第一次參加試用-GARNIER(實戰篇)

之前簡單咁介紹過Garnier水潤凝萃密集保濕精華及試用係手嘅情況之後,今次就講下用上面嘅感覺, 同埋朋友試用後嘅分享..
領取當日嘅天氣唔算凍及乾燥,晚上立即試用.

我嘅皮膚係混合性,T 字位較油,毛孔偏大
用嘅分量大約係花生大小, 已經夠搽均全面,薄薄地咁搽左一層, 即時嘅感覺係--好冰涼呵~~ 好似夏天將護膚品或面膜放入雪櫃之後再用咁, 精神為之一振..最啱係一早起身時用,可以"提神"呢~

花生大小嘅份量

洗完面後無用任何護膚品嘅狀態
保濕精華好快就吸收曬..

搽左保濕精華後嘅狀態...
好似有一層好透薄嘅保護膜係上面,就算唔即時搽上面霜,亦唔會覺得乾,唔知係咪因為感覺冰涼嘅關係,毛孔都好似細左咁,皮膚摸落覺得滑左,有水潤嘅感覺,再搽面霜,吸收亦比平快,時到第2日起身,面上油光減少左..當然keep住早晚使用, 睇下皮膚有無變化喇...
到左16/12,氣溫下跌,濕度大幅下降,平時返工到下午 3, 4 點,皮膚會因為濕度偏低而開始覺得乾燥和輕微泛紅(無化妝情況下), 但用左Garnier保濕精華之後,呢幾日即使濕度偏低,乾燥和輕微泛紅到差不多放工先出現.可見保濕功效都OK~如果可以再保濕D,令到乾燥和輕微泛紅 完全消失,就更加好嘞 !
用左個幾星期,去圖睇下最新嘅皮膚狀態(未用任何護膚品)

皮膚感覺滑左,有水潤感,毛孔細緻左少少之餘,即係塞住毛孔嘅油脂少左, 無之前咁黃~
呢個應該係有賴保濕精華含有維生素E,可以抗氧化,使皮膚變得白淨左, YEAH~~
講完自己, 就到朋友嘅試用感覺嘞
先介紹下今次同我一齊試用嘅朋友- KITTY~

佢係我嘅同事, 平時都鍾意試新嘢,我地會不時交換下情報,嘻嘻~
有同事話我地似樣喎, RECEPTION初初嚟嗰陣試過搞錯我地兩個

KITTY平時有化妝嘅習慣,係開始試用嘅頭幾日,有"吉吉地"嘅感覺,呢個係缺水之故呵..
我同佢講左原因之後, 佢就加多左用嘅份量,實行全面厚"full", 再加按摩,令吸收速度加快,等皮膚飲飽水,之後再無"吉吉地"嘅情況出現嘍~
同之前佢用過嘅8杯水精華比較,質感清爽好多,就算厚"full"完都唔使再過水,不過需要嘅份量比想像中多..
另外KITTY亦會將保濕精華作為妝前打底之用,再上底霜和粉底,妝容感覺較貼面,不過份量搽得太多嘅話,上粉時就會出現"擦膠碎".
整體而言,KITTY覺得呢款保濕精華氣味清新,但吸收和保濕就屬一般,用後皮膚滑左,與同類型產品比較,價錢相宜,會選購作為按摩厚"full"面膜之用~
總括個人及朋友嘅意見,對Garnier水潤凝萃密集保濕精華嘅評價係(五粒星為滿分):
保濕: ★★★☆☆
吸收速度: ★★★☆☆
抗氧化: ★★★☆☆
價錢吸引度: ★★★★☆
回購指數:★★★★☆
整體表現:★★★☆☆