2010年10月17日,係一年一度嘅SASA婦女銀袋日. 好開心抽中左入場劵,可以去開下眼界(咁大個女第一次入馬場呢..)
一入去就見到當日發售嘅紀念品攤位, 超多人排隊, 有部分仲已經賣晒(當時大約點零鐘咋)
仲有就係唔同馬匹嘅模型展覽 同馬會嘅歷史介紹
當然唔少得SASA婦女銀袋日嘅馬匹模型啦
之後跟住指示去睇下有咩玩
-莎莎「魅力佳人」化粧專櫃, 只要俾$30就可以即場有人幫你化個靚妝, 仲會有返張價值$50 嘅SASA現金券, 即係賺左
排隊嘅人唔算多, 不過我同媽媽去, 費事佢等我咁耐, 所以無玩
-親親雪特蘭小馬攝影
條龍長到呢...見到已經唔想排...
唯有係旁邊zoom埋去影下佢地..細細隻又幾得意嘅.
之後四周圍行下, 影下相,就去咖啡閣度食下嘢..
咖啡閣側邊嘅開運小馬公仔, 幾CUTE喎
因為有coupon, 所以換左2份 tea set
估唔到都幾豐富喎
跟住就係SASA化妝示範嘅場地度坐低食嘢, hea 下
原來評馬人都係係呢度分享賽馬資訊及心得喎..
之後大約2點半, 就有專業化妝師示範最新化妝技巧睇嘞..
由朱凱婷做MC喎..真人都幾靚..
個MODEL都好靚..
呢節係示範唇部化妝
之後應該仲有幾節,不過無等lu, 出左去睇跑馬
條跑道無想像中咁闊喎..
大約都係行左2個零鐘就走lu, 無等到最佳帽飾演繹大獎頒獎啦..
攞左呢d禮物返去, 都幾滿足~~
沒有留言:
張貼留言