皮膚及時雨

之前出席完Origins Make A Difference 肌膚再生修復工作坊後(按: 詳文), 就攞住今次嘅主角Make A Difference Skin Rejuvenating gel-cream肌膚再生修復補濕晚霜返去試用嘞~
(外加係工作坊俾我地玩嘅復活草,係工作坊度浸極水都唔開,點知返到屋企開晒喎=.=)

係 工作坊度都了解到,呢款新出嘅補濕晚霜,除左四大皇牌天然成份：復活草萃取+海扇藻+海藻醣+深海藻類萃取,仲特別加入左月見草修護複合物,可以重整肌膚 嘅天然自我修復規律,促進細胞復元.皇牌成份則防止肌膚缺水及乾燥,幫助強化肌膚水份保護屏障,強效銷水,抵抗缺水問題.

絕對係秋冬季同乾性肌嘅恩物.而我啱啱做完激光美白療程,d皮膚特別乾,佢簡直係及時雨呢..

扭開呢瓶肌膚再生修復補濕晚霜,仲有個cover喎, 夠保護

聞落有淡淡嘅檸檬香味,應該係嚟自當中嘅天然植物精華

話明係gel cream, 質地係比gel傑身少少,但又比cream稀d, 就係介乎gel同cream之間嘍..

搽上手,極易推開..

好快就吸收哂..隻手D紋都淡左..

用上面又如何呢..

洗完面咩都無搽..因為早幾日做左激光美白療程嘅關係,乾到呢...

所以我就將gel cream 搽得厚少少,點知一搽上面就即刻feel到好拮呀...反映左皮膚真係極度缺水...

等佢吸收晒之後,皮膚望落好似飲左水咁,d乾紋唔見左,滋潤之餘仲有光澤左~

到第二朝起身,洗完面之後,水潤感都仲keep到喎


平時朝早一洗完面就會feel到乾,用左佢之後就唔再出現呢個情況喇, 讚呵~