2011年首敗

早幾日去開尖沙咀, 本來想買化妝掃+衫, 就行嚟行去都未睇啱, 結果反而買左其他嘢

FASIO嘅眼影+睫毛液 SET

我一向係FASIO嘅睫毛液嘅粉絲, 因為佢真係好堅, 搽左去船河,玩足成日都唔甩, 不過就未用過佢嘅眼影

X'MAS 之前已經見有SIS介紹過/買左, 之後去屈記睇, 點知得粉紅色系同綠色系, 兩組都唔係我嘅心水, 所以無買.點知行開SASA, 見到原來有啡色同藍色(得覺得似紫色多D)系架!!! 係個COUNTER 度試色試左成10幾分鐘,兩款都勁鍾意呀~

但屋企有成10盒8盒啡色系嘅眼影. 藍/紫色系都有4, 5盒.本來都諗住淨係買藍(紫)色系就算, 不過啡色嗰盒又好鬼靚, 結果2盒買晒.

呢個優惠set就等於買眼影送睫毛液, 勁抵呀.

不過睫毛液就fix左係濃密款,無得揀.


另外仲買左REEBOK 嘅TRAIN TONE運動鞋

佢有分EASY, TRAIN, 同RUN TONE, 有唔同嘅功能, TRAIN係FOR做運動嘅, 鞋身比較輕

初初出已經想買,不過諗住X'MAS/新年應該會有減價, 點知無喎, 而且發現有幾個牌子都有推出呢類嘅產品

點知假期前新聞先報導話NEW BALANCE嗰D聲稱有助消脂及纖體的健步鞋係美國俾消費者提出訴訟, 話原來無料到喎..

但依然無阻我想買REEBOK嘅心(根本就係想買嘢)..點知係中港城嘅運動家OUTLET有貨喎, 係我最想要嘅紅色, 仲要係43折咋, 即買..

咁又多個藉口俾自己要做多D運動喇...嘻..