質優。開架。高清妝容首選- Cyber Colors HD Aura

科技日新月異, 近年高清攝影器材及電視等嘅出現, 令演員們係電視/電影上都展現左更真實嘅一面, 為彩妝界帶嚟重大嘅改變. 為左迎合高清嘅影像,高清底妝/彩妝亦相繼推出, 務求令妝容更透薄自然, 就算係水銀燈下都仿如素肌般無瑕, 配合大熱嘅裸妝潮流.

創意無限嘅專業彩妝護膚品牌CYBER COLORS, 就帶嚟左HD Aura高清亮采底妝系列, 多得莎莎SASA嘅引入, 係香港都可以輕易買到質優而只係開架價錢嘅高清妝品.

有幸透過 CYBER COLORS x gooodapple.com高清亮采素肌大賽呢個活動, 得到其中嘅兩款產品:

Cyber Colors HD Aura高清亮采水潤妝前底霜 及 Cyber Colors HD Aura高清亮采粉底霜(5天試用裝)

全部日本製造，加入突破性Aura光學複合粉末，以360°柔焦折射技術撫平所有毛孔及細紋，塑造仿如陶瓷一樣無瑕嘅高清底妝。 配方經特別研製，具高延展性、透氣度和遮瑕度，為肌膚提供水分滋養，柔化肌膚紋理。令肌膚由內而外回復勻淨白皙，呈現光透柔滑素肌質感。

基本護膚程序過後, 就可以塗上Cyber Colors HD Aura高清亮采水潤妝前底霜 HD Aura Watery Make Up Base SPF20 PA++

一共有3種色調：01 Fresh 自然色（去除暗啞，提升亮澤及剔透度）、02 Glow 珊瑚色（改善灰沉，締造紅潤）、03 Luminous 淺紫色（去黃及灰，即時亮肌）。

我用嘅係 03 Luminous 淺紫色

lotion狀質地, 都幾輕盈, 水份重

相當易推, 唔會死白, 帶點珠光

皮膚狀態麻麻嘅我, 毛孔粗大, 痘印明顯

全面塗抹上Cyber Colors HD Aura高清亮采水潤妝前底霜HD Aura Cream Foundation SPF 30 PA+++

自然透薄無負擔, 毛孔及凹凸部位被細緻覆蓋, 肌膚變得光潤平滑, 成個skin tone明亮左

有SPF20 pa+++防曬功能，抵抗紫外線及污染嘅侵害

之後再用上 Cyber Colors HD Aura高清亮采粉底霜

同樣有3種色調：01 Ivory 象牙色、02 Natural自然色、03 Warm Beige 健康膚色

到用嘅係02 Natural自然色

乳霜質地帶傑身MOUSSE FEEL, 感覺豐盈柔潤, 滑溜好推

遮瑕度高, 感覺滋潤唔會乾, 因為內含天然保濕成分澳洲堅果籽油, 有豐富嘅不飽和脂肪酸-棕櫚油酸, 與人類肌膚皮脂非常相似, 容易被皮膚吸收, 為皮膚形成油脂保護層; 當中嘅大量抗氧化物, 可滲透深層肌膚, 提供所需營養，強效滋潤、保保濕，延緩肌膚老化

於已塗高清亮采水潤妝前打底霜嘅面上，用粉樸或濕粉掃均勻塗抹於全臉&頸部.

膚色得到調節, 遮瑕度相當好,  痘印唔再顯眼, 但完全唔厚重, 感覺貼服而透薄, 皮膚望落滑不溜手, 令妝容素肌般無瑕

係濕度低嘅冬天, 肌膚去到下午都無任何繃緊嘅乾燥感, 整個妝容去到夜晚都無乜脫妝, 只係T字位出油而已(個人膚質問題)

第一次用CYBER COLORS嘅底妝產品, 估唔到效果咁好, 價位只係$250以下,絕對值得入手~

##莎莎SASA獨賣