台牌保養新選擇

近年台灣嘅護膚品興起,品質同效果不俗,價位吸引,加上地近香港,出行方便,好多人都會去下短途旅行之餘順道掃貨(曾幾何時我都試過買到爆喼返嚟)..有d品牌已經引入,但有d依然係有得睇,無得買..特別係台灣著名嘅化妝美容師嘅自家品牌產品,
係香港好難買得到(佢地全部都係價格超抵,品質佳嘅上上之選嚟架!!)

多得COLOURMIX引入牛爾老師嘅皇牌晚安凍膜系列,依家仲有得試用,正呀~

仲好貼心咁包好寄到嚟

打開之後...原來係茉蘭薰衣草美白晚安凍膜+森玫瑰雪耳眼周晚安凍膜嚟喎..台灣嘅晚安凍膜,其實即係等於我地平時用嘅sleeping mask...

茉蘭薰衣草美白晚安凍膜

呢款係集美白、保濕與預防初期老化一身嘅晚安凍膜

採用多種行政院衛生署許可嘅美白舒緩成分：鞣花酸微囊球, 維他命C衍生物, Sun’er Complex®專利複合物等等

藉由夜晚休眠時間持續安撫修護肌膚，更貼心搭配薰衣草系複方植物精油，透過香氣令肌膚獲得舒緩

打開外蓋,原來仲有一塊保護膠膜呵...

揭開保護膠膜,就係gel狀嘅晚安凍膜嘞

質感係好傑身下嘅gel嚟

不過好易搽開

吸收晒之後,手背嘅紋都淡左d

用係面呢...先做好基本保養..

塗好面霜後皮膚狀態

再薄薄搽上茉蘭薰衣草美白晚安凍膜,感覺係搽左gel cream咁,保水又滋潤,而且無太大黏立感

伴住淡淡嘅薰衣草香氣..可以好好去瞓一覺嘍

第二朝起身,皮膚唔覺乾之餘,仲無平時咁油呵..


除左面部肌膚,眼部更加需要保養,以免洩漏年齡祕密!!咁就梗係用-

森玫瑰雪耳眼周晚安凍膜

顧名思義就係用嚟敷係眼周嘅,特別為缺水乾燥、細紋及出現初期老化現象的眼周肌膚所度身打造,集合高效保濕與抗老緊緻雙重配方,同時搭合由三胜肽、Phytoferulin®及A、E微囊球組成的緊緻抗老配方，激活肌膚的修護能力,使眼周肌膚飽滿

打開就係散發住玫瑰淡雅香味嘅眼周晚安凍膜

質地比面部嘅晚安凍膜稍稀,但都係gel狀

好滑又易推

用大約2粒珍珠嘅份量塗係下眼瞼3cm,剩低嘅塗係上眼皮至眉毛位置

以後連眼仔都可以水水潤潤喔~

用晒就可以去COLOURMIX入貨,唔使有得睇無得用喇,希望COLOURMIX繼續引入更多更好嘅牌子哦~咁就有福啦~