隱形小手套,護手之瑰寶

近日氣溫雖下降左,尚未去到涼爽嘅程度,唔太似秋天,唯獨大幅度下跌嘅濕度,就帶出秋冬嘅氣息-乾燥.每次洗手過後,雙手嘅乾燥感都特別明顯,夏天用緊比較清爽嘅護手乳液,係時候退位讓賢,換上更滋潤嘅手霜啦~


1905 年創立嚟自德國有過百年歷史嘅 Herbacin小甘菊護手霜, 已經去到第三代,好多地方/國家都可以買到,價位親民,唔少人可能係由細用到大添. 當中最為人熟悉嘅必定係綠色嘅經典配方護手霜,今年仲推出左全新配方嘅深層滋潤乳霜.




一綠一紅好COLOURFUL

傳統經典配方護手霜內含三種有效成分︰
1.有機德國洋甘菊 - 舒緩細嫩肌膚；
2.植物甘油 - 保濕之餘保持肌膚彈性；
3.矽複合物 - 係皮膚表面形成保護屏障,好似隱形手套咁保護雙手.




質地唔會太傑身,觸感軟滑.



易推開, 吸收快, 夠滋潤, 最啱想潤又怕"笠"嘅人用.




洗完手都仲覺得有滋潤感.



小甘菊深層滋潤乳霜除左含有有機洋甘菊之外.

仲加上植物萃取甘油,蘆薈及維他命E,舒緩刺激、補充水份、為肌膚提供額外保護及增強彈性，保持皮膚水嫩飽滿。



低香料配方全身適用，對身體特別乾燥之部位（手肘、膝蓋、腳踝等）效果更明顯.



質地同傳統經典配方護手霜相若.



同樣好搽又快吸收,香氣相對稍微淡DD,用完雙手滑返哂.



全系列產品以天然洋甘菊精華為基底，加上植物甘油及甜沒藥，不含 Paraben防腐劑、 礦物油、人工色素、動物副產品，所有肌膚都啱用.

仲有唔同容量SIZE任君選擇,非常貼心.
@@萬寧、屈臣氏、莎莎、Wishh、MARKETPLACE、ThreeSixty、LOG-ON、HKTVmall、千色店有售。

##以上純屬個人意見&分享。產品及資料由品牌提供