Nuxe植物芳香護膚體驗分享會

好開心抽中出席SASA舉辦嘅Nuxe植物芳香護膚體驗分享會,今次係第一次參加SASA嘅活動呢.活動前一晚,工作人員NOEL仲好細心咁打嚟提醒出席活動呵.


是日去到TST愛賓大廈嘅SASA,店舖好大,活動係2樓進行,上到去見到Nuxe有自己專屬嘅選購區哦.嚟入貨嘅話就可以慢慢試,慢慢揀嘞



靚靚嘅玻璃枱上一早已經準備好唔同系列嘅產品,仲有花茶同蜂蜜糖俾我地解饞.




差不多人齊,活動就開始嘞..先由工作人員介紹NUXE嘅亞太區域經理Natacha出場,

為我地講解NUXE嘅背景,產品資料等.


原來NUXE係法國著名嘅護膚品牌,擁有自己嘅SPA,而且榮獲多個法國本土及國際獎項,多位荷里活明星及名模都其產品嘅粉絲

而 NUXE係以NATURE(自然)+LUXE(奢華)嚟命名,所以產品都係以植物療法(Phytotherapy)、芳香療法 (Aromatherapy)為兩大基礎,全部產品都蘊含豐富嘅天然植物成份，選料優質，不含化學物質、人造色素及礦物油成份，而且唔採用動物性原料及作 動物測試.

堅持3大理念:NATURE(自然), PERFORMANCE(有效)同SENSUALITY(感官享受)去生產NUXE嘅護膚品.

係對品牌有初步認識之後,就由美容顧問介紹幾大皇牌系列

先係『蜂蜜夢幻柔護系列』,我地就即場試左其中2樣



-蜂蜜護唇霜


含智利玫瑰、金盞花萃取油、甜杏仁、乳木果油等天然珍貴植物油,加入維他命E,滋潤得嚟有效抗氧化同減淡唇紋

搽上嘴嗰時有少少磨沙FEEL.係蜂蜜嘅結晶體嚟.又幾潤噃..

-蜂蜜柔護手霜


感覺真係幾潤,又唔會"立",聞落係淡淡甜甜的香味.

另外仲介紹左蜂蜜溫和潔面啫喱,但無即場試,只係聞下個味道,係甜甜嘅蜜糖味

而蜂蜜潤潔糖皂就係男士嘅滋潤選擇

再嚟係『瑰麗芳香潔膚系列』,簡稱3 ROSES

原料嚟自3種唔同嘅玫瑰(D名太長,唔太記得,淨係記得其中一款好似叫千葉玫瑰)

全系列嘅產品都係潔膚產品,可惜未有機會即場試下

跟住係『植物鮮奶保濕系列』

BA奉上一小杯植物鮮奶俾我地飲喎..應該係豆奶嚟嘅..

全線產品都蘊含8種植物奶、四款植物精油、五種植物萃取液,提升肌膚含水量及保濕度.

即場試左 - 植物鮮奶霜.

質地都幾傑身..但推開搽勻又幾滑喎..


仲有植物鮮奶精華.

質地係乳液嚟...容易推開吸收快..

最後唔少得有經典明星產品 - 『晶亮全效護理油/晶亮星光護理油』

任何皮膚或髮質都用得,兩者嘅分別只係閃同唔閃..

平時比較少用油類護膚品,除非皮膚超乾,因為都幾怕油淋淋嗰種感覺..

但估唔到呢款護理油,搽完,好快吸收晒,又真係唔油膩喎..

認識過產品後,就玩左一個配對遊戲,幸運地快d配到,贏左.

不過因為技術性問題,2隊都有獎, 皆大歡喜

最後仲有靚靚嘅蛋糕做tea呵..yummy..


之後就攞左呢d返去嘍:

遊戲獎品