一物多用 - 淨白保濕日霜

台灣有好多香港買唔到嘅化妝護膚品牌,特別係由化妝師研發嘅,好似小偉老師,小凱老師,牛爾老師等等,非常羨慕台灣嘅女仔可以隨時買到.

不過呢個宿命終於被打破喇.因為本港著名化妝師RICK CHIN以個人名義推出面部護理產品"Expertis".

"Expertise"全線系列由RICH CHIN同多位世界各地嘅皮膚科共同研制,採用天然草本及果物精華配合高科研製而成,不含化學原材,配方照顧到男女需要的同時，敏感性皮膚亦可安心使用.

為左對抗環境污染同皮膚嘅最大敵人-陽光中嘅紫外線,Expertise研制嘅Day Cream（淨白保濕日霜）由此誕生!

蘊含K8(8大熱帶雨林植物精萃),包括:

Lilly Pilly 番櫻桃 - 保濕
Lemon Aspen 山楊 - 淨白
Davidson Plum 大衛李子 - 抗皺
Quandong 沙桃 - 抗氧化
Desert Lime 沙漠萊姆 - 鎖水
Wattle Seed 金合歡子 - 滋潤
Kakadu Plum 卡卡都李 - 預防紫外線侵害
Roselle 洛神花 - 舒緩

另外再加入:

Hyaluronic Acid 透明質酸
Vitamin E Acetate 維他命E醋酸鹽
Grapeseed Oil 葡萄籽油
Matrixyl™3000胜肽複合抗皺精華
Kombuchka™ 紅茶菌
Oligogeline® 深海紅藻修護精華
天然有機水

功效: 防止水份&養分流失,提升緊緻肌膚,均勻膚色，更可作化妝底霜使用

包裝簡約,合乎環保嘅概念

內附詳細說明書

擰開外蓋,原來仲有塊厚厚嘅cover(平時其他牌子嗰d都好鬼薄架)




日霜嘅質地比較傑身,唔算易推,要多少少時間吸收.

不過好處係可以當做按摩霜用,幫助血液循環嘍~

原本輕微泛紅+毛孔明顯嘅皮膚

搽左淨白保濕日霜上面後,估唔到嘅事情發生左..

毛孔望落細緻左,泛紅位置膚色均勻返,皮膚摸落有粉嫩感

真係可以當化妝底霜用喎

以$350價位有75g嘅分量,仲可以一物幾用,難怪Rick Chin可以做到 :「我要證明，優質護膚品不一定要昂貴。」

LOVE Spain~ Try New Brand~

熱愛旅行嘅我,由中學時代起睇過當年偶像嘅旅遊特輯後,對一個地方一直都好嚮往,有生之年點都要去一次,呢個地方就係 ----西班牙.

巴塞隆拿嘅獨特建築風格(聖家堂呀~~~~),馬德里嘅廣場..(唔知有無人估到呢個偶像係邊個呢?!)

嘩,諗起都好想即刻飛過去.可惜暫時時間同金錢都未足夠起行,咁用下嚟自西班牙嘅護膚品,舒緩一下我嘅情意結啦.

透過FACE BOOK認識到ABIDIS呢個對我嚟講係全新嘅牌子,仲有幸抽到佢嘅產品可以試用.

未用之前,先了解一下到底ABIDIS係一個咩品牌嚟呢?

1984年“Laboratories Ximart”公司在西班牙成立，擁有先進科技及完善的生產線，以生產香水和古龍水聞名,直至1961年ABIDIS護膚品誕生.

ABIDIS是生物化學家Jose・Ramon‧帕茲加西亞博士專研的產品,採用最上乘天然草本精華製煉,改善皮膚健康,以科學為據嘅優質產品，能令各種不同類型的肌膚得改善.

去到COUNTER攞試用SET, BA都好有耐心咁教我點用D產品,仲即場以手試用左洗面,爽膚,眼霜,精華同面霜呢幾款產品,有左初步嘅感受

攞到嘅ABIDIS【7天活氧細胞之旅】免費試用裝

試用產品：洗面、爽膚、活氧細胞修護液、面霜、維C眼精華.當中有再細分唔同膚質適用嘅產品

分別有:

-油性/混合性肌適用嘅


1.ABICAL-清爽潔面乳

成分：黃龍膽、金盞菊、甘菊、迷迭香、純香薰油

內含常春藤,迷迭香及檸檬精華,能抑制細菌生長;金盞花,鼠尾草提取物具平衡膚色功效,可以平衡油脂分泌,收斂毛孔及淨化肌膚,有效消炎抗敏

質地係傑身milk狀, 氣味有D似BB香皂味

洗完皮膚乾淨左得嚟唔會乾

2.LOCION EQUILIBRANTE-草本瑩肌水

成分：常春藤、迷迭香、檸檬精華、金盞花及鼠尾草、牛蒡

內含常春藤、迷迭香及檸檬精華，能抑制細菌生長；金盞花、鼠尾草提取物具平衡油脂分泌,收斂毛孔及淨化肌膚嘅功效

適合任何皮膚,特別係混合性或油性皮膚

呈綠色,聞落有草嘅味道

用左皮膚有fresh嘅感覺

-中性/乾性/敏感皮膚適用嘅


1.ABIVOC-營肌潔面乳

成分：草本精華、小麥胚油、酪梨油、甘菊、迷迭香、鼠尾草、醋酸酯、右旋維他命E、山金車粹取物

含酪梨油、甘菊、迷迭香、鼠尾草精華，可以徹底清理面上雜質皮脂，保護皮膚嘅水脂層，防止水份流失山金車精華能舒緩敏感皮膚,保持皮膚光澤

質地係同樣都係傑身milk狀,香味比清爽潔面乳濃少少

用完又幾滑幾喎..

2.HERBADIS-花療瑩肌水

成分：絲柏樹、迷迭香、接骨木花、山金車、甘草及金盞菊精華、長春藤

不含酒精，能促進血液循環，平衡酸鹼度；含山金車、甘草及金盞菊精華，具舒緩及鎮靜功效,適合任何皮膚，特別係敏感皮膚

係樽入面係淡黃色,倒左係手好似無色咁

聞到木嘅味道,唔知係咪因為接骨木花?!

用完肌膚好似飲左水咁,毛孔都收歛左

另外有其他護理產品

1.EYE CONTOUR GEL-維C眼部緊緻修護液

成分：維他命C衍生物、銀杏、瓊脂 、蘆薈、小麥胚芽油、維他命E衍生物

含豐富維他命精華，具有重組及緊緻眼部肌膚之效能，去除眼部浮腫，強效補水、促進循環、減少幼紋，提升明眸神采

質地係傑D嘅水狀多過似GEL

搽左感覺保水得嚟一D都唔會"立",好快吸收,眼袋FIRM左

仲可以搽多層當眼膜用~

2.ABISOME II-活氧細胞修護液(所有膚質可用)

要係搽完瑩肌水後面部仲濕濕地嗰陣即時用.塗上全面,會feel到導入皮層嘅效果.

質地同EYE CONTOUR GEL好似..

一搽上面即刻吸收,清爽得嚟幾保濕呵

3.NUTRIBALM-水潤營養面霜(中性/缺水皮膚用)


成分：甜杏仁油、德國洋甘菊、維他命A、接骨木、人蔘

改善因缺水而導致嘅敏感,德國洋金菊能增強皮膚抗敏功能,令肌膚幼嫩有光澤

又係BB香皂味噃(like!)

乳霜質地好幼滑

4.HYDRO-ACTIVE STORE-水療活肌面霜(缺水肌用)

成分：橄欖油、鱷梨油、膠原氨基酸、脂質囊、水解彈性蛋白、糖蛋白

深層保濕,當中嘅活躍成分,滲入肌膚細胞底層,可以滋潤、修護、補充水份,防止肌膚水分流失

類似乳木果嘅氣味

質地都係滑溜溜嘅cream

效果明顯不過

再次謝過ABIDIS嘅試用機會,首次接觸到嚟自西班牙嘅優質護膚品牌,要去西班牙嘅決心更大啦...聖家大教堂..等我呀~~

TONY MOLY眼影 @ 破底價 (另加KATE)

放假同朋友去開葵芳行街,見到有sasa特賣場,就入去睇下會唔會買到荀嘢.貨似乎無旺角咁多.

不過就俾我買到之前係旺角想買,但又無嘅深紫色TONY MOLY眼影,另外買多個啡紅色



點知俾錢嗰陣,個BA話依家$3.5一盒,叫我睇啱買多幾盒,買晒就無..可惜揀唔啱...

不過真係破底價..去開可以睇下有無啱..

另外係SASA PROMO見KATE嘅亮眼凍特價(限家SASA有售)

葵芳新都會嗰間得GY-1, BR-1, BR-2, GD-1, 最後買左GY-1


睇嚟係因為新VERSION出左,呢款會飛OUT,所以做PROMO..

不過新VERSION得1.7g,仲貴左..效果相若...

肌膚要排毒,肥脾要修身

包包面,水腫呢d字眼,對唔少女仔呢講都好敏感,好怕會成為形容自己嘅名詞,為左趕走佢地,有d人甚至連去水丸都出埋(朋友嘅真人真事),但咁樣絕對係治 標唔治本.近年就興起通淋巴排毒嘅方法,促進新陳代謝,將水份, 毒素排出體外, 同時供給營養到各部份,不但擊退包包面同水腫,皮膚都靚d

是日就嚟到荃灣嘅NATURE’S Slim Beauty,進行意大利天然亮白及按摩護理,體驗淋巴排毒滋潤淨肌護理+科技瘦身療法.

門口處擺放左各種美肌/修身產品

坐低填返資料做個簡單嘅皮膚諮詢



BEAUTY CONSULTANT JENNY先簡單介紹返今次我做嘅淋巴排毒滋潤淨肌護理+科技瘦身療法係咩嚟.

淋巴排毒滋潤淨肌護理配合香薰精華油，以獨特人手作淋巴引流按摩，幫助排解毒素，令肌膚回復緊緻，增加彈性，加強皮膚的柔軟及光澤. 程序都係洗面,PEELING,針清,按摩,敷面膜,但就唔包修眉嘅

而科技瘦身療法就係用儀器去幫身體作淋巴引流按摩,令線條更明顯.本來療法一般係做肚嘅部位,幫助消腩,但咁啱生理期嘅關係,JENNY幫我改為前脾位置(平時最難對付嘅肥脾終於有人打救啦)

先去LOCKER放好D嘢...LOCKER入面有齊哂毛巾,拖鞋,浴袍同紙嘅內衣褲

更衣室就係拉簾式嘅,不過都有提供濕紙巾,可以係護理前稍作清潔

如果時間充足嘅話,可以去對面嘅浴室沖返個靚涼先,另一邊仲係桑拿房,不過有人用緊

換好衫,就可以按鐘通知美容師

行過去另外一邊嘅TREATMENT ROOM外等美容師過嚟,可以睇下雜誌,飲下水

有D TREATMENT ROOM有人用緊,外面就掛有"療程中"嘅排去識別

我做TREATMENT間房,儀器已經係側邊STAND BY

美容師用香薰+玫瑰精油先幫我以儀器開通身體嘅淋巴穴位,感覺好似吸下吸下咁.

然後就做面部嘅淋巴排毒滋潤淨肌護理.

1.卸妝水抺走防曬 → 洗面乳潔面 → 噴蔬果水鎮靜肌膚 → 敷上深肌細潔面膜,打圈按摩作PEELING → 係面部塗搽消炎精油→針清(手勢都OK,唔太痛)→ 再搽消炎精油,皮膚清潔護理部分完成

2. 美容師利用甘菊精油塗係手心,放係我嘅鼻子上方,指示我以鼻吸氣,口呼氣嘅方式去呼吸,等甘菊嘅氣味幫助我放鬆全身 → 開通面部淋巴穴位→ 用綠茶保濕面霜作人手淋巴引流按摩(包括肩,頸,去到鎖骨以下位置) → 頭部按摩 → 噴蔬果水, 面部淋巴引流按摩部分完成

3.按摩完,係護膚品最吸收嘅時候,當然要倒膜敷面膜啦,先用活肌滋養面膜打底(含豐富骨膠原呵),再敷玫瑰面膜(最鍾意玫瑰嘅香味,好RELAX)


全程都係用嚟自意大利嘅NATURE’S產品+人手按摩, 塊面敷緊MASK嘅同時, 就可以做埋前脾位置嘅科技瘦身療法

先壓腿放鬆腳部 → 搽消脂CREAM → 用儀器按摩通淋巴 → 搽消脂CREAM → 用儀器推動脂肪移位,打鬆/推散脂肪,做完左邊就到右邊

30mins就咁就過去,面上嘅倒膜夠鐘lu,起膜後搽返純植物素保濕眼霜 + 葡萄修護補濕面霜, 搞掂晒

美容師仲俾左杯桂花茶我..肥脾無紅無瘀,咩事都無

換返衫時,著牛仔褲嗰陣就覺得脾位比之前鬆左少少(係有d料到喎)

而塊面feel到緊緻左,不過皮膚薄嘅關係,針清過嘅痕跡就未退散

LOCKER對面就係梳妝位置,唔單止有紫外線消毒嘅梳

仲點有令人放鬆心情嘅香薰,同NATURE’S LOTION 同CON水等等俾客人使用

最後JENNY都介紹返有咩優惠推廣中,不過都無好HARD SELL,仲送左幾款SAMPLE俾我返去試用

臨走先見到門口個STAND,原來今次嘅TREATMENT都有優惠,可以用$288試做呵.