假睫毛達人為你解疑難

你有用假睫毛嘅習慣嗎? 會唔會遇到唔同嘅問題而最後放棄左, 唔再用?

台灣嘅女生貼假睫毛都好厲害,(有睇開佢地嘅blog都一定會知道),但睇blog點都唔似得親身示範咁精彩,多得ENID台灣美妝專門店,今次有機會可以現場向台灣假睫毛達人學習一下~

是次出席嘅係ENID台灣美妝專門店 X Blogger's Nite活動加開嘅日場(係11月26日下午呵~) 將我對貼假睫毛嘅疑難逐一解開


活動係銅鑼灣嘅ENID台灣美妝專門店新店舉行, 地方比舊鋪大1倍呢..而且引入左更多台灣品牌, 日後買嘢又多d選擇嘍


今次活動主題係假睫毛, 所以相關嘅用品已經一早準備好

先由ENID嘅採購人員介紹台灣假睫毛達人 - 魚妞(小魚)出場

魚妞(小魚)係台灣嘅人氣BLOGGER 之一, 對於貼假睫毛有相當嘅心得, 係台灣曾辦多次嘅小型貼假睫毛教學活動.

魚妞(小魚)先了解我地對貼假睫毛有咩問題, 一般都係頭尾貼得唔實, 會翹起(我都俾呢個情況困擾左好耐)

之後就逐一介紹唔同假睫毛嘅分別

原來戴公主李之所以咁自然同舒服,係因為佢全條都係用人手挷出嚟嘅,而且用嘅係加工過嘅棉線,梗部比較軟, 就算用清潔液浸洗都OK.

返而有D牌子嘅假睫毛(特別係濃密款), 係以機器熱溶加工嘅,梗部比較硬, 用清潔液浸泡會有機會鬆開壞掉

魚妞(小魚)仲去過製造假睫毛嘅工場了解過呢..

另外講解左貼假睫毛嘅膠水同小工具嘅用法

假睫毛嘅膠水應該係先"吱"係手度,再用梗部去沾膠水, 而唔係將膠水直接"吱"落梗部, 咁樣可以避免外面半乾, 裡面仲濕嘅情況

小工具就有

1.輔助器

將整排假睫毛夾住, 再度眼形, 唔啱位再調教到啱先沾膠水貼上眼

2.扁口夾

前端係小小彎有弧度, 方便夾住假睫毛直接貼,又或者係一小段嘅下假睫毛, 比起用手更順心

另外就係貼假睫毛前, 一定要將佢用手屈曲成一定嘅弧度, 否則就好易還原直左, 自然就貼得唔靚. 頭尾又會易翹起

之後由其中一位blogger 為大家做model示範, 除左學到平時都知道d嘅知識, eg:要跟返自己眼形剪裁合適嘅長度之餘

仲學會原來手勢都會影響假睫毛貼唔貼得夠翹, 唔會"dup". 就係攞住假睫毛貼上眼嗰陣拇指係要向上架..

而下假睫毛就剪開分幾小段貼會比較自然&容易, 但就要連住貼

model 貼假睫毛前後真係幾大分別呢..眼仔bling bling sharp左好多~

咁啱原來是日係魚妞(小魚)嘅生日呵, ENID方面準備左蛋糕同佢慶祝, 出席嘅blogger 都一齊為佢唱生日歌呵..

同場ENID仲有7盒台灣靜宜大學獨家研製嘅面膜俾我地試用呀...可惜抽唔中...

不過都有以下禮物

盒powder 好靚~

多謝ENID 同魚妞(小魚), 真係學到好多嘢呵..跟住就要自己落手落腳練習多D先得喇..

魚妞嘅blog : http://www.wretch.cc/blog/fishs0586
Enid website: www.enid.com.hk