作為韓國最大化妝品集團Amore Pacific旗下重點品牌之一嘅Innisfree, 以濟州自然美&綠色生活概念為本，致力研發天然成分同濟州自然優勢護膚產品，為用家提供最天然呵護。就算係彩妝產品, 亦堅持將濟州島嘅純淨天然護膚素材融入其中，讓大眾由裡到外享受與眾不同嘅護膚彩妝體驗.
近日就有幸出席新品介紹會, 主題就係 Get it Glow , 充分代表左均淨水凝嘅底妝, 肌膚透現光采，展露健康亮澤肌就係潮流美妝達人嘅ICON.
今季Innisfree嘅彩妝焦點除左集中裸妝必備嘅皇牌氣墊粉底而推出嘅Water Glow Cushion水凝亮澤氣墊粉底外, 亦推出全新系列必備妝物－Mineral Single Shadow天然礦物質亮彩眼影
及Real Fluid Rouge心動光感唇釉，打造光澤自然嘅韓式時尚妝容. 少女時代嘅潤娥已經擔任innisfree 嘅代言人多年, 新品當然非佢莫屬啦.
由韓國過嚟嘅Innisfree 市場經理, 為我地介紹皇牌系列新品 - Water Glow Cushion水凝亮澤氣墊粉底.
基本上韓國女性一人最少起碼有2-3個氣墊粉底, 市場佔有率高,而且快速增長.
同一般氣墊粉餅唔同，Water Glow Cushion蘊含
★100%濟州島有機鮮榨綠茶水 – 美白抗氧化。
★專利水潤亮肌複合物 (Water Glow Complex) - 高度保濕及長效鎖水，鎮靜並滋潤因受外在環境侵害嘅皮膚。
★獨有水分子包裹技術 (Moisture-coating technology) - 能即時平滑肌膚，透出光澤，妝容均淨亮麗。
之後就有請同樣由韓國遠道而來, 獲邀成為Innisfree首席化妝總監嘅著名彩妝大師禹鉉增 (Woo Hyun Jeung, Grace)為我地示範最新韓式時尚妝容. 禹鉉增老師本身係Merci 行政總裁,
擁有厲害嘅化妝技術及獨特藝術觸覺,同過唔少著名電影及電視劇演員合作, 亦經常獲邀擔任韓國No.1人氣美妝電視節目嘅專家嘉賓， 好似「Get It Beauty」以及「拜託了化妝枱」等。
更活躍於廣告拍攝及雜誌專欄寫作，曾出版彩妝書 《Woo Hyun-Jeung, Illuminate the color of face, merci》，分享對彩妝色彩學嘅獨到心得。
韓國女性化妝前都會搽上足夠嘅保濕滋潤面霜 - 100%鮮榨綠茶製造的綠茶籽精萃水份精華面霜Green Tea Seed Cream, 確保皮膚唔會乾, 夠水盈潤澤.
然後塗上Mineral make up base礦物質妝前乳,令皮膚更平滑,易上妝. 有瑕疵嘅話可以先遮瑕.
之後以按壓形式印上Water Glow Cushion水凝亮澤氣墊粉底.
如果想輪廓更突出,就係T字位,顴骨位再印多次.
禹鉉增老師仲幫MODEL搽上Eco flower tint balm生機花妍炫彩脣膏, 滋潤而帶淡粉色.
仲可以當胭脂架, 白裡透紅FEEL.
掃上No sebum mineral pact礦物質控油粉餅定妝.
到眼妝, 新出嘅Mineral Single Shadow天然礦物質亮彩眼影有分Matt啞光色調(10色), Shimmer亮彩色調(10色), Glitter閃爍色調(10色).
都係EARTH TONE, 好啱亞洲/東方人, 可以打造出較立體嘅眼形輪廓.
方便易用嘅自動削尖眼線筆.
畫上稍稍下垂嘅眼線, 令妝容有點楚楚可憐FEEL.
塗埋Skinny Microcara纖巧精細睫毛膏, 下睫毛都輕易搞掂,睫毛變得自然濃密.
用Eco eyebrow pencil生機扁平自動眉筆修飾眉形.
於顴骨位掃上淡淡Mineral blusher自然礦物質腮紅(胭脂),用左2種顏色 - 淡橙色 及 淡粉紅色 .
光澤底妝完成, 配襯光感唇妝係今季彩妝重點，老師幫MODEL搽上品牌首個唇釉系列－全新Real Fluid Rouge 心動光感唇釉.
含微細球形顏色粉末, 可以填補唇部細紋, 令唇色更顯現；
配方以高效補濕嘅山茶花油 + 維他命E滿滿嘅葵花籽蠟相結合，讓雙唇柔軟,持久亮澤.啫喱質感締造飽滿盈潤櫻唇，一支唇釉就做到盈潤唇色，修護雙唇功效，妝效獨特。
共10 款色調, 顯色度高,展現出不同浪漫色彩.
甜美韓式妝容完成.
除左彩妝外, 仲有2大系到嘅冬季滋潤護膚品:
行氣活血, 暖身驅寒嘅Ginger Oil濟州生薑系列
抗老緊緻,加強配方而加推嘅Orchid寒蘭全效修護系列
面霜仲有唔同質地呵~
以上新產品好快就可以係Innisfree香港門市買到啦, 好令人期待呀.
##以上純屬個人意見&分享。產品及資料由品牌提供
沒有留言:
張貼留言