今次嘅「美達施天然纖維素」14天「高纖有盈」試飲活動又可以令我了解多d健康的知識呵..
是日去到營養師係中環的OFFICE, 工作人員就將流程簡介, 問卷&試用品俾左出席嘅blogger先,活動大致的流情如下:
-體重評估 (體重、高度、體脂比例、水份比例、肌肉量及新陳代謝率等)
-營養師分享：
- 生活化『高纖輕盈』飲食妙法
- 如何每日多『增高纖』一點？
- 如何分別隱藏至肥食物陷害？
-自製下午茶飲品 / 小食
之後就由營養師幫各blogger逐一做體重評估 (體重、高度、體脂比例、水份比例、肌肉量及新陳代謝率等)..其實都係好似平時磅重度高咁, 不過個磅應該唔係普通嘅磅嚟, 係可以計算埋體脂比例、水份比例、肌肉量及新陳代謝率等等嘅.
我嘅初步評估結果係水份比例ok, 體脂比例都ok, 不過可以更好...營養師稍後會e-mail返詳細d嘅報告俾我地..
係各blogger輪流做體重評估嘅同時,我就趁住呢段空檔時間做埋份問卷先, 大致上都係關於對健康產品嘅睇法及識知, 以及對健康方面的認識等等..
等大部分blogger差不多做左評估後, 下一個環節就開始嘍
先由美達施嘅工作人員Yvonne介紹今次嘅主角-天然纖維素, 包括左佢嘅歷史,成份,好處等等介紹一下
之後就到營養學家李正雅Angela小姐帶領我地點樣體驗『高纖輕盈』飲食妙法,佢先簡單咁等我地了解如何介定肥胖及其種類.
都市人壓力大,好多人都會揀食嘢去減壓.但當中隱藏左好多卡路里的陷阱,營養師都逐一抽出其致肥成因
又介紹左點飲食同邊d食物會比較健康
Angela仲特別建議左7天高纖輕盈餐單(高纖低卡),將美達施天然纖維素加入飲品中, 或者制成特色飲品or甜品,可以每日都吸收所需嘅纖維素,又唔會攝取過多嘅卡路里,輕易塑造健美身段
各blogger都好專心去聽
接住落嚟就係最好玩嘅部分嘞,就係Angela親自教我地用美達施天然纖維素自製下午茶飲品 / 小食
1.香蕉芝麻豆奶:
材料有香蕉, 炒過嘅芝麻, 豆奶同美達施天然纖維素.
做法好簡單,只要將頭3種材料放入攪拌機攪拌約5分鐘,之後加入美達施天然纖維素再攪拌30秒即成
飲落幾香滑喎,亦唔覺得有沈澱物,非常易入口, 可惜屋企無攪拌機呢...
2.橙咖啡芭菲
材料有高鈣低脂奶粉,蒟蒻粉,橙皮,美達施天然纖維素,生果,另備已制咖啡凍
做法就複雜少少,先將高鈣低脂奶粉開水後煮熱(要一直攪動,Angela請左其中一位blogger幫手),再加入蒟蒻粉煮到溶為止.
(呢part開始各blogger都有機會自己整返自己嗰杯)跟住就將佢倒入一早預備左咖啡凍上面.再灑上小量橙皮攪勻,好香呀..買相已經好靚喇..
之後再以橙味美達施天然纖維素開水至糊狀,再倒係差不多已經凝固的奶凍上面.(好短時間咋,已經凝固左)
最後鋪上自己鍾意食嘅生果,完成 !!
好好味呀...橙味美達施天然纖維素味道都唔錯,唔係人工化嘅橙味,再配上咖啡奶凍,味道都夾喎,一款好啱夏天嘅甜品呢..
3.麥精豆奶加原味美達施天然纖維素
美達施嘅工作人員整嘅,只係將兩者混合,飲落味道無變,只係多左天然纖維素粉,入口都ok喎.
成個活動都好開心呀,吸收左更多的健康知識,又可以參與整嘢食,非常互動,之後就攞住試用品返去試用lu~
(請繼續收看試飲分享,謝謝喔~)
沒有留言:
張貼留言