細個嘅時候, 早就知道以油護膚係好好嘅選擇, Baby Oil就係最好嘅證明. 只係當時唔識寶,
總覺得護膚油都係油膩, 黏笠嘅. 隨住科技嘅進化, 現今嘅護膚油已經唔同哂, 市面上更有多功能嘅護理油推出, "油"唔再係只用嚟護膚咁簡單.
長大後嘅我, 亦深明"油"嘅好處, 唔再抗拒之餘, 係秋冬天更偏愛以油美肌~
嚟自法國嘅葡萄成份專家CAUDALÍE,
以天然成分、卓越配方及顯著功效而遠近馳名,創辦人Mathilde & Bertrand
Thomas夫婦對於葡萄有一份深切嘅執著,研發產於法國西南部嘅葡萄,過程中使用葡萄各種不同部位,萃取出精純有效成分,
推出多個以葡萄為主要成分嘅專利護膚系列, 今年更推出DIVINE OIL尊貴美肌護理油, 用上葡萄籽油以及其他三種珍貴植物油,
3合1高效[美肌.護髮.護甲]一支做到.
以高身玻璃瓶盛載黃金般嘅DIVINE OIL
瓶身背面仲有凹凸嘅葡萄花紋 (好比香水樽, 值得收藏呀~~)
噴霧裝嚟呵, 取出分量更易控制
質地好輕, 噴出嚟影2張相就已經向外流
唔
會好似一般嘅護膚油咁帶"油"味, 而係散發淡淡花果芳香, 全因邀得香薰大師Jacques Cavallier為此護理油調製香味.
香調結合左摩洛哥玫瑰及保加利亞玫瑰精華, 加上清新西柚, 辛辣粉紅胡椒, 將香氣昇華至更高層次; 尾調用上雪松、香草及白麝香, 完美作結.
推開後好快吸收, 多少會有點點油
如果想用護理油後更清爽, 我會噴上補濕噴霧
再按摩幾下, 之前嘅點點油不再, 剩下光彩餘暉
成份方面CAUDALÍE尊貴美肌護理油揉合4種珍貴、極度精細嘅植物油(佔配方60%), 包括:
◆葡萄籽油- 喚醒及滋養肌膚
◆特級初榨堅果油- 修復皮脂膜及保持細胞完整性
◆特級初榨芙蓉油- 防止肌膚表面水份流失
◆芝麻油- 滋潤和軟化肌膚
◆葡萄籽多酚- 強效抗氧化
◆公平貿易乳木果油- 強效修復肌膚
96% 天然配方,不含防腐劑及矽
暗啞停不了嘅皮膚(夜貓子嘅代價)
先噴上補濕噴霧, 抺上CAUDALÍE DIVINE OIL尊貴美肌護理油
再輕輕全面按摩, 等佢完全吸收
對於混合性偏乾肌嘅我嚟講, 唔會油淋淋, 皮膚變得滋潤有光澤, 毛孔都細緻左
第二日起身洗完面, 皮膚都唔會掹掹緊
除左面, 身, 頭髮同指甲, 或者當bath oil 都得,大大枝100ml 只售$320, 莎莎獨賣喲~
**Welcome to contact : summerpigpigworld@gmail.com
沒有留言:
張貼留言