向香料&色素說不

香料一向係皮膚敏感嘅致敏原之一, 無色素無香料的護膚品則可以減低敏感出現嘅情況.
曾經試過用嘅護膚品香味太濃而搞到難以入睡..
為求肌膚健康, 不含色素無香料, 成份天然及溫和嘅Simple係其中一個平靚正嘅選擇.

學生時代嘅我, 已經有用過Simple嘅潤膚露,但之後似乎有一段時間再買唔到simple 嘅產品
直到前年, 又再用佢嘅 Clear Skin Oil Balancing Exfoliating Wash 上一代(當時仲係舊包裝), 粒子幼細得嚟好保濕,可以日日用都唔怕, 嗰時仲冬天用添..
可惜用完之後想再買嗰陣已經買唔到

今次試用嘅分別有

1.Kind To Skin Refreshing Facial Wash Gel 滋潤潔面啫喱
2.Kind To Skin Soothing Facial Toner 爽膚水
3.Kind To Skin Hydrating Light Moisturiser 保濕潤膚露

先嚟睇下滋潤潔面啫喱.


含有維他命原B5及無皂配方, ph值適中, 唔會引起皮膚乾燥不適

透明啫喱質地


中文的解說無講要起泡, 但英文理解又似乎要...

基於我都係比較喜歡泡泡嘅feel, 於是都係起泡啦~ d泡都幾多, 有d估唔到呵

當時啱啱瞓醒, 未洗之前嘅皮膚有d油


洗完之後~


唔再油光滿面, 但又唔會覺得乾喎~ 冬天用都唔會有問題

跟住就梗係拍返爽膚水啦


成份天然，具金縷梅及甘菊精華，能舒緩及保濕收毛孔

同樣係透明嘅...


感覺有少少似另一天然護膚品牌(XX SHOP)爽膚水...哈...佢地仲有其他共通點...

搽完爽膚水之後, 可以見到皮膚d紋即時淡左dd..紅印都收歛左dd呵..


最後就係搽返保濕潤膚露


含維他命原B5及維他命E, 加強保濕,減少乾紋出現


搽左之後皮膚feel到好柔軟左..潤得嚟唔"立", 吸收得好快..夏天用一流~ 冬天就可能要搽多次先夠...

呢款保濕潤膚露仲可以作底霜使用..於是我就試下將佢同LM嘅 TINTED MOISTURIZER溝埋嚟用..(LM嘅TM對我嚟講太厚, 一直都有搵嘢溝稀d. 但仲未有一樣係最夾嘅)

出嚟效果ok喎..質感簿左,而且比之前就咁單搽TM更加貼,正呀... 以後支TM唔使再坐冷板凳啦~