「盛女の約定」

一直都有睇開am730呢份報紙, 當中某幾個專欄係必睇嘅,早前見到am730會舉行左一個「盛女の約定」講座,第一時間報左名,因為講者係素黑+彭晴+黃凱詩.

極想見下素黑真人呢,佢寫嘅書非常直得推介,絕對係現代女性嘅心靈雞湯.近期剛好睇緊佢嘅新書-<<男人要學會,女人要超越愛>>.
上星期五一放工就即刻趕過去北角.早到左少少, 不過已經有人排緊隊入場

入到去可以容納300人嘅演講廳

無花巧嘅佈置, 只以講座嘅海報作為投射嘅背景

耐心地等待到講座開始

主持人出場

再逐一介紹講者出場,先係黃凱詩

跟住係彭晴

最後係素黑(好纖瘦呀)

講座主題當中所講嘅「盛女」,係嚟自彭晴嘅專欄[中女萬歲], 其實係盛放嘅意思

所以是晚都係圍繞住「盛女」對唔同題目/社會現象嘅討論 & 發表意見

如: 原來香港10個男士當中有4位係娶外地嘅女生. 講者分別發表對呢個現象嘅睇法.

唔少得當然係對「盛女」嘅見解啦.

同時都傾到男同女嘅溝通方法好唔同, 好多時女人其實唔知自己想點?! 男人係咪唔夠細心?!男女對"攰"背後意義有極大差異.

只因男女嘅思考方向唔一樣..結果就洐生左無限嘅問題..怨偶由此而生..

最後20分鐘左右仲有機會俾台下嘅我地去發問

300個座位全部爆滿,個幾鐘嘅時間好快..攞埋呢份食得嘅紀念品離開lu..