之前有一排皮膚狀態突然轉差, 已經想買返支玫瑰果油嚟用, 幫助改善返膚質, 點知咁啱就抽中試用,真係幸運呀..
MELVITA呢個牌子係香港暫時未必好多人聽過, 但佢係法國就係一個非常有名的環保有機護膚品牌, 創辦於 1983年, 已經有25年歷史
除左護膚品外,仲有牙膏, 蜂蜜食品等等, 全部都係以天然及有機的原材料去生產,經法國ECOCET有機認證機構認可, 絕對係環保嘅先鋒.
香港暫時有2間分店,當日去到尖沙咀分店攞產品, BA非常仔細咁講解產品的用法,同埋即場試用, 可以率先體驗一下 , (讚呵~
)之後仲將產品包靚靚俾我擰走~
今次試用嘅分別係玫瑰蜜霜 & 玫瑰果油
附上產品特性及用法說明
以下逐一解構, 先嚟玫瑰蜜霜
呢款玫瑰蜜霜係Melvita的皇牌產品,集合左5個唔同地方玫瑰品種嘅精華, 利用各種玫瑰獨有嘅特質溶入蜜霜當中,蘊含濃縮的有機精華, 不含防腐劑, 加上真空瓶子的包裝設計,使用方便容易之餘,仲令產品更加保鮮.
研發技術更獲得2008年Bio’Innov 生化創新大獎.
究竟係邊5種玫瑰嘅精華呢? 就係….
• 摩洛哥玫瑰花瓣 (修護之效)
• 伊朗玫瑰花廿水(舒緩之效)
• 智利玫瑰果油(更新之效)
• 法國玫瑰種子乳液(活化之效)
• 土耳其保加利亞大馬士革玫瑰精油(香氣)
到底質地如何呢..搽上手睇下先..
唔算好傑喎
觸感好滑,容易推開, 吸引相當快
仲有我至愛嘅玫瑰香味 (專買玫瑰味香水嘅玫瑰控
)獨有的真空瓶子設計, 泵嘴位置係睇唔到任何窿窿架, 但係按落去, 又會”吱”到cream出嚟喎,真係好神奇…
唔通呢個就係獲獎的因素之一?!
而搽上面嘅感覺呢, 質地好輕但又好潤
對於香港夏天又濕又熱嘅天氣嚟講, 日間搽會”笠”, (我係混合性皮膚,可能極乾皮膚例外),所以BA都建議暫時當成晚霜嚟用,
夜晚瞓覺開住冷氣,會令皮膚變乾, 玫瑰蜜霜就絕對啱用, 因為夠哂潤, 就算第二日起身都唔會覺得乾.肌膚仲光澤左, 相信冬天用就啱啱好~
另外就係玫瑰果油
玫瑰果油含的豐富不飽和脂肪酸, 具有組織再生的功能,對曬傷皮膚修護功效顯著, 而且深層滋潤肌膚、提供養份，防止皮膚老化、乾燥.
可以保持皮膚清潔，柔軟、嫩滑、濕潤、緊縮，結實，富有彈性, 撫平妊娠紋及橙皮紋
另外有效減少皮膚色素,預防黑斑，雀斑及黃褐斑的形成..
其他仲有好多的護膚功效,在此未能盡錄, 詳情可參考網上資料
佢當然係液體油狀啦,橙橙地色.
BA教我以玫瑰花水混合玫瑰果油嚟用, 相對會無咁油; 又或者係基礎護理後趁面部仲濕濕地時搽,會有助吸收.
不過屋企無玫瑰花水,咁我就用礦物泉水噴霧加玫瑰果油, 再搽面
咁啱呢排連續兩個星期都去船河,日曬時間比平時多好多,即使有搽防曬, 不過都中左蕉,玩完成日皮膚有少少紅,當晚就即時用玫瑰果油.
雖然已經混合左礦物泉水先搽上面, 不過都會有d油油地嘅感覺,(始終佢都係油嚟嘛), 但幾分鐘後就吸收哂~
到左第二朝起身,泛紅嘅地方已經回復原狀, 同埋無油光滿面嘅情況喎…真係唔可以唔信佢嘅功效..絕對係急救皮膚的良品!!!
不過美中不足的就係, 原來玫瑰果油並唔係玫瑰花香味架..係一d植物油嘅氣味嚟, 有少少失望呢…
意外發現左一樣嘢, 原來Melvita係 L’occitane (Fast East) 集團的其中一員嚟喎…唔知同L’occitane 有咩關係嘅呢?!
沒有留言:
張貼留言