內雙眼皮+長期眼腫 遇上 MAYBELLINE VOLUM’EXPRESS Magnum

早於香港未出售MAYBELLINE VOLUM’EXPRESS Magnum 瞬盈睫毛液-極緻濃密版前,台灣已經率先發售,而當地嘅的各大美容網及博客都有介紹,標榜10倍濃密,好吸引呵..心諗:香港究竟幾時會有得買呢?!大約一個月後, 香港終於有得買喇 ~
幸運地抽中可以試用,真係要多謝 the ztyle & MAYBELLINE~~
MAYBELLINE嘅睫毛液款式選擇相當多,差不多每季都會有新產品,品質一向有保證,加上價錢相宜,相信各人屋企都應該會起碼有一支,而對於我 呢種內雙眼皮+長期眼腫嘅人嘅講, 睫毛液更加係唔可以缺少嘅必需品,屋企大大話話有十幾支睫毛液,當中有5支係MAYBELLINE嘅出品(去圖睇下....仲有另外2支 unstoppable用完掉埋)

今次有幸試用嘅MAYBELLINE VOLUM’EXPRESS Magnum 瞬盈睫毛液-極致濃密版,外型設計沿用VOLUM’EXPRESS系列,配以搶眼嘅黃色corssover紫色,係開架的陣設中相當顯眼. 呢款睫毛液用上超大掃頭，揉合了不纏結配方，100%防脫色, 更加入了骨膠原配方，為睫毛提供全日滋潤保護.


掃頭超大



即刻去睇下佢點樣幫我將內雙眼皮+長期眼腫嘅眼放大再放大:

素睫(開眼):

素睫(閉眼, 其實...我d眼睫毛唔算好短,只可惜..唉...)

夾翹左嘅眼睫毛(未搽睫毛液):

搽一層(無用任何打底睫毛膏,仲未有時間去買返支):

近鏡:

先用睫毛液彎的一面輕輕搽上,再用側面"梳子"較長嘅一面再往上拉,即時可以見到眼睫毛長左,挺左,感覺輕盈,同之前用過嘅 unstoppable完全唔同(unstoppable質感比較重身,通常搽完第一層睫毛會"dup",要再夾),VOLUM’EXPRESS Magnum同日系嘅睫毛液相似,而且真係做到根根分明,無甴曱腳,個人好鍾意"輕盈"嘅感覺

 

不過可能掃頭超大嘅關係,唔太習慣,令到眼皮塗污左少少..

 

之後用睫毛夾夾一下,再搽第二層,驚喜嘅係居然只有小量睫毛液沾係睫毛夾上,以前試過某d牌子會大量沾污睫毛夾,令到留係眼睫毛上嘅睫毛液淨返30%..

搽上第二層,眼睫毛已經好翹嘍~

近鏡:

眼睛比之前放大左好多

***************************************************

之後經過成日的工作加飯局,返到屋企已經成11pm,照鏡睇下...

咦?!眼睫毛依然好翹..無乜點"dup",真係可以keep到全日噃,可能因為我無上任何底妝嘅關係,眼角會油d,所以甩左少少,但的確算係防脱色,好滿意呵..拍得住我一直力讚嘅 Fxxio

再睇下會唔會好難卸妝先..用嘅係Fxxio嘅point make-up remover,用花妝棉"up"左一陣,就已經可以輕易卸除,比起MAYBELLINE嘅Lasg stylist,要用棉花棒慢慢抺先可以完全卸除,VOLUM’EXPRESS Magnum真係好易卸喔~~

個人評分:(★★★★★為滿分)

增長度:★★★★☆
濃密度:★★★☆☆
易卸度:★★★★☆
輕盈度:★★★★☆
防脫色:★★★★☆
不纏結:★★★★☆
回購指數:★★★★☆

同場加影: Makeup Contest

要求用產品上主色化出一個鮮黃色與紫色搶眼對比的亮麗粧容..
之前入手嘅GOSH同一直未有機會出場嘅Kate Diamond Cut Eyes 輝夜迷鑽眼影盒-紫色終於有機會上場..
上文提到,我係內雙眼皮+長期眼腫,鮮黃色的確非常難handle..所以揀左GOSH,顏色不致於太鮮,獻醜了..

(希望無嚇親街坊啦..)

第一次試妝(顏色未夠SHARP)

之後再嚟..好D啦..

多謝收睇..要去飲定驚茶嘅快D去喇..