Beautylife.hk 同 星灝合辦的活動,有機會可以試飲HYDROXYDASE高密度礦物質泉水 

現代人越來越注重健康,除左做運動以外,都會係飲食方面著手. 多國的健康食品/飲品選擇往往比香港多好多, 好開心今次可以有機會試飲由法國製造及入口的HYDROXYDASE高密度礦物質泉水.呢款礦物質泉水歷史都好悠久, 係1902年已經開發, 直接係法國AUVERGE的MARIE-CHRISTINE NORD火山泉90-110米的水深處抽取泉水入樽出口
一共有20樽,每樽200ml,一共4公升嘅水, 重要係玻璃樽呀…真係好重…有sis重拖喼去擰添呀…

咁究竟HYDROXYDASE高密度礦物質泉水有咩功效呢?! 官方資料的資料係:
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1.幫助排毒: 內含豐富的礦物質 – 鎂, 係一種可以防止因排毒能力變差而引發相關疾病的礦物質, 從而促進膽汁酸的流動, 幫助肝臟排毒。分別透過肺部的呼吸, 以及排泄物帶走體內毒素.
2. 纖體: 含高濃度礦物質, 有助調節代謝, 減少多餘脂肪的積聚.加強纖體效果
3.緩解疲勞: 豐富的礦物質有助減少人體肌肉中的二氧化碳之餘, 通過血液及肺部將之排出體外, 毒素排出後能令肌肉放鬆, 消除疲勞.
4.抗衰老: 研究指出有效抗氧化, 達至抗衰老,令體魄健康, 肌膚幼嫩.
最佳的飲用時間係餐前的30分鐘,開瓶之後20分鐘內飲用可以獲得最大效用.
加強效果: 每日3樽, 連續飲用3-4星期
滿意效果: 每日2樽, 連續飲用3-4星期
延續效果: 每日1樽, 長期飲用
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~ 星灝嘅工作人員就建議我地每日飲2樽,放入雪櫃雪凍之後比較好飲
嚟睇下佢嘅外表先:

飲用日期印係lable度.背面就睇到
要用開瓶器先開到呢…包裝比例嚴謹…

不過有個疑問, 如果第時係街度想買嚟飲,但又無帶開瓶器,咁點算好呢…
未開之前,可以睇到有樽身同樽底有d唔知係氣泡定結晶體:

打開左之後..會有少少氣泡上升呵…
先飲下無雪過, 室溫嘅HYDROXYDASE高密度礦物質泉水.飲落去,似飲緊有氣嘅水咁, 有少少鹹鹹地嘅味道, 飲真d又好似唔係鹹味. 應該係礦物質嘅味道嚟.比我想像中嘅味道要濃好多呢…本地嗰d所謂嘅礦物質飲品真係…無得同HYDROXYDASE比…怪唔得知叫高密度啦~
之後再飲係雪櫃雪凍嘅, 味道其實同室溫嘅差不多.不過個人覺得礦物質嘅味道比室溫嘅更強烈,感覺上室溫嘅比較易入口喔..當然呢d純粹係個人口味同喜好嚟啦.

飲完之後, 可以睇到樽底有好多礦物質的沈澱物呢…好似鹽花咁,證明真係含高濃度豐富礦物質…
大大話話都飲左2個星期,感覺上比平時精神d,無咁易攰(同樣係無咩運動嘅情況下 )…
本身我唔係肥,暫時睇唔到纖體的效果
而抗衰老方面, 都暫時未睇到效果,應該要再飲多一段時間先會見到功效吧…
不過幫助排毒呢, 就真係好有效嘞.因為週末同星期一的生理時鐘有唔同,(放假通常瞓晏d架嘛),所以嗰幾日去便便的情況唔係咁好,有時會去唔到,但係飲左HYDROXYDASE高密度礦物質泉水之後,情況完全唔同晒,可以用”暢通無阻”嚟形容.真係幫到手喎~就咁飲水都可以輕易解決排毒嘅問題,真係方便又輕鬆
不枉去做”咕哩”攞佢返屋企啦…如果係唔減少礦物質含量的情況下, 而可以減輕水中礦物質嘅味道,會更易入口,更好飲呢..

《旭茉JESSICA》x MANGO 呈獻─ MANGO Return 80's Shopping Night 回歸經典

唔知係咪因為職業嘅關係,繼上次KENSIE之後,今次有幸又有機會出席 ---《旭茉JESSICA》x MANGO 呈獻─ MANGO Return 80's Shopping Night 回歸經典.
地點係尖沙咀的ISQUARE.放工就同朋友一齊過去...
去到門口,工作人員都好熱情咁招呼,幫我地貼上活動的貼紙,遞上即場調配的Cocktail之餘, 仲有就係....全場貨品有8折呢~

未去之前,憑活動的主題係 Return 80's, 諗緊會唔會係新一季會出80年代的懷舊嘢呢?!喇叭褲會係不可缺少的一項呵...
不過係現場嚟睇, 唔太感受到80's的氣息,某部份的collection的確係有少少復古的味道,但同主題相距甚遠呢...
莫非..80's唔係指80年代,而係....8折??!!!
anyway...最後都係睇唔中嘢,浪費左呢個8折嘅機會...
呢D活動,通常都會有紀念品,今次都唔例外,有D咩呢...

就係:

MANGO自家嘅SHOPPING BAG (MANGO有售)
LANCOME嘅化妝袋

起初以為只係化妝袋,點知內有乾坤架...

又有新嘢試,yeah~

"咕哩"之收穫

呢個星期有以下嘅收穫, 不過係要付出代價架...要做"咕哩"去攞呢..

佢地分別係:
Sofina Dayprotector 抗衰老防曬乳液 - From Beauty Exchange

O'slee 透明質酸高效保濕精華 - 會員通訊的試用

CHANEL 「高效美白精華液」- ELLE問卷調查獎品

Lamcome cleaning milk - 西武Facebook遊戲的獎品


Webcam - She.com問卷調查獎品, 好鍾意佢有埋腳架~ 

HYDROXYDASE高密度礦物質泉水 - Beauty Life 試飲

做咕哩嘅主因就係呢箱 200ml x 20嘅礦物質泉水...有sis拖"喼"去攞呢...

四重鎖黑透白?? Clarins有辦法~

首先好多謝BEAUTY EXCHANGE 同 CLARINS, 等我有機會試用全新推出嘅 高效美白透滑精華~
今次係第一次使用CLARINS嘅產品,過往CLARINS嘅宣傳唔算好多,加上多數用外國明星作為代言人,對呢個牌子嘅認識唔算多,只知道係法國品牌,直至早兩年推出瘦面新產品,先開始留意,可惜仲未有機會用其產品,依家終於可以試下喇!
今次試用嘅係Intensive Whitening Smoothing Serum - 高效美白透滑精華

Clarins經過精心研究,終於發現如何控制及阻止黑色素去到皮膚的表面,成功研發"四重鎖黑透白系統",運用專利配方植物成分,令肌膚白皙亮白
先睇下個樣先:

附有多國語言嘅說明書及產品意見書,可以方便使用者提出意見,好貼心呵~

泵裝設計,方便衛生

質地係較薄的乳霜狀,呈白色

推開後,好快就吸收哂

香味方面,似係一D外國品牌嘅花香香水,味道比較濃,個人不太喜愛
最後,當然係要分享下去斑美白嘅效果啦~
未用之前嘅雀斑係咁嘅 (只怪早年唔用防曬T_T)

用左一星期嘅高效美白透滑精華之後

d斑好似真係淡左少少喎~~~毛孔都細左~~
當然去斑係長期嘅作戰嚟,美白精華要KEEP住用先得喇
不過高效美白透滑精華俾到另一個驚喜我,就係佢唔會令肌膚變乾之餘,仲保濕添~
以前用過嘅美白精華,通常都會令到皮膚較乾..
今次用CLARINS嘅高效美白透滑精華,無預先打底搽定保濕,爽膚水之後就搽佢,再嚟係防曬or晚霜
日頭返工,去到放工都唔覺得皮膚乾呀~~~拍得住保濕精華呢..讚呵..