全靠Head & Shoulders 全新嘅 Hair & Scalp組合,今次有幸試用先要謝過ELLE,不枉要山長水遠入到去數碼港攞產品,都係值得嘅
全新嘅 Hair & Scalp系列,靈感源自深海的「高純度水漾礦物精華」，
由head & shoulders日本研發中心以礦物質配方為基礎，結合高純度水精華研製而成。
依家晚晚都見到張艾嘉個廣告呢,產品的介紹唔多講.有興趣可以到http://www.hns-spa.com/了解
以下純粹分享用後感覺
Head & Shoulders Hair & Scalp Shampoo
一向都用開head & shoulders嘅洗頭水,諗唔到出埋專業護理系列.讚~
本身頭髮屬中性偏油,夏天出油情況更嚴重,某d牌子的洗頭水要洗2次先夠乾淨 =.=
而呢款洗頭水洗一次已經好乾淨(使用份量同平時相約),乾淨清爽得嚟絕對唔會覺得d頭髮"鞋"
泡沫都好豐富
Head & Shoulders Hair & Scalp Conditioner
潤髮乳質地比其他牌子傑身,而用法有d唔同,一般潤髮乳都會塗抹於髮尾就算,hair&scalp嘅潤髮乳就教要用手指疏通頭髮,等潤髮乳更加吸收,有時唔提醒真係未必會咁做呢..
跟住提示做,一沖水,個心就"嘩"左一聲,好滑呀~~頭髮比平日用嘅潤髮乳滑左好多,但又唔係過極水都唔乾淨嗰種滑,
D頭髮變得順滑柔軟,效果遠超預期嘅好!!
Head & Shoulders Hair & Scalp Treatment
滋潤髮膜係一般的開架護髮產品當中選擇唔多,只有幾個牌子有,而家有多一個選擇喇
質地比潤髮乳傑身d,可以代替潤髮乳每日使用.呢個就塗抹於頭髮乾燥的地方,再過水..
感覺頭髮滑不留手,乾左之後,可以見到以前因為多次電髮而變得枯黃的髮尾無之前咁鬆散,好似有返少少光澤呢~
Head & Shoulders Hair & Scalp Hair SPA Cream
頭皮頭髮按摩霜呢種產品係第一次接觸,過往的潤髮產品唔建議搽係頭皮上嘅.
質地真係好似CREAM咁喎
完成基本護理程序之後用
只要1分鐘,簡直係快,靚,正!!按摩頭皮可以促進頭髮健康生長,用左佢之後,覺得頭髮更加柔滑滋潤,平時因長髮令頭髮貼於頭部的問題有改善呢~頭髮彈性好左,但又唔會係蓬鬆嗰種,真係可以幫到手
初用Head & Shoulders Hair & Scalp組合,頭髮順滑柔軟左
用左一排之後,連髮尾的枯黃都有改善呢,光澤返嚟啦~
沒有留言:
張貼留言