對上一次參與the Ztyle嘅活動已經係幾個月之前lu, 今次有幸抽中出席活動,仲要係咁大型嘅, 先要謝過the Ztyle~
是次活動係紅磡都會道7號都會海逸酒店7樓The Patio進行
一去到當然係先點名啦
點名場地的旁邊有工作人員為blogger準備左飲品同小食
另一邊就係活動舉行嘅地方,場中展出Refoderm亞太區代言人鄺美雲小姐嘅唱片及唱片封套照片
另外就係Refoderm「草本美肌精華液」同鄺美雲小姐嘅狗狗CASH毛公仔, 好可愛呵..
Refoderm的工作人員一早就係度stand by同set up好場地&所需用品
而有份出席的blogger都忙於拍低今次活動嘅盛況呢(當中包括我)
活動快將開始,blogger都紛紛就坐,而酒店的工作人員就為我地送上精美嘅小食
活動正式開始喇...司儀就係各位都好主熟悉嘅大佬B嘞,首先佢分享左自己對Refoderm產品嘅使用感受.
之後就請左引入 Refoderm產品嘅葉太上台分享,當初都係試用過Refoderm嘅產品,體驗到對改善皮膚問題非常有效,於是就將產品引入亞洲.
當中嘅皇牌產品就係「草本美肌精華液」,一共有4種,為唔同嘅肌膚類型提供合適嘅選擇,分別係
1.Aloe Vera Tonic 活水盈肌精華 (適合:油性/混合性/暗瘡性/幼嫩肌膚)
2.Skin Care Tonic Sensitive全然煥膚精華(適合:初用者及任何皮膚)
3.Skin Care Tonic Special 全效淨化精華(適合:油性/混合性肌膚)
4.Skin Care Tonic Strong 活膚再生精華 (適合:成熟皮膚 / 舒緩肌肉疼痛)
草本美肌精華液內含150種活性草本成份、豐富的維他命B5及多種植物精華,
以「單一」產品便能深入肌膚底層，提供多方面的護膚效能；由清潔毛孔、調整膚色、美白嫩膚、抗紋除皺、修飾輪廓等都能全面改善,所有產品全無添加成份，經過醫學臨床測試，絕不會刺激皮膚
係初步分享同介紹過Refoderm嘅皇牌產品之後,就先嚟2題問答遊戲,而多得一位極速的組員,我嗰組係最快嘅,所以得到可愛嘅Refoderm CASH狗狗毛公仔~ 好開心呀...隻公仔真係好CUTE..
接住落嚟大會請左一位blogger上台,由Refoderm嘅美容師示範獨特嘅「七式法」,只需3分鐘,即時去除皮膚深層污垢與負能量.
之後仲有另一位好主動的blogger獲邀再進行另一次的示範
跟住就到Refoderm嘅代言人鄺美雲小姐出場啦(真人明艷照人又高貴呵)...佢上一晚意外整親腳,但都依然堅持出席活動,同各blogger分享.真係好專業同好有心呀
鄺小姐分享左好多佢用Refoderm Skin Care Tonic嘅心得,原本連佢嘅腳傷都可以搽Skin Care Tonic Strong去消腫呢
重要環節呢喇,就係blogger即場親自體驗Skin Care Tonic嘅威力喇..我試用嘅係Skin Care Tonic Special.跟隨七式法嘅步驟去塗抹
結果化妝棉變成啡黃色,代表皮膚有污垢積存..我仲用special嚟敷下我粒大瘡..
幫面部做完運動之後,仲可以試用Aloe Vera Tonic去敷眼同咀添..大家都小休一會呢..
完成晒之後,就係壓軸的大抽獎 - 20本鄺美雲小姐遷筆簽名嘅新書 + 10位Refoderm試用大使嘅名額...
可惜唔中呢...不過唔緊要, 因為呢個時候,原本感覺腫痛嘅大瘡無咁痛喎..而肌膚變得好有光澤呢...真係好神奇..
最後當然唔少得要同鄺小姐影返張相喇..機會難得..攞埋CASH狗狗毛公仔返去繼續用咁神奇嘅產品嘍
(請繼續收看試用分享,謝謝喔~)
沒有留言:
張貼留言