絲綢,自古至今都係名貴嘅物料,觸感輕柔幼滑,相信唔少人都好想擁有如絲般嘅皮膚
多得Kanebo其下嘅Coffert D'or PR嘅邀請,依家有機會令皮膚好似絲咁滑,無瑕細緻, 仲有矜貴嘅光澤呢~
Coffert D'or嘅全新絲亮粉底系列,採用全新素材 SILKY POWDER + SILKY ESSENCE, 為肌膚打造絲般柔滑嘅底妝
今次試用嘅有底霜同粉底,包裝都有bling bling閃爍鑽石型嘅襯托
BASE有2款.我用嘅係 COVER FIX BASE 遮瑕型底霜
係無香料嘅, 水溶性膠原蛋白(保濕)配方, 一年四季都用得
瓶口偏細,唔怕會吱得太多出嚟
底霜顏色係淺橙色嘅
質地都幾薄, 好易推.
推勻後手背膚色均勻左...
而塗係面上, 毛孔即時隱藏左,原本深色嘅斑望落都淡左..
下巴嘅痘痘都收歛左dd..
近睇會見到有閃亮嘅粉末粒子(可惜部相機唔掂,影唔到)..臉色明亮左..
不過略嫌保濕度唔夠高, 可能Essence Fix 會更啱我
之後當然係搽粉底啦 - Silk Cream Foundation, 同樣係水溶性膠原蛋白(保濕)配方, 一共有7色可以揀呵..
扭開外蓋,裡面仲有cover噃..
個蓋內有乾坤架...就係藏有刮棒..唔使用手指直接取粉底,衛生得多.
打開埋個cover 就係望落好似cream咁滑嘅粉底
係乳狀質地嚟...好滑好好捱呀~
手背嘅紋理淡左..白滑左咁~
急不及待搽上面先...
原本只係塗左BASE,斑斑已經遮左, 不過鼻頭深色嘅暗瘡印依然明顯(太嚴重, BASE搞佢唔掂)
取適量粉底,係臉部分5個位置點開,再由中央往外側推勻.
臉部中央部份量最多,向外側直到輪廓部份薄搽帶過,可以呈現自然的立體感。針對容易產生細紋的眼部和唇周,薄搽就ok
感覺滋潤得嚟又唔厚, 摸落滑嘟嘟, 唔會好似有d粉底會有d立
膚色變得明亮均勻, 本來好礙眼嘅暗瘡印都遮左,連遮瑕膏都可以慳返嘍~
Close up:
本身我嘅膚質係T字位油, 兩頰偏乾,一般粉底都係keep到大約3個鐘就會出油,要補妝
今次用Coffert D'or嘅base+foundation, 就可以keep到4個鐘左右,唔錯呵...新年閃亮底妝有著落喇~
沒有留言:
張貼留言