護髮都要抗氧化,真空最保鮮 @ Rêveur Fraîcheur

愛美嘅人都知道氧化係令皮膚變老嘅成因之一,要對抗絕不容易,唔少嘅護膚品/洗護產品,甚至食品等等都會加入防腐劑&抗氧化劑, 實際上對人體唔見得有咩益處, 要令產品長期保持新鮮唔氧化變質, 難度極高.

由護膚概念而誕生嘅超人氣日本洗護品牌Rêveur就成功研發出世界首創嘅專利- 【真空抗氧化容器】技術,帶嚟嶄新嘅Rêveur Fraîcheur系列, 將產品中嘅美髮成份同氧氣完全隔絕,保持成份新鮮度同品質,用到最後一滴都唔會變質.



最近就有機會用到Rêveur Fraîcheur中嘅保濕系列, 包裝仲係最鍾意嘅紫色呵~~~~



真空包裝嘅洗護產品真係第一次見,用之前先進行極簡單組裝.(圖文並茂架)



先撕開貼紙,將成包洗髮露套入紫色膠框架中,



再插入專用泵頭, 將泵頭向右扭穩固定,再向左扭令泵咀彈起, 用得啦!



護髮膜都係一樣嘅做法, 準備好就去洗頭啦.


成日染搞到髮絲勁乾又散亂.



擠出透明無色素添加嘅無矽洗髮露.



新鮮花香撲鼻而嚟,係最鍾意嘅玫瑰香氣,因為加入左玫瑰精油同含羞草精油.



Rêveur Fraîcheur保濕系列特別加入左獨有嘅玫瑰果油、葡萄種子油, 以及 米糠油、猴麵包樹種子油、摩洛哥堅果油, 五大珍貴美髮精油成份有成1%架.另外仲加入左天然花蜜, 維他命原B5,浸透性氨基酸,保持頭髮滋潤之餘,修護受損頭髮,帶嚟光澤,幫頭髮KEEP住靚.

加水輕搓就起到豐富嘅泡沫, 所有嘅洗髮露均為「無矽」，洗髮過程無矽阻隔，污垢、油脂得以徹底被清除.

洗完頭過水, 感覺頭皮清爽乾淨而唔乾燥,水潤感明顯.

之後用埋專為頭皮護理而設嘅護髮膜.



白色LIGHT CREAM狀, 無平時一般嘅髮膜咁傑身.



更易塗抹,髮絲吸收都好似快D咁, 過水後順滑非常.


髮絲都變得光澤順滑易梳理, 之前嘅乾燥感無哂, 仲香噴噴,香水都唔使噴~


##以上純屬個人意見&分享。產品及資料由品牌提供

**Welcome to contact : summerpigpigworld@gmail.com