終於嚟到初夏,期待左成年嘅水上活動好快就要展開~ 係夏天毒辣嘅陽光下,
無論係水上定其他戶外活動,都要特別注重防曬,如果唔係好易玩完一日就變左紅卜卜嘅"燒豬",之後皮膚變乾,脫皮,仲更難受.不過對於成日出海玩水嘅我嚟講,最怕防曬產品油膩黏笠,唔單止感覺會污染海洋,而且仲好似令皮膚抖唔到氣咁,加上汗水同海水會削弱防曬能力;如果係較清爽類型,通常都偏乾,再被猛烈陽光曬過,皮膚就會乾上加乾,所以對戶外用防曬一向都好有要求.
專注於發掘美麗,分享美麗嘅日本殿堂級護膚美妝品牌SHISEIDO就深明防曬要全天候乾爽,同時抗斑、抗乾,預防對日曬對皮膚造成傷害嘅重要性,今個夏天就推出左全球首創
WetForce防曬技術,接觸水分或汗水後,防曬效能全面提升嘅全新SHISEIDO Perfect UV Protector
HydroFresh 水感基底配方, 面同身都全面保護到,仲唔怕愈塗愈乾.
藍色嘅包裝同夏日嘅藍天/海洋超襯.
內附說明書. 用前先搖勻.
白色嘅透薄水感嘅乳液質地.
好易推開, 感覺好薄, 全無黏膩感.
轉眼就吸收左, 皮膚清爽而保濕,完全無白痕留低.
獨家SuperVeil-UV
360™技術,防禦紫外線A、B,保護肌膚,減少光老化造成的歲月痕跡。揉合複合物成分Profense
CEL™,有效抑制酵素活動、細胞及DNA傷害,防止皺紋及色斑形成。另外蘊含Thiotaurine及蒲桃葉精華, 抗氧化防止肌膚衰老,
係物理性同化學性兼備嘅防曬.
即使塗係會出油嘅面部.
都完全無負擔.
皮膚感覺仲滑左,明亮左,又略帶柔潤感.
可用作妝前底霜,令粉底更順滑塗抹、粧效更持久。
經皮膚科及眼科專家敏感程度測試, 通過體外肌膚測試,唔會堵塞毛孔。
防水又得唔得呢? 一試就知.
手背上嘅水好似跣開左咁,無點停留係皮膚上.
眨下眼D水就乾左90%, 堅防水噃.
高度防水,防汗,啱哂鍾意戶外活動嘅人呀, 水陸兩用都得, 今個夏天唔怕黑~
##以上純屬個人意見&分享。產品及資料由品牌提供
沒有留言:
張貼留言