[美白+抗老化]-有賴Sofina

自從幾年前接觸到Sofina嘅防曬後,自此就成為左佢嘅粉絲,之後更開始用埋佢d彩妝
近幾年SOFINA推出更多唔同嘅護膚產品系列,加入各種有效成份,就算只做基本皮膚護理,都可以有良好效果,簡直係懶人恩物~

多得HKCOSME,今次有機會試用佢嘅SOFINA beauté whitening 系列.

是日去到TST SOGO COUNTER, BA好NICE咁教用法,攞到大概可以用到5日左右嘅試用SAMPLE+小冊子
   1. SOFINA beauté 美白活膚乳液 （4ml）
   2. SOFINA beauté 美白活膚露   （8ml）

小冊子除左介紹產品外,仲有教埋護理步驟

SOFINA深知對女性嚟講,單係美白已經唔再足夠,SOFINA beauté whitening 系列帶嚟[美白+抗老化]嘅護理概念~ 唔需要特別嘅護膚品,只要每日使用活膚乳液&活膚露作為基本護理,就可以擁有美白+透明感+彈性嘅肌膚

全因為2種產品都有"洋甘菊ET"美白精華,生薑,柚子,尤加利等天然精華,透過Sofina嘅專利誘導滲透科技,令精華滲入直達肌膚深處,阻隔黑色素形成並提升彈性.
活膚露更加入「水晶透亮滋潤成份」,增加透明感

洗完面後,先用SOFINA beauté 美白活膚露I (清爽型)

其實即係爽膚/化妝水嚟(叫法唔同啫), 無色, 呈透明

先倒係掌心(BA話用化妝棉都可以,不過用手會好D),再跟小冊子教嘅STEP去塗抹


皮膚感覺柔軟左潤左,滑左少少

之後再搽埋SOFINA beauté 美白活膚乳液I (清爽型)

奶白色嘅,一般乳液嘅質地

搽完之後皮膚無咁黃喎 !!!

用左幾日,望落真係比之前亮白左少少,成個TONE無咁黃之餘,皮膚又唔會因為用緊美白產品而變乾.

雖然今次用嘅係清爽型,但係初秋嘅天氣下都OK夠潤喎..可惜使用日子短,暫時未睇到抗老化效果

抵讚嘅係2款產品都應該係無色素同無香料嘅,幾乎聞唔到有香味,相信敏感肌膚都應該可以使用?!

嚟緊除左買防曬外,仲會敗SOFINA嘅SOFINA beauté whitening 產品呵..