當痘痘遇上Dr. G

基於香港嘅地理環境關係, 夏天天氣總係熱得嚟極潮濕,對於混合性皮膚,T位勁出油嘅我嚟講,個鼻往往係間瘡出沒嘅重災區(特別係生理期,幾乎用咩產品都會照出..)
加上皮膚偏薄嘅關係,好多時都會出現紅鼻子嘅情況, 但我唔係聖誕老人D鹿呀...嗚...

有幸抽中試用Dr. G 嘅速效暗瘡修復精華,先要謝過BEAUTYLIFE 同 SASA

可以去擰嘅第一日即刻去攞左返嚟,因為個鼻又有痘痘出沒,要被拯救啦

相信成日行SASA嘅話,都應該會見過/聽過DR.G呢個品牌. Dr.G於2003年誕生,係全球排名第二、韓國第一的醫學美容集團Gowoonsesang期下嘅白金級醫學護膚品牌.
Gowoonsesang係韓文入面係「美麗世界」咁解.由Dr. Gun-young Ahn憑藉在皮膚修復治療上超過20多年的臨床經驗而建立,
團隊中包括左醫學博士,皮膚科醫生,專業護士及醫學美容專家組成,所有產品都根據臨床醫學診症去研發,揉合醫學界的專業皮膚知識、頂尖科研技術及優質純正天然原料,
護膚效用得到保證,係韓國可以話係相當出名.

今次試用嘅速效暗瘡修復精華, 根據官方資料:
成份:

    * 茶樹油: 消炎抗菌、平衡油脂分泌
    * 三氨生: 剎菌，能防止暗瘡形成
    * 葡萄籽萃取液: 保濕
    * 沒藥醇: 防刺激劑，具消炎作用
    * 水楊酸: 軟化角質，溶解黑頭粉刺，暢通毛孔，收乾暗瘡
    * 維他命原B5: 柔軟、保濕
    * 甘草酸鉀: 舒緩、消炎

功效:

用以修復暗瘡患處，促進傷口癒合得更快更理想，並有效修護肌膚，減少暗瘡印形成。能吸收暗瘡患處的多餘油脂，加速暗瘡凋謝，具消炎鎮靜功效，抑制引起暗瘡的細菌，減退紅腫。

打開一睇,除左附有說明書之外,仲有一支棒,可以代替手去沾取精華,避免污染情況出現

再扭開,係滴管式設計,更加方便衛生

質地係較稀嘅乳液狀

使用方法
早晚使用，取適量重點塗於暗瘡患處，並以指尖輕按至完會吸收

當晚即時搽係痘痘埋伏嘅地方, 已經紅左一撻

搽左上去,無色嘅,散發住茶樹油嘅氣味..

用左幾日,痘痘無爆出嚟..紅腫都退左..

之後KEEP住用,大約用左10日,原本痘痘出沒嘅位置,好返喇~ 連毛孔都細左少少呢...

真係要多謝SASA將DR.G引入,嚟緊要去買埋同系列TROUBLE CARE嘅另一隻產品A1皇牌暗瘡消炎精華先得嘞,看門口好幫手呢..