第一次@美肌之誌

一直以嚟,日本嘅護膚品/化妝品都好受香港人歡迎,除左質素有保證之外,大概亦因為同樣身處亞洲,配方都比較啱用..

近年有唔少品牌都開始改良,配方/品質監控依然係沿自日本,不過產地會係台灣/韓國等地.美肌之誌亦係當中嘅一員.一直都有見到佢嘅產品好評,特別係面膜,但對於用護膚品花心嘅我嚟講,仲未曾用過呢..

多得BEAUTY LIFE,依家有機會可以試用其中一個系列嘅產品,真係好感激呵...

呢個就係膠原蛋白極致保濕系列嘞(嘩,有膠原蛋白,仲極致保濕,啱晒依家嘅天氣啦),而且全個系列都係由植物萃取+透明質酸+植物性膠原蛋白為主,所有肌膚都適用


當中包括有:膠原蛋白極致保濕原液, 膠原蛋白極致保濕試用裝乙套及2片膠原蛋白極致保濕面膜

膠原蛋白極致保濕試用裝有3樣唔同嘅產品





1.膠原蛋白極致保濕洗顏乳

性質溫和, 揉合大豆萃取的膠原蛋白及洋甘菊，與肌膚 pH 值相同的弱酸性, 除左用嚟潔淨肌膚之餘,仲可以用作卸妝,一支搞掂晒

質地似傑身少少嘅cream咁

但咁少嘅份量,加水起出嚟嘅泡泡都不弱呵

洗完面感覺唔到皮膚繃緊

2.膠原蛋白極致保濕液

其實即係爽膚水嚟, 加入美白功效的桑白皮萃取能夠抑制黑色素的形成

透明無色嘅水狀

潔膚後用補濕液沾濕棉花，由下至上輕輕拍於面部及頸部直至被完全吸收,唔好用係眼部四周.

搽完皮膚變得柔軟,感覺肌膚流失的水份補充返

3.膠原蛋白極致保濕乳液

清爽配方,特別添加多醣類補濕劑-糖基海藻糖，係肌膚嘅營養補充劑嚟

質地係稍為傑身嘅lotion

觸感柔滑,搽係手好快吸收哂

用完皮膚水潤滋潤,不錯耶~

另外仲有係膠原蛋白極致保濕原液

應該係等於精華素唄..

內附整個產品系列嘅說明

估唔到佢都係用滴管式設計(似乎已經成為精華素嘅指定裝備嘍)

含高濃度的透明質酸+植物性膠原蛋白成份,再配合五元胜肽及維他命B5,有效撫平細紋

係透明嘅傑身lotion狀

搽落感覺幾清爽

不過無想像中咁滋潤補濕...

搽完係面feel到有d緊..嗰仲唔係因為乾而出現嘅繃緊, 而係皮膚緊緻左嘅感覺(之前有用過第2個牌子都有同樣嘅感覺出現)

呢個真係無預計過呢..大概佢有收緊嘅作用

最後係膠原蛋白極致保濕面膜

蘊含豐富膠原蛋白,外加甘草精華,有嫩白肌膚、緊緻毛孔之功效

打開包裝


攞出面膜後發現原來有一張佈滿小孔嘅珍珠紙托底

見到上面都有好多精華呵..

敷上面後, size好fit, 而且好貼...精華會更容易吸收..

15-20分鐘後取下面膜,原本乾燥無光澤嘅皮膚即刻水嫩返晒...

再輕柔按摩下塊面，等d精華滲透肌膚, 唔好浪費

用左咁多款產品,最鍾意都係面膜,難怪咁多人推介啦,依家終於明白晒喇..