要多謝BEAUTY LIFE, 同埋將呢款產品由新加坡引入香港嘅成晉貿易公司.
嗰日趁lunch有時間,就過去攞產品, 上到去JACKIE好NICE咁招呼,仲有位黃生好詳細咁介紹呢款三益粥嘅由來同食法.
佢地公司本身係做護膚產品嘅,係機緣巧合下,遇到寶然鮮三益粥,係攞代理權之前,佢地搵"三高"人士(高血壓,高血脂,高血糖)試食,feedback都係話效果明顯,加上係新加坡製造嘅,質量有保證,所以就決定爭取港澳代理權,將佢引入香港嘞.
咁佢係咩樣嘅呢?!多角度睇下
一盒有12小包
咁究竟點"三益"法呢? 原來係因為呢款粥的主要成份係:亞麻籽,葡萄籽,燕麥, 另外仲有魔芋
簡單講下佢地有咩好,資料係網絡度都好易搵到
亞麻籽:含豐富的 Omega 3(唔使多講,奶粉廣告成日提到),纖維,鉀等原素.主要係幫助降低膽固醇同三酸甘油脂,加強皮膚修復能力
葡萄籽:主要係原花青素,具抗氧化和自由基清除能力
燕麥:有豐富水溶性纖維,對心血管及腸道有益(靠某大牌子的產品宣傳已可知道)
魔芋:即係蒟蒻,含有豐富纖維,熱量低,吸水力強，容易產生飽肚感
呢幾種成份的確係對身體有益喎,仲有助減肥添呀,因為魔芋容易產生飽肚感,又幫助排走宿便,所以三益粥唔單止可以做早餐,亦可以作為代餐呢
呢款粥唔止有"三益", 而且有"四無", 就係無色素,無調味料,無加糖,無防腐劑/添加劑,食用者可以自行調味,就算素食或糖尿病患者都可以食用
食法方面呢,包裝上面圖文並茂,中英對照咁介紹左
黃生依然好仔細咁講解,三益粥本身係無味嘅,所以可以按個人口味加調味料,鹹食或者甜食都得,而且唔一定要用水開,可以用牛奶,豆奶/豆漿,果汁都可以,而且冷熱都可以開到,依家天氣咁熱,可以用冷水開,唔使"熱辣辣"咁食,真係爽呀~
倒落碗度睇下
close up 睇下係點嘅,主要見到嘅都係燕麥,其他成份應該係粉狀呵?!
再用另一個大碗叮熱左D豆漿,(個碗最好預大D,因為方便攪拌),逐少逐少放落豆漿度,一邊慢慢攪拌,直至攪勻為止
如果想要"傑"D,可以由佢擺係度大約5分鐘,或者蓋住2分鐘,就會變到好似糊仔咁架啦(魔芋發揮作用呢,吸水吸水再變"傑")
另外亦試過用凍嘅豆漿去開,一樣嘅分量,開出嚟嘅粥比較稀D,就擺係度5分鐘,都只係"傑"左少少,但去唔到糊仔嘅質地,如果鍾意食"傑"D,熱開會好d
食落感覺就似加左麥片的粥咁,滑d
而飽肚感呢, 就真係好堅下喎,因為有一晚懶啦,唔想煮嘢食,又食杯面食到怕,橫掂呢款三益粥可以做代餐,咁就沖左包嚟做晚餐,點知到去瞓覺都仲覺得飽飽地喎..真係唔講得笑~
so far 我唔係肥,亦唔係"三高"人士,食左一個星期, 暫時體重無大變動,不過去便便比之前更加舒暢,可能身體排走左更多的廢物,自由基清除能力又強左,個人感覺輕型左咁,幾爽呵..
呢款三益粥係藥房有得買,$130一盒12包,作為健康食品又或者早餐代餐(方便易整,啱哂d懶人)嚟講,價錢都算合理,有興趣嘅真係可以一試呵....
又或者買嚟俾長輩去保健一下,都係一個唔錯嘅選擇呢~
另外佢地仲送左 $100現金券, 可以要嚟買護膚產品哦..
沒有留言:
張貼留言