人生第一次激光療程-感受分享(多字)

琴日去左華洋坊攞係she.com抽中嘅甘草美白精華之餘,仲免費試做左佢嘅激光美白療程.

除左幾年前做過彩光外,都無做過任何其他的專業療程,今次係第一次做激光呢..
鑑於之前都有多多少少嘅報導提及女仕因為激光療程想靚d,點知弄巧成拙整傷皮膚,所以都有d擔心

Serve我嘅美容師阿JEN係未開始療程之前,都將成個程序同會遇到嘅情況講左一次.
就係以C16波長嘅激光打入皮膚,擊退黑色素，再經由白血球帶動至淋巴排走，有助減退色素及活化血管.

而係做嘅過程中,會聞到一D好似燃燒毛髮嘅"火羅"味,做完之後毛髮都會變成白色
當佢知道我嘅擔心之後,都講返其實療程唔係由佢嚟做,而係執業醫生做嘅, 佢就會從旁協助, 聽佢咁講, 都放心D

之後簽左就同意書就入房先做基本清潔同PEELING.係用PEELING GEL/CREAM哦..
洗再淨塊面之後,佢就話返俾我知面上斑斑嘅問題,邊D係曬斑,邊D係荷爾蒙斑(多得佢,我依家知點分辨啦)

跟住就去另一間有激光儀器嘅房度打激光嘞.係由一位醫生(好似叫EMILY)去打嘅,一共打2圈,未打前佢都再同我講返會有D"吉吉地"OR俾針拮嘅感覺,如果覺得唔舒服可以舉手叫停,佢再調教

先遮左眼,就開始由額頭打起,感覺有D拮,但都接受到. 但當佢U-TURN去太陽穴嘅時候,拮嘅感覺強烈左,我FEEL到痛痛地,就舉手叫停.
醫生就解釋返因為位置皮膚薄D同乾D,感覺會大D,係正常..
之後繼續,去到上唇位置感覺最強烈,但醫生都會提示下個STEP做咩位,完成第一圈之後,第二圈感覺無咁大.
做完面,再打埋貼近眼嘅位置, 之後搞掂..

成個過程約15MINS, 阿JEN都用打手提風扇吹住,真係聞到好似燃燒毛髮嘅"火羅"味
整體嚟講..我係覺得-都幾痛 (本身我唔多忍得痛,但為左靚都可以嘅,今次真係覺得痛,有少少淚水FEEL), 同埋覺得塊面好乾..

完成後就返去之前間房,本身係有個FACIAL送嘅(唔記得左個名),不過阿JEN就問我試唔試佢地公司嘅透明質酸MASK,質量好D,保水好D,本來係$300有5塊,單買就$80一塊
我覺得塊面好鬼乾, 咁$80都可以接受, 就試左,D多左嘅精華素佢幫我敷埋眼..
最後就搽返基本嘢,完成嗮..大約用左45MINS..

跟住當然唔少得SELL下D COURSE啦,不過可能佢FEEL到我唔會買,無另外叫我去一間房慢慢傾,只係係梳妝間問我
阿JEN問我覺得點, 我話覺得痛,唔太接受到,咁佢就無再SELL我嘞.叫我返去做多D保濕....幾好喎..唔HARD SELL

之後去到夜晚,塊面超乾呀,有D位仲甩皮,要出動滋潤D嘅CREAM同SLEEPING MASK..
今朝起身,好D嘞,無琴日咁乾,但額頭出左D紅點喎..


而面上嘅汗毛真係變左白色..


估唔到嘅係,阿JEN打嚟FOLLOW UP,問我情況如何,咁我講左額頭出左D紅點俾佢知,佢話乾得滯都會咁,要做多D保濕, 有咩可以打返去問..幾NICE呀..

原來激光療程係咁痛架...我暫時都唔會做..睇嚟我距離要靚唔要命仲有段路呵..