年輕特質, 一瓶擁有 - LANCÔME Advanced Génifique

古語有云: 功欲善其事, 必先利其器; 所以用優質嘅護膚品之前, 就應該先將基本功做好, 洗面/爽膚水後, 以前嘅步驟就會係搽精華素 或 面霜, 近年市面上就出現左一款產品, 用於爽膚後, 精華素/面霜前, 就係 - 肌底液. 象徵現代美妝精神, 以向全世界推廣法式風格與品味為目標嘅法國品牌LANCÔME, 努力研發出嫩肌活膚系列(Génifique), 引發喚醒自我肌膚嘅修復潛能, 擁有抗衰老市場領導品牌地位. 當中嘅 Génifique 精華肌底液自推出以嚟都人廣受歡迎,有小黑瓶之稱,之後更再進化,成為 Advanced Génifique 升級版嫩肌活膚精華.




依舊係高貴嘅黑色包裝



打開紙盒, 有使用提示呵, 向右旋轉, 聽到"CLARK"一聲就代表READY~



Advanced Génifique 升級版嫩肌活膚精華嘅與眾不同, 係在於由革命性「青春源生科技」配方，配合7款專利成份，一滴注入多近40%活性成分,提升基因活動力， 為肌膚深層滋養, 打好個底, 令肌膚青春再現, 全效提升10大年輕特質：撫平細紋、減少皺紋、提升光澤、增加透徹度、提高均稱度、改善質感、提高彈性、增加飽滿度、提高緊致度及提升輪廓, 呢d都係歸功於成份中嘅奧秘 - Saccharomyces Cerevisiae 酵母萃取.



按壓式滴管設計, 分量更好控制, 頂端仲有LANCÔME嘅花形LOGO.



Advanced Génifique 升級版嫩肌活膚精華質地比水稍稍傑身DD



展延性非常好, 轉眼吸收哂, 清爽唔"笠"



乾燥皮膚, 紋理初現,唉..



完成左基本護理後, 全面抺上LANCÔME Advanced Génifique 升級版嫩肌活膚精華.



以按摩手勢塗搽, 增加LIFTING效果



皮膚得到保濕, 毛孔都細左DD, 之後用返平日用開嘅護膚品, 吸收真係比平時快左.



第二日起身, 皮膚變得滑不溜手, 用左一星期已經感覺到皮膚嘅緊緻, 而且後續使用嘅產品功效都得到更好嘅發揮, 皮膚變得通透明亮, 紋理都淡左呢~

##以上純屬個人意見&分享。產品及資料由品牌提供