近日網絡上驚現一張相片,就係殿堂級歌手娜姐,係保養得宜嘅面龐下,出現左一雙阿婆手,成為熱話之餘,亦係一個警惕 - 唔想真實年齡被出賣,就應該要一年四季都好好保護手部皮膚,當然乾燥嘅冬天給予2倍嘅滋潤都唔過份.
係德國超過一百年歷史嘅 Herbacin小甘菊護手霜,已然去到第三代,世界各地都可以見到佢嘅蹤影,而且價位親民,相信唔少人都用過,甚至係由細用到大.最近就推出左新嘅包裝,經典護手霜嘅新look就係咁嘅.
內含三種有效成分︰
1.德國洋甘菊 - 舒緩細嫩肌膚;
2.植物甘油 - 保濕之餘保持肌膚彈性;
3.矽複合物 - 係皮膚表面形成保護屏障,好似隱形手套咁保護雙手.
以錫紙封口.
質地唔會太傑身,觸感軟滑.
易推開, 吸收快, 夠滋潤, 最啱想潤又怕"笠"嘅人用.
洗完手都仲覺得有滋潤感.
全系列產品以天然洋甘菊精華為基底,加上植物甘油及甜沒藥,不含 Paraben防腐劑、 礦物油、人工色素、動物副產品,所有肌膚都啱用.
我自己就用開20ml罐裝(舊包裝),帶出街好方便.
@@萬寧、屈臣氏、莎莎、Wishh、MARKETPLACE、ThreeSixty、LOG-ON、HKTVmall、千色店有售。
##以上純屬個人意見&分享。產品及資料由品牌提供
沒有留言:
張貼留言