好開心抽中SASA舉行嘅試用,今次試用嘅係Sasatinnie鮮果系列 - 水蜜桃角質更新凝膠,SASA仲好貼心咁將產品直接送到試用者手上,值得贊賞呵~
包到實一實架..唔怕係運送途中整爛
外形好可愛呵…用完都可以留返嚟當儲物盒, 一物2用~
而且仲附上產品介紹及使用說明
講明係角質更新凝膠, 咁就當然係用嚟去角質死皮啦, 呢類型嘅產品近年相繼流行,一般都比以往嘅磨沙產品溫和,但又可以去除老化角質,相當適合敏感皮膚使用, 就好似擦紙膠咁,將皮膚表面嘅角質死皮溫和地推走 呢款水蜜桃角質更新凝膠,成份加入左水蜜桃精華,另外有美白功效嘅熊果素,仲有消炎嘅金縷梅,茶樹精華.
功效方面, 除左可以溫和去除老化角質,可以改善膚色暗啞,仲有收細毛孔同令肌膚白晢通透之效
打開睇睇先..
依家就嚟睇下試用效果如何喇..
先試上手..
推開之後就會有D好似擦膠碎咁嘅物質出左嚟…
過水之後….有用角質更新凝膠的位置白左少少,可惜相機影唔到個分別出嚟…
再睇下試上面嘅效果啦…
未用角質更新凝膠之前嘅皮膚狀態:
使用中…
用少少濕,面乾薄薄地搽一層,之後再輕輕按摩全面,當然係避開唇眼位置啦,最後用清水洗乾淨.
同樣地,係按摩嘅時候,都會將角質死皮捽左出嚟, 變左好似擦膠碎咁…
用完之後, 皮膚狀態係咁嘅..
望落有少少白左咁.應該係話d黃氣去左少少…感覺皮膚滑左乾淨左,又唔會乾…
質感都幾滑,(同磨沙比較), 感覺幾得意..而且係濕濕地嘅,唔似有D牌子好乾身...
而且又真係好香水蜜桃味喎…香味都幾好聞..唔會好假…
收毛孔的功效就暫時未見到,始終唔係一朝一夕嘅事, 係長期戰鬥嚟呢…
呢個牌子仲有面膜同保濕凝膠,價錢都係$98, 遲D入手試埋先~(又可以儲多2個靚盒)
沒有留言:
張貼留言