靚靚禮盒化靚妝, 手袋同時減減磅

女士們嘅手袋, 好多人都會偏向容量大嘅, 因為入面有好多唔同嘅物品, 但係化妝袋內都有唔少嘢, 個袋永遠都好鬼重. 為左減輕負擔, 迷你版嘅妝物就可以幫好大忙.
2013新年禮物-Cyber Colors Mini Make Up Kit & Collagen Essence Gloss, 可以為嚟緊嘅農曆新年同情人節打扮一番, 出街化妝補妝都非常輕便, 先謝過SASA

Cyber Colors Mini Make Up Kit 內有：絲滑透薄粉餅(BEIGE)、迷你捲翹睫毛膏(BLACK)、迷你柔滑唇膏(SUGAR ROSE)及迷你水漾唇彩(PINK)

Cyber Colors Collagen Essence Gloss 有2色 : 04 BRIGHT RED, 07 RETRO PINK

化妝當然要先打好個底啦, 絲滑透薄粉餅雖然SIZE細細, 但都附有鏡同粉卜, 好貼心

粉質柔滑

用粉卜沾取所需分量, 輕輕係全面印開

無點卡粉呵, 遮瑕度尚可 (我d咁深嘅痘印當然遮唔到幾多啦)

再到靈魂之窗, 眼~ 上圖可以睇到細眼有幾腫, 唔搽睫毛液真係會無理神氣

就算夾起d睫毛,眼仔依然無咩神

搽上Cyber Colors 迷你捲翹睫毛膏

掃頭唔會太大, 彎曲彈性設計, 長刷頭係梳形,可刷出纖長效果,短刷頭可營造濃密效果~

用後完全不結塊,根根分明且捲翹, 感覺輕盈唔厚重, 絕對唔會dup, 眼仔精靈哂

仲有就係咀仔, 唔可以乾到裂或者無血色, 唇膏唇彩就係必備

Mini Make Up Kit 內嘅迷你柔滑唇膏及迷你水漾唇彩, 同Collagen Essence Gloss, 顏色都適合節日

柔滑唇膏細細支, 放手袋完全唔佔位置, 觸感絲滑水潤, 唔乾澀, 顯色度不俗

Cyber Colors Collagen Essence Gloss蘊含豐富滋潤成份— 膠原蛋白精華, 高效發揮豐盈及保濕功效, 質感輕盈不黏”笠”, 配合超微細光亮珍珠微粒., 提升顯色度及光澤感

係乾唇搽上迷你水漾唇彩

原本粉橙色嘅唇彩, 塗上咀變成透明(其實係本身唇色深 =.=), 玻璃咀現身~ 真係好滋潤, 又唔會好”笠”

今個新年有左Cyber Colors Mini Make Up Kit, 除左可以化個靚妝

手袋仲可以多d空位, 要嚟裝其他嘢嘍~