呢一罐Burt's Bee 綠泥係之前去台灣嗰時掃返嚟嘅,一直都未有機會開嚟用,最近d深層清潔mask用得七七八八,終於開左喇..
本身佢係粉末狀, 要加水/果汁/牛奶等等去開先可以敷面,對懶人嚟講(如我 :p) 有少少麻煩
入貨之前睇過佢嘅評價都唔錯,唯有付出多少少, 回報又會如何呢?!
睇下個樣先:
內附小匙羹,方便使用者
打開見到係綠色的粉末
我用面膜啫喱嚟開,另外加左綠豆粉, 質地比用水開會傑d, 慢慢攪拌到糊狀, 先敷係手feel下先:
洗左之後...分別好似唔太大..
再敷上面嘞
敷住個陣感覺好冰涼, 應該係因為成份當中含有薄荷葉,以及多種精油,eg:尤加 利樹油,薰衣油等等,夏天敷真係好爽~
呢款mask敷嘅時間比較短, 只需要 5-10 分鐘, 之後洗面or抹走佢
出嚟嘅效果真係估你唔到, 毛孔望落真係細左喎 !!! 鼻位睇落去效果最好,但係為免嚇親街坊,都係post 鼻側位置啦...
可惜過幾日又回復原...收毛孔真係要長期作戰呢...
不過有d人用呢款mask會敏感, touch wood 我無咁嘅情況,有可能係因為溝左綠豆粉,同埋唔會敷超過5分鐘
如果本身易敏感嘅, 應該先係手肘位試用左再敷上面嘍~以策安全嘛...
沒有留言:
張貼留言