今次除左可以了解多d自己嘅皮膚狀況之餘,又可以學到新嘢, 仲有產品試用..究竟用成點呢…依家就嚟分享下啦~
Curel係花王嘅出品, 專為乾燥敏感肌膚而研發,於產品加入獨有嘅[潤浸保濕Ceramide功能成份], 亦係三無產品 - 無色素, 無香料, 無酒精 .係日本嘅已經係成為首屈一指的乾燥性敏感肌膚品牌.
先嚟回顧一下今次試用嘅產品, 分別係:
深層保濕套裝(當中包括左:深層卸妝啫喱,豐盈泡沫潔面乳,保濕化妝水,水盈保濕乳液)
輕透清爽防曬乳液
柔潤保濕身體乳液
柔潤保濕沐浴露
再嚟逐個睇下啦:
深層卸妝啫喱
顧名思義係要嚟卸妝嘅,啫喱狀, 透明嘅, 摸落去滑滑地咁, 同用卸妝油一樣, 要手乾面乾咁用嘅, 工作坊嘅介紹中提及, 連防水嘅睫毛液都可以卸除
為左有得比較,於是我就用眼部卸妝先落左其中一隻眼嘅防水睫毛液(出名難落嗰d), 之後就用呢款深層卸妝啫喱去全面落妝, 用嘅份量大約係5毫子左右...
結果發現 : 面部的粉底,胭脂及眼影都輕易咁卸走, 只差搽左防水睫毛液的眼喲..落得唔夠乾淨.......
我有先"0翕"佢一陣, 之後先過水,唔知係咪因為嗰款防水睫毛液實在難落, 始終都仲差少少, 要再落多次先夠乾淨...
係呢排咁潮濕悶熱的天氣下, 用完之後唔會覺得乾. 但就無保濕嘅感覺...(暫時唔可以感受到如果係乾燥的天氣情況下用, 會有咩感覺)
之後再用豐盈泡沫潔面乳,確保面上殘餘的污垢可以徹底洗淨. 從產品個名已經可以知道, 佢會有豐盈的泡沫
泵裝設計, 唔需要自己加水起泡, 一"吱"出嚟就用得, 非常方便
睇下d泡泡有幾細緻綿密先...(又真係好豐厚呵...)
用2泵嘅份量, 放上面再推開 (先放係額頭位置喔, 工作坊教嘅)
泡泡好滑..好幼細...
一過水..
感覺幾舒服,可惜同樣係無保濕嘅感覺, 皮膚唔覺得滑左...覺得有d失望....
之前用過同類型嘅產品(THE BODY SHOP), 用完好保濕, 對Curel有同樣的期望,所以有少少失望....
工作坊入面教到, 洗完面要盡快搽化妝水, 同埋唔使用棉花, 最好係用自己雙手搽, 因為有熱力, 可以令佢吸收得快D
保濕化妝水 II
當然都係無色嘅
搽完之後皮膚係咁嘅
原來化妝水幾潤噃. 開始明白點解curel嘅潔面產品用完唔覺保濕的原因...
跟住就係搽防曬乳液(日間) or 保濕乳液 (夜間)
先講防曬乳液
質地好薄, 同SOFINA以前出嘅VERY VERY UV CUT MILK一樣, 好水...
好處係可以唔搽面霜直接搽佢, 而且連眼位都用得, 一支搞掂曬~
搽上面之後, 好易推, 感覺好保濕好潤呀..冬天用應該啱啱好, 不過呢排潮濕悶熱嘅天氣用, 覺得有少少"立"添...
不過好有驚喜呀...就係返工去到下晏 4, 5點, 塊面完全唔覺得乾, 一d"掹"緊嘅感覺都無...
平時通常去到 3, 4 點就會開始覺得有少少掹"緊, 同埋有時會紅左(d冷氣實在太強勁, 俾佢抽乾皮膚水份)...依家完全感受到curel 的保濕能力...勁呀....
至於保濕乳液方面
質地係偏稀的液體, 搽上面好容易推開. 感覺滋潤, 同樣因為天氣關係, 覺得有少少"立".
明顯見到皮膚泛紅的情況改善左
到第二朝瞓醒, 面上泛油情況無平時咁嚴重, 即係代表皮膚的水份足夠呵..
除左面部護理, Curel 都照顧到 Blogger嘅身體皮膚需要, 所以提供 柔潤保濕沐浴露 & 柔潤保濕身體乳液俾我地試用
柔潤保濕沐浴露
Curel 產品嘅特色, 無色素, 所以係透明嘅
配方溫和保濕, 貼近人體肌膚的弱酸性ph值, 含有消炎殺菌成份, 可以預防乾燥問題惡化.
不過佢唔可以用手去起泡. 要用毛巾 or 沐浴球/網先起到泡, 有d麻煩(平時懶慣. 用手)...
咁用 沐浴球起出嚟嘅泡泡又係多好多嘅..
用完之後, 又真係幾保濕喎, 同平時沖完涼有d唔同, 有少少 fresh咁...唔知係咪因為無香味嘅關係呢...
最後用埋柔潤保濕身體乳液
質地同面部保濕乳液相似, 不過就再稀少少添, 吸收得好快, 搽完唔覺"立"喎..皮膚摸落又滑左...最中分別係小腿. 一向都好乾....正呀...
整體嚟講. 一共試左7款產品, 最得我心嘅應該係輕透清爽防曬乳液喇
一直用開花王出嘅防曬, 而呢款連眼位都用得, 一支就可以搞掂曬. 簡直係快, 靚, 正, 朝早可以瞓多陣呢...呵呵....
沒有留言:
張貼留言