我又嚟凹下先@眉粉篇

近日各sis 都好勤力咁分享用到見到鐵片君嘅產品, 等我都嚟share下先
對於我嚟講, 護膚品用到見底唔出奇,反而化妝品比較少,因為我平日唔化妝,多數去街嗰陣先會化下
只有睫毛液同眉粉係每日都會用嘅"必需品"~所以用到見到鐵片君啦, 呵呵
呢款眉粉唔係咩大牌子, 而係.....吉豬島$10店嘅出品嚟...


質素一d都唔差, 顯色度高,唔使用好多已經有色,我仲試過用佢嚟做眼影,一樣無問題

我買嘅係啡色系,佢另外有灰色系, 不過唔係成日見到, 試過成半年有多唔見佢有貨, 所以有次見到佢返左貨, 即刻入多盒做後備



一貫日牌妝物嘅風格, 有圖示如何使用

Beautylife X MIRUKU甲油印花試用活動

好高興有份參加Beautylife X MIRUKU甲油印花試用活動. Thanks~

雖然未有機會被抽中出席美甲班, 但機緣巧合, 可以嚟個現場直擊~

有份出席嘅sis都早有準備, 帶左好多私伙靚靚甲油去添, 我仲第一次見識到甲油吹風機呵~真係大開眼界(大鄉里喲)
美甲班的教學分左幾部份, 包括左印花, 法式指甲, 貼石及漸變色甲油

印花教學

法式指甲教學


由於時間關係, 現場直擊只能夠去到法式指甲部份..
之前係 Forum 已經成日見到有唔同嘅分享,覺得各sis整得又有心機, 又靚, 已經有入手嘅打算
依家終於有機會試喇...其實我係首次真正接觸甲油印花, 所以係美甲班現場直擊都落足眼力同耳力去偷師,學嘢嘛~
今次甲油印花試用套裝SET T包括左 2支彩繪漆(黑色+白色 各5ml)+ 透明top coat + 印仔+刮刀+圖案版( M36 ) , 出品當然係KONAD啦~另外仲可以自選1款彩繪漆 & 2款圖案版, 我就揀左彩繪漆NO.17 嘅 Pearl Purple 珍珠紫, 圖案版就揀左M13同M16


先嚟睇下套裝

套裝入面嘅M36都係我之前睇中, 再慢慢挑選嘅, 不過最後無被選中, 估唔到MIRUKU俾我嘅SET入面居然係佢嚟...好鍾意個玫瑰花呵...
M36試印

彩繪漆NO.17 嘅 Pearl Purple 珍珠紫

自選2款圖案版 M13+M16

M13 - Halloween系列

本來有諗過揀M10 or M11嘅,但又好似太卡通, 呢款M13, 搞鬼得嚟又未至於好卡通, 遲D到Halloween又可以應下節, 一舉兩得,又有我鍾意嘅玫瑰花
M16 - 多類型

圖案有唔同類型, 比較多元化
本來好多d花花圖案都好靚. 不過真係花多眼亂, 唔知點揀好, 所以最後無揀到...
M65又係有靚靚玫瑰花..不過其他嘅印花圖案偏大, 我D指甲唔算大, 無揀到. 不過係美甲班見到有sis印左, 好令呀...後悔無要佢呀...
初初印真係有d手忙腳亂,有d印都出哂界...真係獻醜了...不過又幾好玩...睇嚟要整多d, 實行工多藝熟先得

天生不是寶貝-Precious

依然係she.com, 又係優先場, 今次地點都係 又一城~ (夠近,呵~)



官方簡介
###########################################################
 監製 : 奧花雲費(Oprah Winfrey)
導演︰ 李丹尼爾斯 (Lee Daniels)
演員： 瑪麗嘉兒 (Mariah Carey)、嘉碧絲狄比(Gabourey Sidibe)
網頁： http://www.weareallprecious.com/

故事環繞80 年代紐約一名黑人少女的悲慘經歷，揭示發人深省的社會悲劇。

16 歲患有肥胖症的寶寶生於哈林區一個問題家庭，她自幼受到獸父一次又一次強姦，如今第二度懷有孽種，
但其母親瑪莉不單坐視不理，更日夜對寶寶施以肉體及精神虐待，視她如奴隸般看待。學校雖然品流複雜，
但寶寶憑不俗的成績升上第九班，不過她一直向旁人隱藏著重大秘密︰她是一個目不識丁的文盲。

坎坷命途並未磨滅寶寶的鬥志，她深信有天會脫離地獄般的苦海。
由於懷孕被趕出校，寶寶在校長的轉介下入讀特殊學校，
雖然前路茫茫，但直覺告訴她這是等待已久的重生機遇。

在愛心爆棚的女教師Ms. Rain 以及社工Mrs. Weiss 的循循善誘下，
寶寶於讀寫班重頭學起ABC，走出黑暗悲苦，領會人生的光明、友愛與自信。
###########################################################

呢套戲係改編自女作家Sapphire暢銷小說《Push》, 得到本屆金球獎多項提名及贏得最佳女配角

套戲其實都幾 sad...當中有好幾幕嘅黑色幽默, 全部係嚟自女主角嘅幻想...

好奇怪地女主角阿媽勁爆粗, 可能係要突人物性格, 劇情先會合情理 ?!

其實去到最後, 結局雖然好似講到女主角的人生已經係轉變左,

但無交代到最終係點, 會唔會又係另一個社會悲劇嘅開始?! (個人比較悲觀 )

♫♪♫ 同場加影, 戲院留左2排座位俾VIP, 見到 藍亦邦, at 17 嘅林二汶, 仲有電影人張同祖~

「麥」「麥」食午餐聚會

好開心俾the Ztyle抽中,可以參加桂格燕麥飯 — 豐衣足食開年飯！‏名廚周中 X Blogger「麥」「麥」食午餐聚會,仲可以見到近日人氣強勁嘅大佬B~

開飯嘅地點係留家廚房 (由著名私房菜創始人之一劉健威經營,黃色門廚房的姊妹店,被米 芝 蓮 香 港 澳 門 2010 飲 食 指 南 推 介 為 物 有 所 值 的 美 食 餐 廳 .

首次踏足呢度,感覺別緻,好有藝術氣息,足見劉健威先生的品味

康有為的字(漏影左曾灶財嗰d字 =.=)

先嚟睇下周中師傅同工作人員預備的情況

桂格的PR一早已經SET好哂D坐位,預留左一張枱俾The Ztyle 嘅blogger

我嘅名牌呵..

注重健康嘅朋友仔, 應該都知道燕麥本身好有益, 有助降低膽固醇, 加上燕麥的纖維含量高, 增加飽肚感之所餘又令腸道更加健康, 可以話係減肥佳品.
之前公司有位男同事, 真係朝朝早餐食一大杯杰到好似糊仔一樣嘅即食燕麥片...大約3個月左右, 見住佢由肥變fit, (當然佢應該有做埋運動), 真係唔可以唔佩服佢..
事關嗰"pat糊仔"只係用熱水開. 咩都無加, 望落極寡. 我呢d扮後生嘅真係食唔落.
雖然阿媽間中都會整有味嘅麥皮, 但吸引力始終差d....
唔通桂格知道我呢d扮後生嘅對麥皮興趣缺缺, 所以推出新產品?! (誤: 根本無可能, 諗大左)...
今日飯聚的主角係桂格嘅鄐產品 - 燕麥飯

如果有留意電視廣告嘅話, 可能已經有聽過佢個名..引用桂格官方的資料:
**********************************************************************************************************************************
桂格燕麥飯成份主要為全穀燕麥及營養鈣粒。與白米一同烹調,能提供豐富膳食纖維,有助腸道健康。
每100克桂格燕麥飯含3.3克水溶性纖維;每日攝取3克燕麥水溶性纖維,作為低飽和脂肪低膽固醇膳食的一部分,有助於促進心臟健康。
添加營養鈣粒,鈣質有助於骨骼及牙齒健康。再加上燕麥飯不含膽固醇及反式脂肪,不添加糖、鹽和防腐劑,是健康方便的天然選擇。
桂格燕麥飯含有豐富的複合碳水化合物及膳食纖維。
高纖維膳食有助提升飽感;根據世界衛生組織建議,同時配合控制熱量的飲食和定期運動 ,有助減低增重及肥胖風險。
**********************************************************************************************************************************
將燕麥加入同白米一齊煮, 同平時食飯一樣, 又可以健康d, 的確係一個好主意...
周師傅會即場示範煮兩道以桂格燕麥飯為主角的賀年菜色, 係佢示範之前, 桂格嘅PR 好貼心咁叫侍應先上前菜, 等我地有D嘢落肚先~
睇下今餐有咩食先 - 菜單如下 (之後再逐樣慢慢講)

由靚靚嘅MC Winnie介紹周師傅出場

佢仲幫手煮下飯添...

周師傅示範煮嘅第一道菜 - 五穀豐收
 
即係什菜炒桂格燕麥飯.材料全部都係蔬菜, 例如係甘筍,粟米, 番茄等切粒(可自行更改配料及加減份量), 泡熟之後瀝乾水份, 先將煮好左嘅飯(燕麥飯+白米)加調味料炒到乾身, 之後再放入材料一齊炒, 完成.


如果大年初一要食素嘅朋友, 呢款菜色都係一個幾好嘅選擇,望落顏色鮮艷,胃口都好d, 小朋友見到都唔會因為無肉而唔肯食

其間周師傅邀請左其中一位blogger 出去幫手, 呢位 blogger 煮的有板有眼喎..
再嚟就係第二道菜 - 風生水起

即係火腿蔬菜桂格燕麥泡飯. 呢個比第一道菜仲要簡單,都係將材料(唔再詳述,可自行更改配料及加減份量) 切粒, 之後用上湯煮熟, 再放入煮好嘅飯(燕麥飯+白米),搞掂

周師傅同樣邀請左一位blogger 出去幫手, 不過今次就周師傅煮多

同樣係色彩繽紛呢~
師傅一邊煮, d香味就一路飄散,搞到我地更加肚餓
好嘞, 終於到我地有得食喇...
前菜
煎釀燕麥龍牙豆

(以 桂格即食燕麥片+桂格燕麥糠 入饌)
呢個上文提到, 已經食左

老火湯
清補涼燕麥煲豬

(以 桂格原片大燕麥入饌)
主菜
燕麥京酥鴨


(以 桂格快熟燕麥片入饌)
燕麥野山椒肉碎蝦米扒鮮淮山

(以 桂格即食燕麥片 入饌)
菜單上無提及, 額外嘅一道菜
燕麥柚皮


(以 桂格燕麥糠 入饌)
留家燕麥湯丸(咸食嚟喎)

(以 桂格即食燕麥片+桂格燕麥糠 入饌)
荷葉燕麥飯 

(以 桂格燕麥飯入饌)
燕麥粥+燕麥飯

(以 桂格燕麥飯入饌)
甜品
燕麥金桂糕

(以 桂格原片大燕麥入饌)
因為全部都有燕麥 或者以燕麥飯為主, 所以食到扒鮮淮山已經有6,7成飽,不過真係整得好好味,所以都繼續食, 份量減d,食到甜品為止
係食緊其間,留家廚房嘅老闆劉健威同佢個仔嚟左喎,應該係嚟睇下活動,同探下周師傅喇...

今次嘅聚會可以話係捧腹+滿載而歸, 因為大會竟然安排左外帶嘅炒飯~
南瓜盅燕麥炒飯

(桂格燕麥飯)
除此之外,仲有1包桂格燕麥飯+桂格燕麥的食譜+桂格燕麥賀年食譜+利是封俾我地帶走,真係過肥年呢~

唯一美中不足嘅係, 外帶嘅炒飯只係用膠袋裝走, 如果係一個盒, 就完美lu~

P.S.依家阿媽每餐煮飯都會加入桂格燕麥飯,食落甜甜地,煙煙韌韌咁,腸胃真係好左,真係唔係講笑